مسافرات العيد الى لندن يتفضلون هني

[حبيت طيفه]

فديتج لندنيه والله كنت احاتي وماحب اسحب من بره احب اصرفهم بكويت احسن

 

[كويتيه ذربه]

كويتيه ذريه أنا ماجهزت شي وملئ خلق اصلا

نفس الحاله :bbbiu:

 

[مشتطـه]

شنو ماركة بيبا شلون تنكتب بطلع صورها من النت
شوقتوني

 

[الكادي 1981]

سلام بنات الاولبيات متى تخلص
وحبيت اسأل البنات اللي بروحون مع قروووب الفضاء بس راح يروحون لندن

اعتقد ااي لكن احتمال نكلم القايد يطلعنا بلاك بول. في أحد معاااااي؟؟؟؟؟؟

 

[لندنية]

شنو ماركة بيبا شلون تنكتب بطلع صورها من النت
شوقتوني

حبيبتي اكيد شايفتها انتي بس مو منتبهه عليها هذا موقعهم
Biba - House of Fraser

 

[الدلال]

الله يسهل ان شالله على الكل

احتمال 80% اروح بعد العيد لندن

حسب التساهيل ان شالله

 

[حبيت طيفه]

أهلين بالدلال انشاءالله تتسهل روحتج وتستانسين ماشوقني علي روحت لندن الا تقاريرج وتقارير البنات فديتكم

 

[عاشقه البرازيل]

بنااات شرايكم بفندق thistle marble arch انا شفت صور له وعجبني
مادري عاد حلو ولالا ؟؟؟؟!

 

[!amorra!]

ماربل ارج مستواه عادي والغرف ضيجه احلا مافيه موقعه بس اتوقع بيفول عالعيد كل ربعنا فيه اهو والكمبرلاند

 

[رزمة اوجاع]

عاشقة البرازيل اينن هالفندق وموقعه عجيييب بس حسافه مالقينه حجز فيه

 

[مشتطـه]

كيد ماعليه كلام
بس غالي للاسف
انا اخذت ثيستل إيوستن

 

[مشتطـه]

حياتي لندية شكرآ عالموقع
حلوين الاسعار
مفكررررة اخذ الكروس مننهم


بس مانتبهت عالماركة بين الناس

توني اعرفها

شكلي بلاحظها من اليوم هههههههه

 

[MissChoco]

بنات شلونكم شخبااركم

نبي مطاعم حلوه وراقيه ولذيذه هههههههه


مشتطه حدج مشتطه ههه الله يتمم عليكم متى طيارتكم وعلى اي خطوط



بنات متى اطيرون بليل او الصبح طيارتكم والمطار شكله بيصير زحمه

 

[حنان العيون]

باقي اسبوع و نسافر و للحيني ما جهزت الجناط و الهوز ما حصلته رحت تروفاليو قال خالص و طلعلي هوز مال غسيل الكلاب راسه مطاطي يدش بالحنفيات قالي هذا وايد ياخذونه بس ما شريته ������

 

[Dr.saro]

بسم الله الرحمن الرحيم

شلوونكم بنات شخباركم انا يديده ع المنتدى وسجلت بس عشانكم الموضوع رووعه وعندي بعض الاسئله بما انكم خبره بلندن
ان شالله بأذن الله بنسافر لندن على تاريخ 20-8 لي 4-9 تقريبا بس المشكله للحين ماحجزنا ولا سوينا فيزا ولاااااااشي ادري بتنصدمون بس لان فجأه قررنا نسافر والحمدالله لقينا حجز ع الاماراتيه .. المهم انا متخوفه الحين ع الفيزا شلونها اخاف تتأخر وايد وما جدمنا الا 10 ايام تتوقعون يمدي ويراعون اذا سفرتنا قريبه ولا مالهم شغل .. وابي اسألكم عن الميزانيه انا بروحي حطيتلي 1000 دينار بدون السطن والتذكره تهقون تكفيني تسوق ووناسه لهالمده ويمكن نمر على باريس تكفوون ساعدوني ..​

 

[Dr.saro]

