مساعدة بالمطبخ

[بنوته بحرينية]

السلام عليكم و رحمه الله وبركاته ​

بنات بغيت تساعدونى انا خذت السراميك للمطبخ بيج بدرحة خفيفة و حابه ان افصل الكباته بالون البرتقالى بس زوجى ما يشجعنى يقول احلى ان تكون بلون الخشب و بصراحه مو مقتنعه ودي ان يكون المطبخ ملون احس لو كان بلون الخشب بيكون ملل

ساعدونهى اللون البرتقالى حلو او تقترحون الوان غير

مشكورين مقدماً

 

[مسس وايت]

احلي لون للمطبخ البرتقالي

 

[بنوته بحرينية]

مسس وايت مشكورة اول رد يشجع

 

[بنوته بحرينية]

معقوله يا ينات اكثر من اربعين زيارة و رد واحد بس على الأقل اقترحو اللوان حلوة للمطبخ

 

[روعه 99k]

البرتقالي حلو بس دائما الألوان القويه والحارة
ينمل منها بسرعه دوري لون ثاني البيج يمشي معاه
اي لون يعني عندج حرية الاختيار فري ووشوفي
لين تتفقون علي لون حلو
وعموما عن نفسي ما اخترت اللون من اشوف المطبخ عجبتني كبتاته
أخذه سيدا ما احدد لون معين

 

[بنوته بحرينية]

مشكورة روعه ما قصرتى انا فعلا امل من الألوان بسرعه حتى فى الأثاث و الستائر احب التغير دائما الله يكون فى العون

 

[dob106]

حبيبتى اذا شقه اجار اختارى اللى يعجبكم اما بيت العمر اختارى لون ما تغيره السنين والموضه مثل البنى والبيج والسلفر والاخضر الغامق واهم شئ انتى وابو الشباب اللى بتقعدون فيه ودمتى

 

[اسى العيون]

البرتقالي مانصحج فيه راح تملين منه اذا كان بيت العمر اخذي الالوان الدارجه البني والبيج فيهم فخامه للمطبخ وانتي واخيارج ياحياتي

 

[ام نواف العجمي]

اب لعيونج

 

[بنوته بحرينية]

مشكورين بنات وأهو فعلا بيت العمر علشان جذي مترددة

 

[يا كويتنا]

انا مع البنات


في درجه للبرتقالي ايكون غامج مايل عالبرونز


اهم شي ايكون ديكور المطبخ وطريقت تقسيمته


وانصحج ايتدخلين السيراميك الحجري بين الرفوف المكان اللي يكون بااين


وسلااامتج

 

[بنوته بحرينية]

شكرااا لكل البنات اللى ردو و بعد اللى ما ردو تقريبا فى تشجيع على البرتقالى وباذن الله لما يجهز انزل الصور

 

[بنت العقربيه]

اهم شي تتفقون على اللون واللون البرتقالي حلو والله يتمم لكم على خير