مساعدة Sheraton Langkawi Beach Resort

[Watches]

بنات شلونكم شخباركم .. ساعدوا أختكم .. شلون فندق Sheraton Langkawi Beach في وحده فيكم سكنت فيه ؟
إلى تعرفه تكلمني عنه شلون وشلون مكانه ؟ والغرف حلوين ؟ وجم خذه التكسي من المطار ليه الفندق والعكس .. وشلون مطاعم الفندق حلوه ؟ سولفولي عنه لأنه كل معلومة عنه مهمه عندي أنا حجزت فيه مابي يطلع مو حلو واتفشل ههههه ..
ومشكورين

 

[أحلى صيدلانيه]

والله من حظج انج حجزتي فيه بصراحه احلاااااااااااااااااااااااااااااااااا فندق شفته بحياتي واحلا ايام كانت ايام لنكاوي

نظام الفندق اكواخ عالبحر والجو خطييييييييير والغرفه فيها حمام جاكوزي وتجنننن نظيفه ومرتبه والتوصيل من اللوبي لغرفكم بسيارات صغيره بس المطعم عادي وحنا كنا ناوين نطلع اماكن بس بصراحه ماطلعنا لان الفندق حده خطييير والله يهنيج انشالله اكون افدتج بمعلوماتي البسيطه

 

[Watches]

مشكووورة بعد قلبي أنتي أشوه ريحتيني ههههههه .. ننطر آراء البنات الباجي ونشوف

 

[Watches]

مشكووورة بعد قلبي أنتي أشوه ريحتيني ههههههه .. ننطر آراء البنات الباجي ونشوف

 

[zlm]

انا اوافق احلى صيدلانبه برايها
صارلي اسبوع من رديت وبالضبط بالضبط نفس تعليقها لا تتحسفين

 

[Watches]

حمدلله على سلامتج يالغالية .. زين أشوه ونستوني هههههه

 

[zlm]

رااااح تستانسين واااااااايد متحسفه ليش قعدت فيها بس 3 ايام وناااسه الاجواء اهناك بالفندق .... نصيحه جربي السبا عندهم انا ما صارلي فرصه اجرب

لازم انتي تعوضينها عني لووووول

 

[Watches]

هههههه أوكي حاضر و راح أحرج بعد إذا جربته ههههههه ... إي أنا تحستف بس حجزت 3 أيام ماتوقعت فيها أماكن وايد لنقاوي

 

[zlm]

عليج بالعافيه ... تروحين وتردين بالسلامه انشالله

 

[+بسبوسة+]

ماعجبني نهائي

كنت ماخذة شالية فيه جاكوزي الاسبوع الي طاف

حلو بس تحسين قديم و موزود صيانة

والاكل لما نطلبة من الفندق يوصل بااااااااااااااااارد!!

مو بمستوى فلوسه

 

[+بسبوسة+]

بس ما انكر ان موقعه رهيييييييييييييييييييييييييييييييييييييب

والخضرة بكل مكان

بس ما حبيتة والناس اذواق..........


وبالنسبة لكوالالمبور احلا شي الويستن وماندرين
ولاتروحين الماريوت نصيحة

 

[..البندري..]

هو فندق فضيع بس بصراحة انا ماحبيته لان كل ماطلعت من الغرفة القى قرد شكبره قدامي صج يخرع
والله من ثاني يوم قدمت حجزي ورديت حق العاصمة

 

[tmtmt]

حلوووو بس كله حشرات
نمل وزهيويه وبريعصيه
والمطعم الهندي الي بالفندق هم في بريعصيه الي تشتغل هنامك تقول عادي احنا نربيهم

بس ما حجزت على البحر نفس ماقالوا
كوخ بس مو على البحر