مسافرات العيد الى لندن يتفضلون هني

[محبه الهآشمي]

محبة على راسي انتي

اي والله بنبات لين مانروح هههههههههه

الموضوع يفتح النفس الصراحه

فديت روحج ..

انا حجزت ب ويست اند كي ف اجورورد عدال هلتون

قادموووووووووون يآآآ لــــنـــــــــــــــــــدن ~

 

[محبه الهآشمي]

محل قوديفا للجوكلت وين مكانه .. ابي اخذ منه كميات .. بس دلوني عفيه ~

 

[لندنية]

السلام عليكم
شلونج يا لندنيه اولا يعطيج العافيع على كل الردود

يجعله ربي في ميزان حسناتج

بسال عن خدمة الواتس اب. في البلاك بيري هل لها شركه معينه والا كل الخطوط تشغلها

وما هي مميزات الشركه الجديده سمعت عنها اعتقد اسمها تي او ثري



ولك جزيل الشكر :aha::aha::aha:*

وعليكم السلام حبيبتي
بالنسبة لخدمة الواتس اب كل الشركات تشغلها .... قصدج شركة الثري هي مو جديده من زمان موجودة لها سنين بس لان فيها مميزات جديدة نازله عندهم يعطونج انترنت بدون حدود
اتوقع ب15 باوند يشغل كل شي تبين
اسم الشركة 3g

 

[لندنية]

محل قوديفا للجوكلت وين مكانه .. ابي اخذ منه كميات .. بس دلوني عفيه ~

حبيبتي عندهم فرع بهارودز
وعندهم محل بشارع Regent Street, قريب من محطه البيكادلي سيركس
141 Regent Street
, London, Greater
W1B 4JA

هذا عنوانه حتى لاتضيعين هناك

 

[مشتطـه]

محبة الهاشمي السنة اللي فاتت خالتي ساكنة بشققكم تهبببل ومكانها ممتاز
غرفتين وحمامين وصاله ومطبخ صغير الليلة ب 90

 

[MissChoco]

السلام عليكم شلونكم بنات , احد سوا الفيز؟؟

انا طبعا ماسويت الفيز وماخذيت موعد بس بحيل الله بشوف باجر بروح اسوي

ومنو بيروح عالبريطانيه؟؟ وشنو طيرانكم؟




كتكات ,,
حبيبتي لا تحاتين اصلا لندن مايبيلها انقليزي بتستغربين انه كلها عرب ولا بعد القرسون اييلج عربي ومرات هندي بنغالي يشتغلون بالخليج هههه انا وايد صادفت جذي
واهناك المحلات التلفون الي باجورود ملوت عرب والبياعه مصاروه,, وعندج صيدلات كلها عرب عراقيين والكتابه بالعربي وبتشوفين بعد جمعية كلها عرب وصاحبها عربي غير المطاعم والقهاوي بتشكين انج بدوله عربيه ههه طبعا هذا شارع الاجورود
وحبيبتي حجزي من الحين لانه التذاكر صلاخ



محبة الهاشمي ,,
قوديفا موجود برجنت ستريت ,, اذا عندج ايفون حطي على لندن وكتبي قوديفا وراح يطلعلج مكانه







لندنيه ,,
انا لمن اروح لندن واشتري ككاوات كلها بالعربي وصناعة مصر وقبل من زمان اذكر رحت جمعيه بعيده بس ماذكر اسمها لمى رحت لها شريت ككاوات كلها ملوت لندن
ابي الحين جمعية قريبه من لندن واي رقم باص اروحلها وانزل عند وين اذا تعرفين
وصج انا رحت كل مناطق بلندن الا مانشتسر ودي اروحلها فماني عارفه من وين اروح لها اي محطه؟ يعني محطة ماربل تودي حق مانشستر؟ واروحلهم اهناك اقولهم بروح مانشستر؟
ولمن اروح مانشستر بالقطار واطلع من المحطه يصير يمي السنتر او بعيد؟

