مساعده .... أبي أفكار لترتيب ألعاب الأطفال

[الوردة المكنونة]

السلام عليكم

بصراحه بنات من غير لف ودوران بكلمكم بصراحه عندي غرفه 3 ×2 متروسه ألعاب فل ما اقدر ابطل باب الغرفه من الالعاب وارتفاع الالعاب واصل لي الثريا وابي تعطوني حل حق هالغرفه انا قلت بقطهم بس ريلي رافض يقول حرام عليج هذي كلها فلوس والالعاب يبونها اليهال والمشكله ان كل ما يطلع اليهال يشتريلهم العاب يديده وانا مليت حاسه ان شقتي مو مرتبه والسبب هالغرفه ابي تعطوني افكار حق هالغرفه وانا ان شاء الله كل يوم بمر على الموضوع واشوف افكاركم انا ببدي فيها من اليوم اقط الالعاب المكسره وببدي شوي شوي خاصه اني حامل بالسابع يعني حركتي ثقيله وماكو خدامه يعني ابي افكاركم اتوقع يبيلي كم يوم ارتب قيها اذا مو اسبوع يالله تخلص يعني استقبل افكاركم مدة اسبوع بس لا تقولولي سوي كبت للالعاب لان ريلي رافض يسوي كبت يقول قسيمتنا بتخلص وخلي الكبتات حق القسيمه اليديده بهالشقه ما يبي يحط ولا فلس يالله ناطره افكاركم وشكرا للكل مقدما

ويا ريت اللي ادش ترفع الموضوع

 

[جروح خالده]

رد : مساعده .... أبي أفكار لترتيب ألعاب الأطفال

رفعععععععععععععععععععع

 

[mafio98]

انا اشوف احسن شي الكبت بس اذا موراضي يحط كبت :bbbiu:
اول شي كملي على اللي قاعده تسوينه سوي تصفيه حق الالعاب الي مكسور والي مايشتغل قطيه بعدها اشتري بوكسات الي تصير شفافه او الي عليها رسومات تكون من بلاستيك تحصلينها حتى بلاسوقه الشعبية اشتريهم وعلى هلاساس قسمي الالعاب مثل البلوكس بصندوق الدبببه وغيره فبوكس السياير فبوكس او انج تقسمين البوكسات حق عيالج مثلا فلان بوكسه الاصفر وفلان الازرق وبجذي كل واحد بيحط العابه فيهم واذا خلص بيشيلهم وبتصير الدار مرتبه​

هذي صور للبوكسات


​

 

[eman12]

والله نفس حالتى وتحسين الدار دثره
انا اشتريت المكتبه اللى بايكيا اللى يحطون فيها 6 صناديق تصير مدرجه
والله احس احسن شوى المنظر

 

[omali_store83]

عندج طريقه البوكسات وايد حلوة حق تخزين الالعاب

وعندج بعد الارفف من ايكيا هم تقدرين تحطين عليهم بعض الالعاب

​

 

[زيتونه مرت باباي]

انا اشوف احسن شي الكبت بس اذا موراضي يحط كبت :bbbiu:
اول شي كملي على اللي قاعده تسوينه سوي تصفيه حق الالعاب الي مكسور والي مايشتغل قطيه بعدها اشتري بوكسات الي تصير شفافه او الي عليها رسومات تكون من بلاستيك تحصلينها حتى بلاسوقه الشعبية اشتريهم وعلى هلاساس قسمي الالعاب مثل البلوكس بصندوق الدبببه وغيره فبوكس السياير فبوكس او انج تقسمين البوكسات حق عيالج مثلا فلان بوكسه الاصفر وفلان الازرق وبجذي كل واحد بيحط العابه فيهم واذا خلص بيشيلهم وبتصير الدار مرتبه​

هذي صور للبوكسات


​

معااها ..
انصحج بهالبوكساات وااايد مفيده ..

 

[لولو 88]

يمكن هذا يفيدج خصوصا ان سهل التنقل وفرصة مسويين تنزيلات اتوقع تحصلينهم بالكويت بس ما ادري وين؟؟ اذا عرفتي دلينا


http://www.amazon.com/s/ref=nb_sb_n...toys-and-games&field-keywords=TOYES+ORGNIZEER

 

[ice mo0oca]

رد : مساعده .... أبي أفكار لترتيب ألعاب الأطفال

انا انصحج بايكيا متخصصين بالشغلات انا خذيت منهم هالعلب حق العاب عيالي

 

[الوردة المكنونة]

شكرا على تعاونكم
انا للحين قاطه 6 اكياس زباله كلها العاب صغيره وبعدها الغرفه مثل ما اهي جني ما شلت شي منها

وان شاء الله بشوف العلب ولو ان الالعاب وايد يعني يبي علب وايد