مساعده بنتي معاها فتاق بالسره

[ام لاحلى بنت]

بنتي عمرها ماكملت الشهرين ومعاها فتاك السره ومحتاره وش اسوي فيه بدل بهذلة الدكاتره والعمليات وكمان فيها امساك ماتتبرز الين احط لها تحميله وغازات كثيره ومسكينه تتألم حتى من الغازات في بداية ولادتها ماكان عندها امساك يعني يمكن بعد شهر من ولادتها علما اني ارضعها طبيعي وصناعي ياليت الي عندها خبره تفيدني عساها بالجنه

 

[tmtmt]

رد: مساعده ربي يسعدكم

والله ما ادري
لازم طبيب بالعكس اهما الي يفيدونج

ولا سمعتي كلمه مني ومناك اهني الي بتتخربطين وتلعبين فيها
توها ما شدت عمرها لا تتصرفين بروحج

اما عن الامساك بنت اختي كانت جذي
فتره وراح طولت واهيا تحطلها تحاميل
بس الحمدالله راح

الله يشافيها ويخليها لج يارب

 

[noha33]

رد: مساعده ربي يسعدكم

لاااااااااااااااااااازم طبيب
لا تلعبين ببنتج وبعدين تتحسفين

 

[ZajiL]

رد: مساعده ربي يسعدكم

لازم عمليه
الفتاك الي بالسره مو لعب
وترى العمليه حيل بسيطه وكل ماكبرت تأذيها اكثر سويها وهي صغيره احسن


تم تعديل عنوان الموضوع

 

[أم اللولي]

رد : مساعده بنتي معاها فتاق بالسره

حبيبتي عادي كل اللي قلتيه

انا بنتي عمرها 3 شهور ومعاها فتاق
اول شي قلت لي وحده حطي قرش .. تعرف القرش..؟ الهلل الريال الدائري عاد عندكم بالكويت ماادري وشو
المهم خوذي الكبير ولفيه بشاش عادي ..وحطيه على سر البيبي وحطي عليه بلاستر قوي وخليه شهر شوفي كيف يرجع عااادي

وبالنسبه للأمساك .. عطيه مره وحده باليوم رضعه كمون.. وكل 3 ايام عطيها عنزروت
انا كذا سويت مع بنتي والحمد لله وش زينها

 

[ام لاحلى بنت]

رد : مساعده بنتي معاها فتاق بالسره

مشكورين بنات فديتكم

 

[KOKO_284I]

رد : مساعده بنتي معاها فتاق بالسره

روحي حق جاسم بوحيمد اهو فاد اختي وايد واللله ولدها عنده نفس المشكله

 

[SARA_912]

شوفي بنت اخوي سنين تتالم من الفتاق محد عرف شنو فيها الحين الحمدلله طيبه ومافيها الا العافيه


وديناها لطبابه ماشالله عليها اسبوع ومن فضل الله تعافت عطتها صبخه وشراب اسمها ام عايد بالرقه اذا تبين عنوانها كلميني عالخاص لاني ماارجع للموضوع

 

[أم بشبوشة]

حبوبة انا ولدي كان مهاه افتاق بس طبيبي د فهد المخيزيم عندة عيادة و يداوم بمستشفي مبارك قالي نطري علية لين 5 سنين اذا ما التام نسوي عملية و كان يجيك علية من فترة لفترة لين اهو ألتأم بروحة و قالي ان نسبة للي ما يلتئم 1%

 

[ام عفراء]

انا ولدي فيه وسره ياقلبي متفووووخ شكبره

بس قالولي مايسوون له شي قبل سنة او سنة ونص

ومخلينها على الله

ان شاء الله يروح من نفسه

 

[أميرة طفولتي]

رد : مساعده بنتي معاها فتاق بالسره

اي حبيبتي انا بعد سرة ولدي متفوخه جنها نخيه بس الدكتوره قالتلي 99.9% من اليهال يروح انشالله وترد طبيعيه قبل لايكمل السنه
وقالتلي ان الناس يحطون 100 فلس او 50 عليها ويربطونها عشان تدخل لي داخل ما مافي شي علميا يثبت صحة هالشي ةاهةا بروحه راح يروح انشالله لاتحاتين
وبالنسبه حق الغازات عطيها ماي غريب قفشه صغيره قبل النوم مره وحده باليوم راح ترتاااااااااااح وايد

 

[MyLittleBerry]

رد : مساعده بنتي معاها فتاق بالسره

اللي قاعده تقولينه نفس اللي صار بولدي بالضضضضضضضضضضضضضضبط

وديه مستشفى ابن سينا

بيعطونه موعد حق عمليه

ترى العمليه بسييييطه وبعدها بتشوفين الفرق

بس استعيلي لان موزين التأخير

 

[أم سلوم الحلو]

انا بنتي فيها فتاق قالو لي يروح بروحه كان سرها ناط لين بره يخرع

 

[الأميرة جوري]

رد : مساعده بنتي معاها فتاق بالسره

عادي تكبر ويروح انا بنتى جذيه قال 3سنوات اذا ماراح نسوي لها عمليه سبحان الله وقف ما كبر...الامساك عطيها منقوع التمر وراح تدعيلي لان بنتى نفسها اللي كان فيها فتاق فيها امساك وقالت الدكتوره تمر وفعلا ارتاحت عليه