مساعده بخصوص برنامج متكامل للضيوفنا

[الجــادل]

مرحبا بنات


عندنا عايله اماراتيه تعرفنا عليهم بالصيف

وزرناهم بعطله العيد بدبي


الحينهم بيجون بعطله عيد الاتحاد الخميس الجاي لمده لمده 5 ايام


وانا محتاره بتنظيم الرحله لهم


طبعا العايله تتكون من ام وبنتين


فكرت نقضي يوم بالشاليه بس احس بنيدر ملل


احسن نحجز لهم بالهلتون والا شرايكم


على الاقل في قواري وستاربكس وتمشي وقريب من بيتنا بالفحيحيل

ويوم بيكون في سوقه السالميه من مارينا والفنار وزهره


وودي احجز لهم مسرحيه مدري شنو الحلو؟؟

وطبعا ودي اسويلهم بوفيه واعزم اهلنا


ومحتاره بالترتيب والتنظيم للجوله


يا ريت تعطوني اقتراحاتكم

 

[bambena]

الجادل لا حرام لاتودينهم شاليه

انا الحين اكلمج من الهلتون

شي مو طبيعي والله قعدنا ليله جننا مسافرين جو وطبيعه ووناسه ويمج الكوت شرح اينن



اهم شي لازم تودونهم هالاماكن :


الكوت
الهلتون
مارينا مول وكريسنت
الافنيوز
سوق شرق

هالاماكن شرحه وعالبحر يستانسون

وماانصح تودينهم مسرحيه

كلام فاضي وتضييع وقت


ان شالله ان صارلي وقت انظم معاج البروجرام عدل مدل واذا بتعزمينهم بره اونس من البيت ولو ان البيت لابد منه للضيف بس احس يضيع وقتهم




ينقل للسياحه والسفر

 

[الجــادل]

مشكوره بامبينا عالرد السريع





كنسلنا المسرحيه

بس لازم العزيمه بالبيت


والكوت والمنشر اشوا قريب ما بينا وبينهم الا شارع مو شايله همهم


الافنيوز والمارينا عادي بيوم واحد؟؟؟


بالنسبه للعزيمه برا البيت في بالي سراي ولونوتر ايهم احسن؟؟


وبانتظار اقتراحاتكم


حول اماكن ثانيه

 

[Angel]

مادري 5 أيام الاماكن اللي اخترتيها كافيه بس اشرايج بالاكواريوم ومتحف طارق رجب بالجابرية والبيت السدو وشرايج بمطاعم اللي يم الكنيسة مثل بيت 7 واشدعوة الأبراج ترى مكان مهم وحيوي للسائح في الكويت حتى الأسواق الشعبية الكويتية القديمة مثل سوق واجف والبشوت ترى السواح الأجانب يموتون على الأماكن هذي بس ما يندرى عن السواح الخليجيين !!!! (عموما يعتمد على ميولهم السياحية).

 

[تووت]

ماشالله خوش تعارف

حلو تسوين لهم مكس مابين الحديث والقديم...كلنا نحب جذي نحب نزور احدث مكان بالديره ومانستغني عن التراثي


1-ليله وحده بالهيلتون وشامله المنشر والكوت.<<<خلصنا من المنطقه العاشره

2-المارينا+ مجمعات شارع الفنار على السريع والقعده باحد الكافيهات التي تطل على شارع الفنار +غداء او عشاء بلونتر المطل على الخليج العربي<<<خلصنا من السالميه

3-الرايه او فيلامودا او الصالحيه+ المباركيه وقعديهم قعده خفيفه بدلق سهيل<<<<خلصنا من الديره(العاصمه)

4- الأفينيوز +سينما



بالتوفيج حبيبتي وعسى الله يبيض ويوهكم ويا ضيوفكم وماوصيج بشرينا شصار ماصار

 

[عنايد]

ليش ماتعزمينهم يوم جذيه بالبر تغيير عن المجمعات والمطاعم واذا مو مجهزين لكم مخيم أجرو مخيم

ترا البر عندنا وناسه وتغيير يوم واحد مايفرق بالاضافه الى كل ماذكروه البنات

طبعا يكون آخر يوم مثلا

 

[الجــادل]

مادري 5 أيام الاماكن اللي اخترتيها كافيه بس اشرايج بالاكواريوم ومتحف طارق رجب بالجابرية والبيت السدو وشرايج بمطاعم اللي يم الكنيسة مثل بيت 7 واشدعوة الأبراج ترى مكان مهم وحيوي للسائح في الكويت حتى الأسواق الشعبية الكويتية القديمة مثل سوق واجف والبشوت ترى السواح الأجانب يموتون على الأماكن هذي بس ما يندرى عن السواح الخليجيين !!!! (عموما يعتمد على ميولهم السياحية).

