مساعده في تقسيم المهر **** عاجل

[MyLittleBerry]

شلونكم اول شي ؟

الله يسلمكم بنت عمي راح تتزوج اماراتي :eh_s(11): وعرسها شهر 12 وراح تهدنا بس لاتخافون بتاخذ ولد الخال وبتسوي عرسها بالديره طبعا

الله يسلمكم مهرها 8 الاف ونص دينار وهي ماتعرف تتصرف بالمهر تبي تعرف شلون تجهز ماتبي تغلط مثلنا وايد شرينا خرابيط ماستفدنا منها

ابي خبرتكم وخطه حقها تكون انشالله ناجحه​

 

[جووورية]

والله بودي اساعدج

بس انا اصلا ابي اللي يساعدني بهالمسألة

الله يوفقها و يوفق الجميع ان شا الله

 

[زهور المحبة]

ماشاء الله تبارك الله الله يبارك لها في مهرها

شوفي خل اتخلي 4 او 3.500 ذهب وانا اتوقه 3ونص كافي

والنفنوف تكفين انصحيها وحذريها لا تاخذ نفنوف ب 2000 ومادري شنو ترى والله حرام يعني 1300 كأقصى حد هذا اذا بتشتريه اما اذا اجار ف 800 و 700

بالنسبه لقمصان النوم 200 دينار كافي
والبجامات تقريبا 100 او اقل شوي وانصحج بماكس و و Bhs و اوشو حلوين

العطورات خل تاخذ لها بالكثير 5 فرنسي يمكن بيكلفها تقريبا 150 او اقل
وهم بعد خل تاخذ عطورات عربيه ترى الاماراتيين يموتون على سوالف البخور والخلطات ودعن العود مع المباخر والمرشات وخاطات الغرف 200

ملابس البيت خل اتحط لها ميزانيه من 200 الى 300 وانا اقول لو تاخذ من ماكس ترى حلو وعملي واسعاره حلوه

ملابس البدل خل اتحط لها قولي 400
بس انا اقول خل تاخذ دراريع نظام بدل واتكثر من الدراريع لان جذي الاماراتيين مع الملافع والعبي 1000 وشوي

الجناط لا تاخذهم كلهم ماركه خل تاخذ ثنتين والباجي تقليد مع وانتي بكرامه الجواتي والصنادل والشحاطات قولي 500 او 600

والباجي خل اتحطه بالبنك بس اول شي لانم تتصدق بحتى لو 10 دنانير علشان الله يبارك لها بمهرها

 

[زهور المحبة]

حبيبتي ترى انا في بعض الشغلات زود بالسعر شوي لاني مادري عنها
وانا بعد ودي اقسم مهري بشكل متوازن بس الله يستر ويبارك فيه

بس لا تتقيد باللي قلته لها وانا ترى تقسيمتي مو جذي اقل منها

 

[MyLittleBerry]

بس الذهب 3 ونص وااااااااااااااااااااااااااااايد يعني احنا مو من النوع اللي نشتري ونحب الذهب

يعني عني انا شريتلي شبكه ب 700 دينار ذهب ابيض بسيييطه وناعمه
وبعد العرس يابولي ذهب بالهبل لدرجة اني بعت نصه

 

[ام عثمان]

شووفي خليها تخلي حق الذهب ثلاث الالف واقصد بالذهب مو ثقيل ناعم يعني كم خاتم الماس مع كم شغله حلوووه تقدر تلبسيها باي ووقت
وعطووور وميك اب خمس ميه
ودراريع خمس ميه
اما بدل وجناط والجواتي حدود سبع ميه حلووو لانها راح هم تشتري عقب عرسها
اما يوووم عرس خليها تحط له الفين
والله يعينها على دوووخت سوووق

 

[سعادتي برضى ربي]

اهم شي

تخلي مبلغ حق ( الشبكه + ساعه + دبله + تعليقات بسيطه )

لانه معطينها مهر زين لازم ماتشتري الا شغلات راقيه

ولا تفكر تشتري جناط تقليد ...يعني جنطه ماركه غاليه وثنتين من الماركات الزينه بس تقليد لا تفكر عروس لازم شغلها كله زين

500 دينار الى 600 للبدلات الكشخه <<ترى مو سعر وايد لانه اذا شافت السوق والمحلات الكشخه كل بدلة ماتقل عن 100 دينار

وبما انها بتروح الامارات اكيد تحتاج عبي وشيال اطقم
تخلي لهم 150 ان شاءلله كافيه

200حق ( عطور+بخور + دهن عود +مكياج)

وتبدي بالاهم ثم الاهم لاتخسر فلوسها على شغلات مالها داعي

 

[MyLittleBerry]

بس موجنه الذهب والالماس وايد
؟؟؟

مادري

 

[سعادتي برضى ربي]

بالعكس

يعني اذا ماحطتها فلوسها بألماس او ذهب ابيض وساعه ماركه الماس ؟؟عيل تحطها بشنو

بهدوم ومكياج وجناط =حسافه

 

[MyLittleBerry]

لا يعني اعتقد المهر مولازم ينصرف كله
لازم بالحساب يكون في مبلغ حق بعد الزواج

انا عن نفسي بصباحيتي يابولي وايد هدايا ساعات ماركات وذهب والماس وعطور وبخور وقمصان نوم ماتدرون شكر لدرجه ان الحين صارلي 4 سنوات متزوجه من الهدايا للحين مالبستهم يعني لو ماكنت مجهزه شي جني جهزت بالهدايا اللي معطيني

ومهري ماصرفته كله لاني سافرت وبالسفر شريتلي اغراض وايد

 

[kanoosh]

