مساعده ضروري ضروري الدجاج بالفرن

[حلوى كويتيه]

السلام عليكم خواتي الطباخات


عندي سؤال انا مسويه مجبوس دجاج ليم اشيل الدجاج من الماء بعد الغلي ابي اشويه بالفرن بس شنو امسح عليها من فوق ابي تكون فيها شوية حموضه ويكون لونها احمر علشان ليم تخلص راح احطها على العيش

والله يجزاكم خير

 

[ريمه الكويت]

رد: مساعده ضروري ضروري

اول شي حطي زيت نباتي بالصينيه وعلى الديايه وبعدين رشيه دارسين بودره( قرفه) بس لاتكثرين حطي شويه ومسحي فيها الديايه واذا تحبين الحموضه حطي شويه ليمون اسود بودره واكوناس تحط قفشه معجون طماط مخلوطه مع قفشه زيت زيتون وتمسح فيها الديايه بس ديري بالج لازم تحمرينها وتراقبين الفرن لان المعجون بسرعه يحمر
وساعات احب امسح الدياي بزيت مع اعشاب خشنه ايطاليه مثل الزعتر البري الاوريجانو مع روز ماري ومرميه تحصلينها مخلوطه وجاهزه بكارفور ومركز سلطان وفيه بهارات بدين ويدلوكا ببطول صغيره وايد حلوه حق الدياي

 

[جارة القمر]

مشكوووووره



ريمه



http://q8yat.net/showthread.php?t=490326&highlight=%C7%E1%CF%CC%C7%CC+%C8%C7%E1%DD%D1%E4

 

[شاربة بيبسي ومدلعة نفسي]

مشكووووووووووووره حبيبتي

 

[مس يو]

شوفي حبيبتي انا لما اسلق الدياي للمجبوس اطلعه بعد مايستوي واحطه بصينية الفرن واكون مجهزتله الخلطه التالية:

اخذ طاسه صغيره واحط فيها شوية زيت طبخ اللي يكفي لدهن الدياية واحط معاه شوية بهار كاري طبعا مو وايد لا نص قفشة جاي تقريبا ورشة صبغ العيش يا الاصفر او البرتقالي اللي يصير جنه احمر واحط شوي فلفل اسود واحط عليها قفشتين كبار صلصة hp اوووو صلصة الباربيكو .. واخلي الخلطه تنقع شوي يعني بالوقت اللي تكون فيه الدياية تنسلق انتي سوي الخلطه وخليها على صوب بعدين لما تطلعينها من الماي مسحيها بالخلطه بفرشة .. ودخليها الفرن تتحمر تحت الشوايه وترا ما اطول انا اخليها من 7-8 دفايق واحط التايمر بس يرن اطفي عليها ...

توضيح:

صلصة hp نفس طعم الصبار على شكر يعني حامض حلو

وصلصة الباربيكو اهي صلصة شوي طعمها مدخن وحالي

واثنينهم يهبلووووووون..

وهم مرات اسوي طريقة ريمة بعد نفس التتبيله بس بدال الصلصات احط معجون طماط وشوي ثوم مهروس


وان شاء الله اكون افدتج........

 

[ملح و سكر]

فى طريقه ثانيه امسحى عليه مايونيز .....وحطيه بالفرن ...واذا تبينه وايد احمر زيدى شويه معجون طماط


وادعيلى .......

 

[!sweet!]

في طريقة مره حلوه دايما نسويها

في طاسه صغيره و بقد ما يكفي للدجاج
حطي مايونيز وزيت وبهارات اللي تبين كاري وثوم مطحون و صلصل ( معجون طماطم ) واذا تبين لون اللي للرز واخلطيها كويس وما تصير جامده مره بس وادهني فيها الدجاج يصير طعمها يمي