مسافرات العيد الى لندن يتفضلون هني

[حنان العيون]

شلونكم لندنيات
شكلكم حايسين بالمطبخ
بين الجدوووووور

المهم طبعا بما اني اول مره بزور بلاد الغرب
فسويت سيرج و قريت مواضيع علشان اسويلي
خطه للرحله و حبيت اشاركم بنتائج البحث
عسى انها تفيدكم و هذي التفاصيل بشكل رؤوس اقلام


اماكن سياحيه داخل مانشستر

١- ارندال مول و تريانجل مول و مانشستر اي ( كلهم يم بعض )

٢- يونايتد مانشستر و لاوري اوت لت ( يم بعض )

٣- ترافورد سنتر ( اكبر مول ) و يمه في جمعيه اسمها اسدا ماركت

٤- مطعم نوابي ( بوفيه مطعم هندي حلال )

خارج مانشستر ( بالقطار )

١- شيفيلد :
اخذ قطار من مانشستر بيكاديللي الى ميدوهول ستيشن
فيها حديقه كبيره اسمها
Sheffield botanical garden
و فيها مول كبير اسمه ميدوهول مول

٢- البحيرات ويندرمير ( الريف الانجليزي )
من مانشستر بيكاديللي الي ويندرمير ستيشن

٣- التون تاور مدينة ملاهي كبيره
من مانشستر بيكاديللي الي ستوك اون ترنت

٤- سفاري بارك
الي محطة بلاك بول
ثم باص الي السفاري

٥- جيشير اوكس اوت لت
الي محطة بلاك بول
ثم باص الي الاوت لت

ملاحظه السفاري بعيده عن الاوت لت

٦- يورك
من مانشستر بيكاديللي الي يورك ستيشن
فيها متاحف كثيره و تاريخيه تقص قصة الفايكنج
����������������
لندن

١- قصر باكينجهام يبدا تبديل الحرس الساعه ١١ صباحا
قريب منه متحف صدق و لا اصدق

٢- مدام توسو قريب منه حديقة الحيوان

٣- بيج بين و الاكواريوم و لندن اي

الاسواق
ويست فايلد
هارودز
الاكسفورد ستريت

بالقطار الذهاب الى بيستر فيلج اوت لت

 

[لندنية]

حنان حلو الجدول ومرتبه امورج عدل قبل السفر
ذكرتيني بشفيلد وميدا هول المول الي هناك حطي في بالج حبيبتي حنان الباصات الداخليه في محافطات بريطانيا مو نفس باصات لندن وحتى اسعارها تختلف

وقطارات المحافظات لازم تخلين بالج لان مو مثل الاندر قرواند باي وقت تروحين التذكره فيها وقت محدد يعني اذا طافج القطار تحجزين مره ثانية

 

[حنان العيون]

حنان حلو الجدول ومرتبه امورج عدل قبل السفر
ذكرتيني بشفيلد وميدا هول المول الي هناك حطي في بالج حبيبتي حنان الباصات الداخليه في محافطات بريطانيا مو نفس باصات لندن وحتى اسعارها تختلف

وقطارات المحافظات لازم تخلين بالج لان مو مثل الاندر قرواند باي وقت تروحين التذكره فيها وقت محدد يعني اذا طافج القطار تحجزين مره ثانية

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):
شكراااااااااااااااااااااااااااااااا للنصايح

 

[ALTaf.m]

السلام عليكم شلونكم بنات وشلون استعداداتكم ؟؟


حبيبتي لندنيه وباقي البنات حابه اسالكم عن برايتون شرايكم فيها ؟؟ تستاهل العنوه ؟؟

ابي اروحلها يوم واحد من الصبح لي المغرب وارجع لندن يصير ؟؟ من غير لاانام فيها

قوولي اهم الامااكن الحلوه الي اروحلها في برايتون + المحلات الي بضاعتهم تختلف عن لندن اذا في


وشاكرتلكم وعسا الله يتمم علينا وعليكم السفره على خير وصحه وبركه يارب

 

[ذهـبـيـة ~]

انزين بنات شلون الجو بالعيد ؟

ناخذ صيفي ولا شتوي

احنا هناك من 18-8 ليه 2-9

و شنو الاشياء المميزة هناك مو موجودة بالكويت ؟

غير المكياج والعطور

و يعطيكم العافية جميعا :eh_s(17)::eh_s(15):

 

[رزمة اوجاع]

انا ان شاءالله 14\8
بد العد التنازلي
الله يسهل علينا السفره يااااااااااااااارب

اميييين يارب

 

[رزمة اوجاع]

