السلام عليكم بنات..
بخصوص دورة التحفيظ الي بالتطبيقي منو سجل فيها وتخرج منها
وامتحان القبول شنو سألوهم وقالو لهم لان باجر مقابلتي وحدي مادري شنو السالفه
:denya:
عفيه ردو علي الي تعرفها او سامعه عنها و متخرجه منها
وادعولي يقبلوني فيها
السلام عليكم ورحمه الله وبركاته
هلا اختي
انا حاليا طالبه فيها...
وبالنسبه لامتحان القبول .. مكون من اسئله سهله
راح يخلونج تقراين من القران ..( على شان يشوفون قراءتج)
وراح يسالونج اسئله نحويه ( بس سؤال او سؤالين بالكثير وسهله ) مثل
العلم نور هذي جمله اسميه والا فعليه..
عطيني جمله فعليه .. او عطيني جمله اسميه
راح يطلبون منج اتسمعين شي من حفظج ( والافضل انج تكونين حافظه عن قاارئ مجود للقران)
وراح يسالونج انتي ليش داخله هالدوره ( طبعا ردج اهنيه مهم )
وكذلك شخصيتج لما يكلمونج ونبره صوتج .. لان اي بنت صوتها ناعم وواطي ماراح تمشي بالدوره
وراح يجيبون لج اسئله فقهيه ( سهله)
مثل اذا الواحد كبر هل يجوز انه يسلم او يرد السلام على احد )
او يعتبر التكبير ركن والا شنو
وفي اي شهر نصوم
ماهي اركان الايمان .... او ماهي اركان الاسلام
وترى اكثر شي يهمهم هيئتج( لاتجين حاطه مكياج ولا كحل ولا عطر ترى هذا راح يقلل من فرصه قبولج)
واذا دخلتي ادخلي بثقه وتكلمي بثقه بدون تردد
واي شي تبينه انا تحت امرررررررج
وبالتوفيق