ذكرتيني بالمركز العلمي الله يذكرج بالشهاده
مشكوره حبيبتي

 

[الجــادل]

ماشالله خوش تعارف

حلو تسوين لهم مكس مابين الحديث والقديم...كلنا نحب جذي نحب نزور احدث مكان بالديره ومانستغني عن التراثي


1-ليله وحده بالهيلتون وشامله المنشر والكوت.<<<خلصنا من المنطقه العاشره

2-المارينا+ مجمعات شارع الفنار على السريع والقعده باحد الكافيهات التي تطل على شارع الفنار +غداء او عشاء بلونتر المطل على الخليج العربي<<<خلصنا من السالميه

3-الرايه او فيلامودا او الصالحيه+ المباركيه وقعديهم قعده خفيفه بدلق سهيل<<<<خلصنا من الديره(العاصمه)

4- الأفينيوز +سينما



بالتوفيج حبيبتي وعسى الله يبيض ويوهكم ويا ضيوفكم وماوصيج بشرينا شصار ماصار

برنامج حلووو يعطيج العافيه

 

[الجــادل]

ليش ماتعزمينهم يوم جذيه بالبر تغيير عن المجمعات والمطاعم واذا مو مجهزين لكم مخيم أجرو مخيم

ترا البر عندنا وناسه وتغيير يوم واحد مايفرق بالاضافه الى كل ماذكروه البنات

طبعا يكون آخر يوم مثلا

عندنا شاليه ومزرعه بس ما عندنا مخيم

وكنسلنا الشاليه والمزرعه وحطينا بدالهم شاليه الهلتون


عساس هم عندهم عزبه بالبر هناك ومتعودين على جو البر


وهم ستايلهم يحبون قعدات المطاعم والمجمعات


مشكوره عنوده عالاقتراح

 

[bambena]

صح الجادل المباركيه اتينن لازم يشوفونها ولونوتر على البحر وايد حلوه قعدته سراي قمته شوي

واكو مطعم سي فوود مع برج الحمام يمدحونه نسيت اسمه

وميس الغانم لابد منه

 

[Angel]

ذكرتيني بالمركز العلمي الله يذكرج بالشهاده
مشكوره حبيبتي

اللهم آمين جميعا ان شاء الله

 

[مس فيراري]

وديهم المباركيه و ساليهم اذا يحبون الاماعين و المطاطير وديهم المعلم لان خبري الاماراتيين يحبون هالشغلات . وكمان خديهم على المطاعم اللي صوب ساس مثل شوكلت بار لان فكرته حلوه .و ديهم البلوكات لانهم يحبون الخامات

 

[الجــادل]

مشكورين بنات ملاحظاتكم حيل فادتني


حاليا حجزت لهم سويت


وشريت هدايا لهم


وجهزت تفاصيل العشاء في بيتنا بيوم وصولهم


واجرت لهم سياره



وراح اطبع جدول بالاماكن المراد زيارتها والوقت واخلي نسخه لي ونسخه لهم عساس يكون عندهم خبر بالوقت اللي بمرهم فيه


وان شاء الله راح اوافيكم بالتفاصيل اول باول

 

[ايثار]

كيف ضيوفك ؟ اكييييييد انبسطوا ماشاء الله الامكان حلوة والاقتراحات تجنن
يا ليت تخبرينا عن تفاصيل الزيارة وايش الاماكن الي حبوها اكثر شي؟
والاماكن اللي حستي انها ضيعت الوقت عليهم
والف شكرررر لك والله يديم المحبة بينكم

 

[بنت البحر]

ما انصحج ب سراي غالي واكله قليل نصيحه حق العزايم روحي ميس الغانم سعره زين واكله راهي وحلو حجزي مخيم لانه ما اعتقد عندهم هالطلعات