 

[لندنية]

حبيبتي miss choco
اي شي مكتوب عليه بالعربي خاصة المحلاتالعربيه هذي كلها يستوردوها
من الدول العربيه لان التجار هني مايدفعون ضرايب عالاكل فتشوفون كل المنتجات من الدول العربية

بالنسبة للجمعيات الانكليزيه موجوده بكل مكان خاصه لو تروحون الي شوي ابعد من السنتر

اذا تبين جمعيه تيسكو وايد كبيره اتوقع قريبه عليكم بعد بمنطقة Earls court
بس قوليلي من وين تبين تركبين باص وانا اعطيج رقمه

مانشستر مو من ماربلاج لي عوده للموضوع وبعطيج التفاصيل

 

[MissChoco]

لندنيه,,
اي حتن المطار في ككاوات مستورده!!!
والباص انا اخذه من بريمارك
وناطرينج على موضوع مانشستر

 

[مشتطـه]

اب اب اب

 

[محبه الهآشمي]

حبيبتي miss choco << عندي بلاك بيري بس اهلي عندهم ايفون بدوره ان شاء الله .. مشكوره يا قلبي ..

 

[محبه الهآشمي]

حبيبتي عندهم فرع بهارودز
وعندهم محل بشارع regent street, قريب من محطه البيكادلي سيركس
141 regent street
, london, greater
w1b 4ja

هذا عنوانه حتى لاتضيعين هناك

يزاج الله خير فديتج ...

 

[محبه الهآشمي]

محبة الهاشمي السنة اللي فاتت خالتي ساكنة بشققكم تهبببل ومكانها ممتاز
غرفتين وحمامين وصاله ومطبخ صغير الليلة ب 90

انا بـ 2010 خذت عندهم 3 غرف وحمامين وصاله ومطبخ والشقه دورين بـ 1000 باوند

السنه نفس الشي 3 غرف بس الشقه دور واحد بـ 1800 اتوقع ..

الصراحه الشقه نظيفه وشرحه وهذا اهم شي وقريبه من السوق ..

 

[مشتطـه]

1000 باوند جم يوم @@@@@@@@ ؟

 

[حبيت طيفه]

مرحباً يااحلي كويتيات انا بأذن الله مسافره رابع يوم العيد وأول مره اروح لندن والفنادق اسعارها نار لقينا فندق ماريوت ميدا فيل بشارع اجورود منو سامع عنه انا ابي كلشي قريب يمنا فشكثر يبعد شارع اجورد عن اكسفورد مشي وتنصحوني اسكن بشارع اجورود ولا لا تكفون جاوبوني

 

[حبيت طيفه]

مرحباً يااحلي كويتيات انا بأذن الله مسافره رابع يوم العيد وأول مره اروح لندن والفنادق اسعارها نار لقينا فندق ماريوت ميدا فيل بشارع اجورود منو سامع عنه انا ابي كلشي قريب يمنا فشكثر يبعد شارع اجورد عن اكسفورد مشي وتنصحوني اسكن بشارع اجورود ولا لا تكفون جاوبوني

 

[محبه الهآشمي]

1000 لاسبوع ..

 

[محبه الهآشمي]

اجورود قريبه من اكسفورد بس ماعرف عن الفندق هذا .. اسمحيلي

 

[مشتطـه]

اجورود واكسفورد وايد قراب

انا مشيت اجورود كله لما اكسفورد وناسه
واساسا بالباص دقيقة من اول اجوررود لين بداية اكسفورد

 

[حبيت طيفه]

مشكورين يااحلي كويتيات وماقصرتو طيب بنات شلون طريقة الباصات هناك في موضوع هني حاطته وحده من الخوات يمكن ام العيال وفي أرقام الباصات بس موعارفه ألطريقه ياليت تساعدوني ابي أقلل من ركوب التكاسي هناك

 

[q8helwa]

الله يكتبلكم السفره انشالله