نسيت اسألكم بنات عن اللبس بلندن اذا اكشخ ولا اخذلي ملابس عمليه ؟ والميزانيه انا مو من النوع اللي اشتري ماركات غاليه احب الشغلات الشعبيه والمحلات المعقوله اسعارها مثل زارا وطقتها واحب اشتري بالهبل .. طوولت عليكم واايد وادري ماراح تقصروون فديتكم هاذي اول سفره لي للندن وان شالله الله ييسرهااا ..​

 

[لندنية]

حياتي لندية شكرآ عالموقع
حلوين الاسعار
مفكررررة اخذ الكروس مننهم


بس مانتبهت عالماركة بين الناس

توني اعرفها

شكلي بلاحظها من اليوم هههههههه

هههههههه يبيلج اعادة ميزانية طلعت ماركات يديده

 

[لندنية]

باقي اسبوع و نسافر و للحيني ما جهزت الجناط و الهوز ما حصلته رحت تروفاليو قال خالص و طلعلي هوز مال غسيل الكلاب راسه مطاطي يدش بالحنفيات قالي هذا وايد ياخذونه بس ما شريته ???

اشوه ماشريتيه لان اصلا مايفيدج ومتوفر منه وايد بلندن هالهوز

 

[لندنية]

نسيت اسألكم بنات عن اللبس بلندن اذا اكشخ ولا اخذلي ملابس عمليه ؟ والميزانيه انا مو من النوع اللي اشتري ماركات غاليه احب الشغلات الشعبيه والمحلات المعقوله اسعارها مثل زارا وطقتها واحب اشتري بالهبل .. طوولت عليكم واايد وادري ماراح تقصروون فديتكم هاذي اول سفره لي للندن وان شالله الله ييسرهااا ..​

اولا حياج الله بالموقع بصورة عامة وبموضوعي بصورة خاصة
وثانيا منوره لندن بسفرتج المفاجأة هه

مادري اذا يمديج عالفيزاا او لا بس اتوقع ماتاخر انا ايامي ثاني يوم طلعت الفيزاا لي بس الحين ماادري لان فتره سفر وعيد حاولي هاليومين تقدمينها وعطيهم الحجز مالج وقوليلهم ايرجنت لان الحجز قريب

1000 دينار بيطلع 2270 باون لمده 14 يوم تقريباا اتوقع تكفي في لندن اذا كنتي مو من محبي الماركات .. المحلات الشعبيه مو وايد غاليه بس من الحين اقولج لاتفكرين بالماركات نهائياااااااا

نزلي اكسفورد ستريت اول يوم وشوفي السوق كله وقرري لان انتي تبين تروحين باريس بعد

واي سؤال انا حاضره

 

[EL-bawarah]

بسم الله الرحمن الرحيم

شلوونكم بنات شخباركم انا يديده ع المنتدى وسجلت بس عشانكم الموضوع رووعه وعندي بعض الاسئله بما انكم خبره بلندن
ان شالله بأذن الله بنسافر لندن على تاريخ 20-8 لي 4-9 تقريبا بس المشكله للحين ماحجزنا ولا سوينا فيزا ولاااااااشي ادري بتنصدمون بس لان فجأه قررنا نسافر والحمدالله لقينا حجز ع الاماراتيه .. المهم انا متخوفه الحين ع الفيزا شلونها اخاف تتأخر وايد وما جدمنا الا 10 ايام تتوقعون يمدي ويراعون اذا سفرتنا قريبه ولا مالهم شغل .. وابي اسألكم عن الميزانيه انا بروحي حطيتلي 1000 دينار بدون السطن والتذكره تهقون تكفيني تسوق ووناسه لهالمده ويمكن نمر على باريس تكفوون ساعدوني ..​

حبيبتي تقدرين اتطلعين فيزا بسرعه إذا رحتي بدون موعد تدفعين 21دينار حق كل شخص زياده على 36دينار سعر الڤيزا العاديه
لأن الفيزا العاديه يبيلچ تاخذين موعد حق المقابله يطول اسبوعين تقريباً و بعد المقابله يبيلها اسبوع على ما اتخلص فماراح يمديكم