مساعده(حذفت أيقونه)؟

[أجمل أحساس]

السلام عليكم حبايبي
بنات شفتم أيقونة سلة المهملات على سطح المكتب حذفتها بلغلط شلون أرجعهااا؟؟؟


أبي مساعدتكم وشطارتكم معاي تعلموني شلون أرجع الايقونه.


وانا بنتظار

شكرا

 

[ذهـ الكويت ـب]

انتي شنو نظام جهازج؟؟

فيستا ولا اكس بي ؟؟

 

[أجمل أحساس]

انا شنو نظام جهازي؟ مادري شلون أعرف شنو نظام جهازي.؟\
الزين مني اعرف اشارك هني في المنتدي . معاج وحده ما تعرف شي في الجهاز.

مشكوررررررررررررررررررررررره على مرورج وردي قولي لي شلون اعرف شنو نظام جهازي؟

 

[@الخياله@]

خخخخخخخ وربي انج فله

اممم اقلبي الجهاز من صوب البطاريه بتلقين ستيكر ينكتب عليه فيزتا ولا اكس بي طبعا بالانجليزي
اهو يبين من الشكل الداخلي بس مادري اذا تعرفين تفرقين ولا لا ؟؟

اسعدني تواجدج الشيق بهذا القسم

 

[غنج اهلها]

ان شاء الله يفيدج هالرد حبوبة

طريقة ارجاع سلة المحذوفات لوحذفناها بالغلط

..........

اذا الوندوز فيستا

على سطح المكتب:
اضغط بالماوس زر اليمين بعدين اختار (personalization)

بتلاقي في الطرف مكتوب (change desktop icon )

اضغط عليه بتفتح لك صفحه بتلاقي مجموعة ايقونات

حطي صح على سلة المحذوفات

.......................................................

واذا xp

حطي المؤشر علي سطح المكتب و بعدين كلك يمين

وبعدين حطي علي خصائص

وبعدين حطي علي سطح المكتب

وبعدين بتلاقي تحت الشاشة بالظبط " تخصيص سطح المكتب

وبعد ما تحطي عليها ،،،

حطي علي " سلة المحذوفات " و بعدين موافق ،،،

وبعدين بتنتهي المشكلة ،،،

 

[أجمل أحساس]

الخياله حبيبتي مشكوره على مرورج وسويت يلي قلتي عليه وطلع فيسيتا وتشكرااااااااااااااااااات وايد لج
غنج أهلهااا حبيبتي ما قصرتي هم بعد سويت يلي قلتي عليه وانحلت المشكله عندي لقيته لقيته يببوا يا بنات كلوووووووووووووووووووش مشكوره حبوبه على المساعده كلج ذوق.

 

[@الخياله@]

الف مبروووووووووووووك خخخخخخخخ
واخيرا

 

[أجمل أحساس]

الله يبارك فيج:dddds: