مساعده ابي احجز حق اندونيساا

[بتبوتااا]

السلام عليكم

شلونكم حبيباتي ؟


خدامتي بتسافر اندونيسيا شهر وبترجع وللعلم بتسافر اول شهر 11

ابي احجز لهاا ومو عارفه على اي طيران ولا عارفه اسعارهم

ياليت تساعدوني :tek:

 

[بتبوتااا]

 

[anome]

السلام عليكم انا حجزتلها على القطرية بس انصحج حجزيلها بس رايح واذا تبي ترد تقص لها تذكرة ولما ترد عطيها فلوس لأن انا خدامتي سوت فيني دقه قالت والله برد وانا لي أخر يوم أأكد عليها بتردين تقول اي يوم راحت تزوجت وقالت ماني راده زوجي مو راضي والحين قدرنا نكسل التذكرة بس للحين ما انردت فلوسنا قالوا على أخر الشهر فا أخذي الحذر وسوري أذا خرعتج بس لأن ماأبي يصير فيج الي صار فيني

 

[Samurai]

كلام الاخت anome صح.. قصيلها تذكره وحده بس ...

والاتحاد اعتقد ارخص من القطريه بشى بسيط ..

 

[بتبوتااا]

مشكوووورين حبيباتي ان شاء الله اشاور ريلي واشوف

 

[b6o6a]

توه امي موديه خدامتها عالقطريه شيبون بعد عشتو لوول

بس لا تحجزين رده حتى احنا كان عندنا هنديه وماردت تقول ماكو انتو ما حجزتو مرجع وبعدين رجعت بعد 3شهور واخوي عاقبها وداها المكتب وانصدمت مسكينه

 

[بسمه الم]

حياتي شوفي الطيران التركي ..

 

[بتبوتااا]

ممكن تحطون موقع الطيران وجم سعر التذكره؟ ابي من اول 11 لي 30 يوم

 

[بسمه الم]

ممكن تحطون موقع الطيران وجم سعر التذكره؟ ابي من اول 11 لي 30 يوم

حبيبتي هذا السايت
http://www.thy.com/ar-KW/index.aspx
عطيني اسم المنطقه وانا اشوفلج

 

[بتبوتااا]

مشكووووره حبيبتي جاكرتاا

 

[بتبوتااا]

؟؟؟؟

 

[بسمه الم]

مشكووووره حبيبتي جاكرتاا

حبيبتي شفتلج التركيه بالنت ماكو جاكرتا ..
جيكت لج الاماراتيه (2-11 > 30-11) اب 270 دينار ..

وجيكت لج القطريه ( 2-11>1-12) اب 258 دينار ..

 

[بسمه الم]

واكو عالاتحاد ( 2-11 > 2-12 ) اب 135 دينار ..
وسوري ياقلبي تأخرت عليج ^^

 

[بتبوتااا]

من امه بحجز لهاا بالاتحاد !!

ومشكوووووووووووووره ياقلبي ماااقصرتي حبيبتي :tek: وان شاء الله بليل ارد على الموضوع لما اشوف راي ريلي ويعطيج الف عافيه ياقلبي وممكن تعطيني الموقع وشلون اذا بأكد الحجز وشلون طريقه تسليم الفلوس؟

 

[بسمه الم]

من امه بحجز لهاا بالاتحاد !!

ومشكوووووووووووووره ياقلبي ماااقصرتي حبيبتي :tek: وان شاء الله بليل ارد على الموضوع لما اشوف راي ريلي ويعطيج الف عافيه ياقلبي وممكن تعطيني الموقع وشلون اذا بأكد الحجز وشلون طريقه تسليم الفلوس؟

لاشكر علا واااجب حبيبتي ^^
شوفي اسعار الاتحاااد وايد حلوه ومناسبه لمن شفت السعر جيكت 3 مرااات لووول ..حاولي تحجزين بسرعه لانه هذول بسرعه يخلصون كان اكو 135 و 150 وصاااعد بس شفتلج بهذول الايام اب 135 وطبعا كل ماتأخرتي بالحجز السعر يتغير ..

وهذا اهو السايت
http://www.etihadairways.com/sites/etihad/us/en/home/Pages/home.aspx
وطريقه الحجز عادي بالنت و هم الدفع بالنت بالفيزا كارد او الماستر كااارد حجزي بسرعه ياقلبي لانه تتغير الاسعار ..

 

[بسمه الم]

ونسيت اقولج ياقلبي السعر هذا بدون تاكس يعني بالكثير 40 دينار عشان التااكس !!
شوفي انا مو بديره جان دقيت شفتلج بس انصحج دقي ع طيران الاتحاد وسأليهم وشوفي الفرق بين سعر النت وسعرهم اهو الارخص النت بس مرات مثل السعر ..
واي سؤال انا حااااظره يااااقلبي ^^

 

[بتبوتااا]

حبيبتي والله ماقصررتي بأذيج معاي ومافهمت شنو التاكسي حق شنو ؟؟ والتذكره روحه ورجعه؟

 

[بسمه الم]

حياتي التااكس اهي الضريبه ومثل ماقلت لج لمن جيكت لج التذكره كانت 135 روحه ورده ضيفي عليهم 40 تقريبا
يعني التذكره كلها 175 دينار ..
ولا اذيتيني ولاشي حاظرين حبيبتي ^^