مسافرات العيد الى لندن يتفضلون هني

[كويتيه ذربه]

ان شاءالله 14\8

 

[الــــزيــن]

ويي برمضان الله يعينكمم ..​

 

[كويتيه ذربه]

اي والله ماحصلت غير هالتاريخ يناسبنا
مع اني حاجزه من زمان

 

[الــــزيــن]

اي صاجه احنا زين لقينا حججز كل الطيارات فل ..​

 

[حبيت طيفه]

مرحباً بنات ابسألكم شنو احلي المطاعم بشارع اكسفورد العربيه وغير عربيه اللي ماتتطوف تعرفون اهم شي البلعه والسوق في السفر

 

[حبيت طيفه]

كثرت عليكم الاسئله بنات بخصوص كرت اويستر حق الباصات لازم انا وزوجي يكون عندنا هالكرت ولاعادي انا وياه ببطاقه وحده ومشكورين

 

[باوند]

حبيبتي اكسفورد مافي مطاعم وايد كثر أجورد رود المطاعم اب اجورد رود عجيبه بس غاليه : مثل بيروت و مروش و في مطعم يم الوادي الاخضر اسمه زعفران صج عجيب و في بعد مطعم سليماني حلو

اما عن كرت الباص لازم كل واحد له واحد انتي لج واحد و زوجج واحد و لا تكفرون تركيون تكسي لانه غالي و ما يسوى و الكرت سهل الاستخدام ما يبيله شي

 

[لندنية]

بنات انا ماعندي صور عن مانشستر المشكلة انا رايحتلها يمكن قبل 3 سنوات

 

[حبيت طيفه]

مشكورين حبايبي ماقصرتو

 

[q8helwa]

بنات حدي متردده ودي اسافر بالعيد بس انا حامل
ولي خمس شهور

شرايكم بنات

 

[وافية*]

بنات واللي يعافيكم بالنسبه للجو بلندن من22-7 لي 1-9 شبيكون ان شالله
ارد ولاعادي يعني اخذ لبس صيفي لعيالي ولاشتوي ولاربيعي وسويترز خفيف؟؟؟
انا رحت شهر11 بردد ورحت من قبل خمس سنين بالصيف بس مااذكر جوهم شلون كان
ويعطيكم العافيه

 

[$ بنت علمي $]

السلام عليكم

مبارك عليكم الشهر وعساكم من عواده

بسالكم بنات


تذاكر لندن بالشتاء شهر 2

غاليه ولا رخيصه

لمده عشر ايام ؟

 

[محبه الهآشمي]

مرحبااااااااااااا انا كملت اسبوع بلندن واتضاربت مع راعي الشقه عشان اييب لي نت .. واليوم وصل واخيرااا

طبعا من اول ماوصلت كل يوم مطررررر وماحب اطلع بالمطر -.-
رحت طبعا اول شي كوينز واي والوايت ليززز .. لا تطوفكم عطور النكهات للجناط من زارا 30 مل بس في منهم روايح حلوه ورخاااص ب 7 باوند ..

و امس طلعت للبيكاديلي ورحت محل ام اند امز وخميته شوي .. عندهم اشياء حلوه .. حصلت عندهم كفرات لابتوب وايباد حلوين .. وخذت لفه بالباص بالشارع اجوف المحلات الي عليها سيل لوول ..

وشووو بعد .. جوهم يذبح لووول غرااام

 

[حـلا و ذوق]

بنات شنو محلات مو موجودة عندنا بضاعتها حلوة .؟
من ميك اب و بدلات للعيد ولليهال ..؟

ان شاء الله 31 اغسطس راح اكون بلندن لمدة 6 ليالي

 

[محبه الهآشمي]

اليوم رحت نكست طبعا ماعندهم شي سيل وكل شي فوق بعضه .. ماقدرت اجوف شي كنت اخذ من عندهم سوع .. قالتلي بعد اسبوع بننزل سوع ..
عيبتني شنطه ب هاوس اف فريزر .. باخذها بعد اسبوع لان بيزاتي كانت مخلصه ههههه ..
وزارا خذت عندهم عطور النكهات وفي عطر ذهبي ب 16 باوند ريحته طرررر .. خذت 3 منه وباجر بروح اخذ بعد ^^

عطر ارماني وانا طالعه من سلفرج عطتني الظرف اشمه .. ريحته حلووووووووووه اتوقع فيه عود .. عربيييه مررره .. ويوم رديت البيت طلع ابوي ماخذ منه وانا اوني يايبه لهم شي يديد هههههه ..

وشوو بعد ..

باجر بروح للبج بن مع اني رايحتله قبل بس عشان الصغاريه يتصورون بنرد نروح ههههه
انا عندي صوره وانا مب متحجبه قبل والحين بروح بحجابي .. ههههههه


خوش تقرير مو ؟!

واوافيكم باليديد ..

بس دلوني محلات لبس يهال لان ربيعاتي ربن وكل وحده لازم اخذ لولدها ولا بنتها بدله مو موجوده عندنا ..

 

[محبه الهآشمي]

مكياج بينفيت شو المميز عندهم لان اعلاناتهم حلوه .. ولاني ماخذ ميك اب وايد =.= بشرتي منعدمه .. اذا في شي مميز خبروني عنه


خذت صبغ شعر وردي فوشي من سوبر دراق ابي اجربه ههههه ..

 

[لندنية]

يا هلا ويا مرحبا بالغالية محبة الهاشمي عليج بالف الف عافية
هههههه مبين عليج ماضيعتي وقت في لندن ....
اليوم رحت سوق شبرد بوش وياريت مارحت بصراحة هالسوق يلوع الجبد

تصدكين محبة اليوم وانا بالسوق دخلت محل خاص بالكريمات سالت البنت الي تشتغل هناك عطتني اسم كريمات للويه
وحتى عطتني كريمات تجربة عشان اذا والمتني ارجع اخذ منها
ونصحتني بكريمات من بودي شوب قالت انا اشتغل بكل الماركات بس استعمل كريماتي من بودي شوب

واشتريت منها قلم من ديور ينحط مثل الكونسيلر تحت العين نصحتني فيه

 

[وحدة من الناس *]

ترقبو تقريري يتضمن لندن مانشستر برايتون بلاك بول برمنغهام

 

[درابيل كويتية]

أختي لندنية والله شوقتيني لمدينتي العجوز!!!
والله أموت على هالمدينة،، لها نكهة خاصة،،لها ريحة خاصة تحسين لندن بكفة بروحها ومدن العالم الثاني بكفة..
حسافة ما أقدر هالسنة أشوفها!! لأني توني راده من أوروبا بس ان شاالله بعوضها السنة الجاية...

 

[درابيل كويتية]

أختي وافية الجو في لندن متقلب يعني مرة شمس ومرة مطر وبرد يعني حسبي حسابج بالمظلات والجاكيتات خليهم بالجنطة وين ما تروحين،،،، وتردين بالسلامة وكل اللي بيسافرون..