مساعده

[ام فهوودد]

السلام عليكم بنات ابي اعرف اشلون اقدم للعلاج بالخارج انا مقدمه اوراقي لوحدة طفل الانابيب وصارليالحين شهر انطر يردون كل ما اروح اراجع يقولون تعالي بعد اسبوع حد البهذله ما تسوا هالطريج وبالحر رايحين ورادين

 

[@رنوده@]

ما عندي فكره عن العلاج بالخارج

بس كنت بقولج عن مستشفى الصباح

لازم تسويت التحاليل وبعدها مقابله انتي وزوجج

وتاخذين كورس علاج انتي وزوجج

وبعدها يحددون متى العمليه يعني مو اقل من سنه

 

[فرحه عمر]

الصباح قدمت طلب سنه 2003 ودقو علي بال 2007 عشان اسوي اطفال انابيب لانهم يمشون على تاريخ الطلب الا اذا كنتي كبيره بالعمر مثل 37 وفوق بس لازم تسوين اشياء اساسيه مثل تحاليل الهرمون لج ولزوجج وبعدين يقولون لكم ندق عليكم انا مانطرت سويتها بالخاص بس احسن مافيهم اذا ماصارت يسونها لج مره ثانيه والحين عندهم دكاتره وايد فصار الشغل اسرع واقل وقت

 

[ام حمود الغالي]

شوفي اختي ام فهوودد
انا راح اقولج الطريقة بالتفصيل الممل بحكم خبرتي القويه باجراءات العلاج بالخارج ..
اول شي تروحين للعلاج بالخارج وتطلبين من قسم اللجان الطبيه ورقه اسمها ( طلب لجنه طبيه ) هذي ورقه مطبوعه وفيها فراغات
اسم المستشفى ..... اسم القسم ..................
واسم المريض ......... والرقم المدني...............
طبعا تعبين بياناتج وانتي عندهم وتروحين للدكتور المختص للجان عندهم يوقعلج اياها واختميها ختم العلاج بالخارج عندهم
واخذي هذي الورقه طال عمرج وحطيها مع كل التقارير اللي عندج سواء من المستشفيات الحكوميه او الخاصه وروحي للمستشفى الصباح قسم اطفال الانابيب وروحي عند رئيس القسم حازم الرميح وعطي اوراقج لسكرتيره وخليها تدخلهم عليه عشان يكتب عليهم تعرض على اللجنه
وبعدين اخذي اوراقج وروحي لسكرتاريه بالقسم لجان العقم وعطيهم الاوراق عشان يحددون لج موعد مقابله وعادتا مواعيدهم بعد شهر (الله يعينج اصبري) وطبعا لازم تكلمون عضوا يتوسطلكم قبل اللجنه .. والله يااختي بالنسبه لي زوجي كلم عسكر والحمد لله انا اللحين بامريكا .. اعتقد عسكر يمون على الدكتور حازم الرميح .. وانشاالله اذا وافقوا لج اللجنه الطبيه مالت الصباح بلغيني وانا اعلمج شتسوين عقب الموافقه..
الله يرزقج عيال من غير هالعباله.. والله الموفق.
وسامحوني على الاطاله

 

[الزيزفونه]

حبيبتي ام حمود الغالي ممكن استفسرعن اعلاج في الخارج اذا زوجي مو كويتي بس يشتغل بالدفاع وانا كويتيه شلون

 

[كويتيه مذهله 87]

الله يرزقج هالشهر يااارب

 

[$غــ(ز)ــل$]

مثل ماقلت اختنا ام حمود
والله يعييينج عليهم ويسخرهم لج ان شااءالله

 

[ام فهوودد]

مشكوره يالغاليه يا ام حمود وعساج علي القوه والله يعينا علي الفرا انشالله

 

[أم لطووف]

up
up
وإن شاء الله البنات يفيدونج

 

[ام حمود الغالي]

اختي الزيزفونه ....ابشرج.. العلاج بالخارج يودون الكويتيه حتى لو زوجها بدون او خلبجي. بس في شروط..
1 - لازم تكونين كملتي من زواجك سنتين .. من تاريخ عقد الزواج طبعا.
2 - لم يسبق لك العلاج بالخارج للعقم على نفقة وزارة الصحه.
3 - ليس لديك طفل..
4 - واذا كان لديك طفل يجب ان يكون عمره 4 سنوات ومافوق عند طلب العلاج بالخارج.
5 - وفي شرط حشاج وحشى القارئين خايس .. اللي هو ان الوزاره لاتتحمل مخصصات الماليه لطرف الغير كويبي يعني بالعربي الوزاره
تتحمل مصاريف المستشفى فقط اما تذكرته ومصروفه عليه.. وانتي تذكرتج ومصاريفج عليهم.
بس ماشي الحال.. شي احسن من ولا شي.
وحاااااااااااااااااااااااااااااااااااااااااااااااضرين للطيبين.. ولا شكر على واجب اختي ام فهوودد