مسافرات العيد الى لندن يتفضلون هني

[مشتطـه]

حبيت

انسي التكسي بلندن غالي موت أي مشوار صغير حيل ب 5 دنانير

واي تكلفة ينهب نهاب

اانا وريلي قزرناها باااصات روحتنا الي طافت
وخالتي قطت يمكن 300 دينار تكاسي بإسبوع شاللي حادني

 

[مشتطـه]

الموضوع سهل ومايبيله شي

وام العيال موضوعها مفيد
مجرد يكون معاج كرت الباص تاخذنه من اي محطة اندرقراوند تعبينه لاسبوع مثلا
ومن تركبين اي باص مرريه على جهاز بس

وكل باص حاطه له ام العيال وين يودي
وداخل الباص يقولج المحطة اللي يوقف عندها اسمها

 

[لندنية]

صباح الخير بنات
شلونكم شخباركم
وينكم بنات منو وصلت لندن ومنو بعدها ماسافرت شفيكم تجمعكم صاير صخه هههههه

محبة الهاشمي انشاءالله تكون وصلت بالسلامة ل لندن
نبي نسمع اخبارها وتطوراتها واكيد كلنا بانتضارها

 

[مشتطـه]

ان شاءالله
يمكن لهت شوي
ناطرينها

 

[مشتطـه]

اب اب اب

 

[لندنية]

ملل

 

[مشتطـه]

صاجه الصيف كئيب

 

[رزمة اوجاع]

حجزنا التذاكر والسفره ١٨-٨ انشاءالله بس باقي السكن والفيزا طبعا وموعدنا ٢٤-٧ بس تهقون بنات تخلص الفيز قبل موعد سفره؟؟ ولا يكون زحمه وماتخلص

 

[مشتطـه]

انا موعدي 19-7


وبنكسن ب ثيستل إيوستن
ارخص شي

انا ادور الرخص وعليا زوجي بيقط قط على اسبوع
قتله السكن مو مهم قريب
الله يعافي الباصات

 

[باوند]

لندن تهبل امس واصلة عجييبه و الجو مطر صج لندن غير و السوق فيه تنزيلات و بريمارك حلو و رخيص وايد شفت بنات لابسين منه

 

[MissChoco]

هلو بنات شلونكم


لندنيه حبيبتي ترا نطالبج بتقرير عن مانشستر اذا قدرتي

 

[MissChoco]

باوند الحمدالله عالسلامه حبيبتي وبريمارك رووعه انا اموت عليه صج يشووق وسوالفه حلوه

 

[باوند]

باوند الحمدالله عالسلامه حبيبتي وبريمارك رووعه انا اموت عليه صج يشووق وسوالفه حلوه

الله يسلمج حبيتي
ايي روعه ما نشبع منه

 

[لندنية]

حاضر حبيبتي


انا الحين باكسفورد ستريت الي تبي تسال عن شي
انا بالخدمة

 

[كويتيه ذربه]

مساء الخير اشلونكم
بسألكم لمن طلبتوا موعد حق الفيز عقب جم يوم المقابله ؟؟؟؟
لان للحين ماحطيت موعد باجر ان شاءالله بحط

 

[الــــزيــن]

كويتيه على حسب يعني انتي تحددين الوقت يكون من الصبح لي 4 العصر 4 ما يستقبلون مواعيد
يقولج الساعات اللي تقدرين فيها انا كنت رايحه قبل اسبوع وموعدنا باجر ..
كنت لاقيه موعد بعد روحتي بيوم بس الوقت ما يناسبني دوام ولا يناسب اهلي .. انتي شوفي باجر أقرب موعد وجيكي ع الوقت​

 

[كويتيه ذربه]

كويتيه على حسب يعني انتي تحددين الوقت يكون من الصبح لي 4 العصر 4 ما يستقبلون مواعيد

يقولج الساعات اللي تقدرين فيها انا كنت رايحه قبل اسبوع وموعدنا باجر ..

كنت لاقيه موعد بعد روحتي بيوم بس الوقت ما يناسبني دوام ولا يناسب اهلي .. انتي شوفي باجر أقرب موعد وجيكي ع الوقت​

مشكووووره ماقصرتي
خذينا اليوم الاوراق قالولنا حجز الموعد بالنت
الصراحه دخلت موقعهم توه وطلعت قلت بقعد باجر اقرا عالراحه واشوف اشلون طريقة حجز الموعد

 

[الــــزيــن]

العفوو حبيبتي .. زين تسووين​

 

[كويتيه ذربه]

ماقصرتي والله
انتي تاريخ جم سفرتج؟

 

[الــــزيــن]

20 /8 ان شاءالله .. وانتي ؟ ​