امممم بالعكس النااس الكبار والحموووله اول شي يشوووفووونه بالعروووس
ذهبهااااااااااااااااااااااااااااا
ساعاااااااااااااااتهاااااااااااااااا
ودرارييعهاااااااااااااااااااااا
واحنا عندنا اللي ما تستفيد بمهرها من الذهب مو سنعه...<<وهذا الصج لان الذهب ذخر.....يقولوولج ذهييبه ولا خرييجه
والله يوفقها ويباركلها فييه ان شالله
نصييييييييحه لا تكثر من لعطووور لان بتيييها هدايا بالهبل عطوورات

 

[bahrainia]

اختي دام اهيا رايحه تعيش بعدين فالامارات ..
فخل تشوف شاللي تحتاجه
.. نبتدي بالعبايات .. اذا تبي عبايات حلوه عمليه او غريبه مالها إلا السعوديه المحلات زينه اقدر ادليج بالخبرفي شارع سويكت .. في شغلات وااايد حلوه او في مجمع الراشد محل لمسه أو اناس روووعه عباياتهم وتناسبها كعرووس ..
ويبيلها 300 دينار تاخذ لها عبايه ب100 عليها الئيمه مثل مايقولون والباقي بييب لها اكثر شي 4 عبايات عمليه ..

الدراريع مافي على محلاتكم واللحين موسم المعارض او ماشاءلله معارضكم فالكويت روعه او افكار غريبه .. للدراريع يبيلها 500-700 دينار لانه فالامارات بتحتاج وايد .. او هذيلين للبدايه ..

دام اهيا بتسوي عرس اقل شي تقدر تحطه للفستان 800 دينار ..

الشبكه اذا تبي شي ألماس اقل شي 2000 دينار ..! او في الامارات في محالات ألماس اييونا البحرين فالمعارض اسعارهم خياليه او الماسهم درجه اولى او النقشات روووعه ..

هالاشياء كحد اقصى احتاجت ..
3800

عروس يديده يبيلها مكياج يديد اكيد .. قولي اقل شي اذا بتشتري كلشي 150-200 دينار ..
نصيحه .. محل Make up for ever يبيع شنطة المكياج مع اربع انواع من كل شي .. يعني 4 شدوات , 4 رووج , 4 كحل .... الخ اومكياجهم وااايد زين ..

طارت 4000 دينار ..

الملابس .. حق ليلة الدخله .. اهيا ليله فالعمر فيبيلها شي مميز مثلها :eh_s(22):
في قمصان نوم يبيعونهم في نعومي .. او في محل مايذكرني اسمه فالصالحيه لبنانيه تبييع فيه يبيعون اطق قمصان النوم اللي تيي بالرووب .. سعرها حوالي 100 دينار ..

انصحها تشتري من موقع VictoriaSecrets من النت قمصاان نومهم رووووعه او الموقع مضمون انا على طول اشتري منه او اسعارهم زينه او يوصل في اقل من اسبوع .. تحط له ميزانيه حوالي 300 دينار .. والسبع مئه البقايه حق البدلات او نصيحه اذا بتسافر لاتشتري وايد اهناك بتشتري غيرهم او ماتلبس اللي شرتهم ..!

راحت 5000

العطورات البخور او هالسوالف ..
مافي على الرصاصي في دبي .. دهن العود المعتق تولته بـ100 دينار .. وريحته روووعه .. بخور عندهم العود الملكي سعره 25 او صباح الخير بخور سعره حوالي 10 دنانير على ماعتقد .. دام اهوا ولد خالتها خل توصي احد ايب لها من اهناك ..

من القرشي خل تاخذ مسك القرشي روعه للشعر والجسم .. سعره 8 التوله على مااعتقد .. لاتكثر خصوصا الناس وايد اييبون من العطورات ا لعربيه ..

العطورات الفرنسيه .. انا شريت لي كذا عطر فتحتهم عقب فالبدايه ركزت على عطر وااحد مع دهن العود طوووول شهر العسل والهدف اني اخلي هالريحه تذكرنا دايماً بشهر العسل وصج الخطه نجحت او صرت لين احط العطر في المناسبات على طوول يميزها او يقولي ذكرتيني باللذي مضى :eh_s(20):

جواتي الله يعزكم انصحج تطقمين ويا لشناط او انا ويا الاخت اللي قالت شنطتين او ثلاث ماركات احسن من التقليد .. كم مره بتعرس الوحده؟!؟!

اللي باقي من المهر عني انا شريت فيه كفر حق غرفة النوم كااااامل من الملاحف والشراشف لي الروب او الفوط طقم او خذيت لها بدلة المطار هديه او عطورات ..

خذيت ساعه او ياتني ساعه هديه منه بالصباحيه ..
عني ماخذيت ذهب لانه شبكتي يابها لي اهوا او ياتني هدايا واايد ذهب او كنت بسافر او ماعندي فكره شلون بيصير الدفع اهناك او خفت اتوهق وديت وياي بس الحمدلله ماحتجتهم .. خبركم اول ايام يطلعون العضلات .. :eh_s(15):

فالنهايه وصيها تحط لها ورقه او قلم او تكتب كلشي .. خصوصا انها بتسافر بتقعد تدخل اغراضها بشناط ا و بتنسى شخذت او بتشتري بالمرتين صارت ترى صج الورقه والقلم وااااايد مهمين ..

خل تستانس لاتقعد تضغط على روحها .. خل تقنع روحها انه التشري شي حلو او هذي كلها ذكريات او ايام من العمر لاتأجل شي اوكلشي خاطرها في خل تاخذه ..

الله يوفقها ويسعدها .. :eh_s(17):
سامحوني على الاطاله