السلام عليكم

انا ان شاء الله بروح لندن 18-8 منوو وياي ؟ :eh_s(9):

ان شاء الله كلنا نستانس يارب

يعطيج العافية لندنية عالموضوع :eh_s(7):

أنا ان شاءالله وعالاماراتيه وانتي؟

 

[رزمة اوجاع]

منو بتسكن اب Westminster

 

[ذهـبـيـة ~]

أنا ان شاءالله وعالاماراتيه وانتي؟

احنا عالاتحاد الاماراتي ان شاء الله :eh_s(17):

 

[مشتطـه]

خالتي عالاماتية تاريخ 18
عسى درب السلامه يارب

 

[حبيت طيفه]

شلونكم بنات وشلون استعدادات السفر بنات انا ان شاءالله من ضمن جدول رحلتي برايتون بس شنو فيها بنات بروح بنفس اليوم وارجع وان شاءالله التون تور وبسترفلج هذول اللي بره لندن وبنات تنصحوني بشي ثاني بعد يعني الغي وحده من هالرحلات واحط بدالها رحله من اقتراحكم اول مره اروح ياليت تفيدوني ابي الافضل اللي ماتتطوف

 

[وحدة من الناس *]

حنان العيون مانشستر اي شالوها لووووووول عارفه مكانها من العام وقعدت ادور عليها هالسنه بس شالوها لووول​

بالنسبه لبرايتون ان شاء الله باجر احط تقرير عنها​

بس اهي عباره عن مدينة بحرية فيها برايتون اي واكواريم ومدينه ملاهي وفيها مجمع كبير وبريمارك حبيب الجميع لووول وفيها شارع كله محلات​

مافيها محلات غير عن لندن بس ساعات تحصلين اشياء بمحل مثلا نيو لوك مو موجود هالشي بالمحل اللي بلندن ​

وتقدرون تروحون لها من الصبح لين الليل ​

فيها مطاعم حلال ​

تستاهل العنوه جوها حلو بارد وممطر​

 

[ذهـبـيـة ~]

انزين بنات منو عندها خبرة عن الباصات و الاندرقراوند ؟؟

وين المحطة و وين نعبي الكرت وشلون نعرف اي باص بيروح المكان اللي نبيه؟

على كلامكم انه ارخص من التكسي

واحنا ماشاء الله عددنا كبير اكيد بيطلع ارخص علينا

 

[ALTaf.m]

وحده من الناس مشكوووورره ياقلبي

 

[الكادي 1981]

هلا الكادي انا معاج ع القطريه اقروب الفضاء ترا ما عرف شي في لندن

حياج الله احنا اخترنا التركية مابغينا القطرية مجربينها ومااعجبتنا المهم انا الدليل بلندن لاتحاتين معاج يهال ولابرووحكم؟؟

 

[عزاااه]

قوه بنات ان شالله لى نيه بس توه الناس على شهر ٣ ان شالله ابيها ١٠ تيام

 

[وافية*]

حتي انا حاطه ببالي برايتون عيالي عمارهم 10 و 8 و4 ابي اماكن حقهم يستانسون فيها بي ملاهي كبيره وحلوه وين؟؟؟

 

[حنان العيون]

الحمد الله خلصت الاولمبياد و ماصارت تفجيرات

 

[رزمة اوجاع]

حتي انا حاطه ببالي برايتون عيالي عمارهم 10 و 8 و4 ابي اماكن حقهم يستانسون فيها بي ملاهي كبيره وحلوه وين؟؟؟

عندج ملاهي التون تاور بس بره لندن هذا سايت الملاهي
Alton Towers Resort & Theme Park | UK’s Best Family Fun Destination

بلاك بول فيها ملاهي اسمها بلجر بيتش

وملاهي ثورب بارك داخل لندن وهذا السايت حاطيلج كل شي عن هالملاهي

THORPE PARK. BEST PRICE GUARANTEE. The NATION'S THRILL CAPITAL

 

[رزمة اوجاع]

شلونكم بنات وشلون استعدادات السفر بنات انا ان شاءالله من ضمن جدول رحلتي برايتون بس شنو فيها بنات بروح بنفس اليوم وارجع وان شاءالله التون تور وبسترفلج هذول اللي بره لندن وبنات تنصحوني بشي ثاني بعد يعني الغي وحده من هالرحلات واحط بدالها رحله من اقتراحكم اول مره اروح ياليت تفيدوني ابي الافضل اللي ماتتطوف

اهلا

يمدحون بلاك بول فيها ملاهي وإنشاء الله ناويه هالمره انروحلها