.... مساعد بخصوص دبي .....(ساعدوني ياكويتيات ياحلوات)

[الكايده]

:68_asmilies-com::68_asmilies-com::68_asmilies-com:


مرحبا ياحلوات....

بغيت مساعد .... ياليت تساعدوني...وماتردوني....

[انا بروح دبي يوم السبت...

وابي وحده تكون خبيره بدبي وتسويلي جدول لمدة 4 ايام...

من اسواق ومطاعم واماكن ترفيهيه.....

واللي تساعدني الله يوفقها دنيا واخرة/COLOR]

 

[!!.. غير البشر ..!!]

اول شي تروحين وتردين بالسلامه =)

اممم مادري انا بقولج الاماكن وانتي عاد شوفي =)


مول اامارات يهبببببببل خليله يوم كامل لان بعيد وكبيييير
ابن بطوطه حلووو بعد
وو سيتي سنتر في محلات وفي العاب لليهال
القريه العالميه
خور دبي
سوق نايف حق الملافع اذا بتشترين p:
ومادري بعد ان شاالله البنات يفيدونج =)

 

[الكايده]

تسلمين ياعمري....

وموفقه انشاء الله

 

[amoon]

الامارات مول ودبي مول وابن بطوطه جريبين عن بعض تقريبا

في برجمان مول والستي سنتر والوافي والفستفال ستي

حديقة الخور شي عروض للدلافين
القريه العالميه

 

[عاشقة دبي]

المجمعات :
دبي موول = توه جديد افتحوه شهر اغسطس

امارات مول = ما شاء الله كبير حيل يهبل احلى الماركات و المطاعم والسينمات والتزلج

فستيفال سيتي = وايد حلو هم يديد لا يطوفج

ابن بطوطة = يونس جوه حلو بس اشوي بعيد بس مو وايد

مركاتو = مجمع حلو ومجكنم بس يوسع الصدر اذا كنتي ساكنة بالجميرا او بشارع زايد راح يكون حيل قريب

البرجمان = حلو حق التمشي والتعشي في كورنر حلو بالبرجمان حق العشا رومانسي حده فوكم نجوم و محلاتهم حلوة خاصة الماركات و حناين

شارع نايف = للملافع و البخور و الزعفران

روحي بعد الشارقة عندهم مجمع حلو يستاهل تتريقين فيه اسمه صحاري وعلى فكرة مو بعيد

و بس هذا اللي ذكرته

رحلة موفقة