مساعده في ترتيب الاحذيه و الشنط

[أبرار بن فهد]

ابي ارتب الشنط و الحذيه بس سمعت في علب بلاستيكيه شفافه للاحذيه بس ما ادري وين ينباعون وفي للشنط منظم للشنط في علاقه بس ما ادري وين ينباع وبجم و هل في حل اخر للشنط و الاحذيه وابي منظم للاكسسوارات ابي شي كبير وعملي ورخيص سمعت في بمكياجي بس قولولي بجم وهل في شي احسن منه بليز ابي مساعدتكم ضروري

 

[زيتونه مرت باباي]

منتظم الجنط ..
تلاقينه في دايسو .. ومره قالوا في بسوق الديره يفصلولج لو تبين .. وفي تاجرات يبعونه ..


منتظم الاحذيه ..
عندج ينبااع عند التجرات و تلاقينه بسوق سيتي ستاار ..


عندج بعد العلاق العجيب ..
يفيدج بترتيب الملابس و الجنط والاسكارفاات و الحزم عن تجربه .. صج مريييييييييييييييييييييييح ..

الاكسسوارات ..
بكل مكان يبعون وبكل الاشكال والاحجام والانواع .. بسرداب الشايع وعندج بكل المحلات ..

ان شاء الله اكون قد فتدج .. بس لاتنسين ادعيلي ..

 

[kuwaitaa]

رد : مساعده في ترتيب الاحذيه و الشنط

نفس المعانات ................

وين صاير سوق الديره ؟؟؟؟؟؟؟؟؟ ستي ستار وين مكانه ؟؟؟؟؟؟

 

[نووووونا]

سوق المباركيه بشرق فى سرداب الشايع اشكال واحجام للمنظم

سيتى ستار صاير صوب الدائرى الرابع بسطرت المشاتل

موفقين

 

[دلع الكون]

مافي غير كبت الجواتي ويالله يضف حوستج انا كنت اعاني
مره القى فرده والفرده الثانيه تعالي دوري عليها والله شريت الكبت وارتحت وللعلم ماياخذ مساحه بالبيت ومرتب شغلج صيف وشتا

وبالنسبه للجناط انا احطهم بكبت العلاق تحت

والاكسسوارات لحد الحين مو لايقه لهم حل مع الاسف

 

[شيخه_البيض]

رد : مساعده في ترتيب الاحذيه و الشنط

صباح الخير

بالنسبه للجنط حاطتهم بالكبت تحت الملابس المعلقه والملابس بديات و نفانيف قصيرة على شان اعرف اطلع لي الجنطه اللي ابيها
اما الجواتي تكرمون فانا مسويه من جهازي بوكسات كل بوكس فيه جوتي وحاطته بدرجين اللي بالمستواليت شكلهم حلو ومرتب

صج ان تطلع روح على ما اطلع اللي ابيه بس الحمدلله وايد مرتاحه من حوستهم وهذا انسب مكان لهم

اما بخصوص علاقه الجناط احسها صغيرة وماتشيل كل الجناط !!!
اللي عندها فكرة تقولنا ..

وسلامتج

 

[أم عبداللطيف]

هلا والله هذي مشكلتي قبل

لكن اللحين الحمدالله لوما الله ثم بنات المنتدى مشاء الله تبارك الله علموني على اشياء كنت غافله عنهم ومحلات ومكان زين ورخيص ويادي الغرض

شوفي حبيبتي بخصوص الجواتي والله انا عن تجربه عندي كبت جواتي عزكم الله مسويته تفصال من تجهيزي فيه 5 أرفف وكل رف يشيل 10 ازواج جواتي كامله لانه رفي عريض والحمدالله مرتاحه شايلة جواتي كلهم لا علبه ولا تاخذ مكااان وترا حتى العلبه تطلع ريحه من جذي خلي الجوتي يتهوى .

وبخصوص ترتيب الشنط سوري ما اعرف انزل صور جان حطيت لج صورته حتى هني بنات بالمنتدى يبيعونه بس انا سويته لي تفصله نفسه امه وابوه ومعاه علاق وقلت للريال ييوسع الفتحه عشان الجنطة الكبيرة تاخذ راحتها يشيل 10 شناط جدام 5 ورا5
سويبته بالديرة تفصال عندي كرته

شركة ايدو الكويت تصليح أحذية وحقائب بإدارة راميش شاندرا رقمه 99480616
المباركية - شارع الغربلي - سوق سلاح - خلف جواد الصفار محل رقم 9

واخذي الوصف احسن ولازم ريال معاج لانه اهو مكانه شوي كله راييل وكله صوب اللي يبون حق الرياييل خاصه
وين سوق الشايع اللي احنا نروح له لاتنزلين السرداب سألي عن المحلات اللي تسوي شنط نايلون وتغليف وتبيع شنط سفر يدلونج هناك اقرب نقطه له ومايضيع وانتي هناك اذا رحتي راح تشوفيين اشكال واللوان على الطلب اللي تبينه واكثر من محل

بس هاا نصيحه قولي له ابي مقاس اللي تدش الشنطة اكبر من المعروض لانه شوي صغير انتي طلبي يوسعه لج احسن وكل ماصار راهي زين واحسن

أسفة على الاطاله واي شئ تبينه انا حاضرة

 

[ملامح بريئة]

رد : مساعده في ترتيب الاحذيه و الشنط

نصيحة مجربة لا تشترين منظم احذية كذا مرة اشتري منظم احذية مره من لاند مارك نفس الارفف و لها ستارة قماشية
و المرة الثانية صندوق الاحذية اللي من بضايع الحريم و النتيجة اني ابتلشت بالصراصير تطلع بهالاماكن و الاحذية مالها الا كبت الاحذية و يكون بممر يتهوى و الله يعين