مساحتي للفضفضة... ممكن؟؟؟

[يابختي]

امس جفاني النوم،، ظليت افكر...تذكرت شنو هاليوم...
قبل تسعة اشهر كانت بداية..
وقبل ستة اشهر صارت نهاية
ومابينهم كانت..حكاية
*********************
تفتكر اقدر انساك
تبي تذكر اللي صار بالمواعيد والايام
كل عندي محفوظ باليوم والساعة والدقيقة..
منو كان موجود، وشنو كان الكلام...
وبالنهاية...صار الفراق

 

[يابختي]

اليوم انا كتلة مشاعر...
انت سببها....ياشاعر
اليوم ذكرى لكل ما جمعنا...
اليوم ذكرى لاول مرة تلمس ايديك فيها ايدي
اليوم ذكرى لاول مرة تقرب مني
اليوم ذكرى لثاني مرة اشوفك
اليوم ذكرى لنهاية قصتي الجميلة

ما نسيتك..
شلون انساك وانا افكر فيك قبل ما تكون حاضر...قبل ما تدخل حياتي
تذكر لما سألتك شلي ردك؟؟
اليوم سألتك..شلي ردك..
اليوم بسأل متى ترد؟؟ متى تكون حاضر بحياتي... بوجودي... بروحي... وبعقلي
********************************************************

 

[يابختي]

شنو اللي غيرك عني..
مو قلت لك لا تصير ضدي...
طاوع عقلي..
لا تستغفلني...ياقلبي..
مابي اسمع كلامك..كلامك كاذب...خدعتني...ليت ما طاوعتك..ليتني مشيت بامر عقلي..مو بامرك ..يا قلبي

 

[يابختي]

انت شاعر؟؟
انت من دون مشاعر..
كيف يكون شاعر من هو اعمى البصر...
لن يراني..
لن يشعر بدفيء وحناني...
فالبصر ليس النظر..
البصر هو قلب يشعر..هو دفء يحتضن...
وانت...لست شاعر

 

[يابختي]

تدري ليش كنت ساكتة بحضورك..
لان قلبي شاغلي في حضرة وجودك..
كنت احسب قلبك يسمع همساتي..دقاتي ونبضاتي
اكتشفت انك ماتحس الا باحساسك..واحساسي..كان بالنسبة لك..خالي

كنت تقول انت جافة..انت من غير مشاعر..كان ودي قلبي بمكان قلبك..عشان تعرف كيف يكون الحب خالد

 

[أحلى البنات]

ماشاءالله رووعه متابعتج

 

[يابختي]

ماشاءالله رووعه متابعتج

ومتابعتج..احلى المتابعات:33_1185028183:

 

[يابختي]

تذكر...
"والله احبك....بس شلون ارضيك"
شلون ارضي من حبه قلبي وعقلي..وشكثر كنت اغليك

********************************************
حسبت لما اكتب شعوري..بيخف شوقي ويخف احساسي....ما هقيت كل كلمة بتهيج مشاعري..
ليتني ما كتبت شي

********************************************************************
كم بكيت, وكم ندمت، وكم مرة نويت...اصالحك لكن باخر لحظة ترويت..

 

[يابختي]

تذكر ..اخر مرة شفتك
والسلام كان بارد لي منك
تعجبت..وقلبي حس وسكت..قلت لك اشفيك.........جوابك ماكو شي
فعلا ماكو شي...
ماكو شي..لان عذابي عندك ماهو شي

 

[يابختي]

هالسنة راح تنتهي..وتبتدي سنة جديدة
هالسنة كنت ملكي وانا ملكك..وانتهينا..... نهاية حزينة
بالذمة تنام؟؟؟
بالك مرتاح؟؟؟
يقولون الظالم ما ينام،،، انت ظالمني ...انت حاس؟؟؟
تدري..كل ليلة افرش سيادتي وادعي ربي يسخر لي كل قاسي..وانت قاسي
وربي عليك قادر وعارف

 

[lolipops]

ماشاء الله عليج فضفضتج على العين والراس

كملي حبيبتي متابعتج

 

[يابختي]

ماشاء الله عليج فضفضتج على العين والراس

كملي حبيبتي متابعتج

اتشرفت بمتابعتج حبيبتي...مشكورة وايد على التشجيع والمتابعة

 

[يابختي]

يسألوني شاللي صار؟؟
كنت خايفة اعطي حب ومشاعر وعقبه يصير فراق..وهذا اللي صار

 

[يابختي]

غريب امرك يا انسان....
كنت اقول،،
مافي ما حب..ما في غرام،،،
ما في أحد بقلبه مكان،، لانسان،،
لما يحبه،، يتنازل،،،
ولما يجرحه،، يسامح،،

هذا وهم،، هذا خيال،،،
لأ..هذا غلط..هذا خطاي....
اني حبيت بمشاعر...وبقلب صادق،،،
اني هويت انسان مو كامل،،،،
من غير مشاعر،،ويقول انه شاعر،،،
ما أبي اجرح،، كافي جرحي،،،
ما أبي اظلم،،،واقول اللي بقلبي...

 

[يابختي]

اتذكر فرحة هلي فيني
واتذكر فرحتي بنفسي ولهفتي عليك
واتذكر مزاجك يوم راضي ويوم ما ترضى علي
شاللي خلاني ابيك..شاللي علقني فيك
ساعات احسد نفسي وصبري على ما فيني
واحسد قلبي على وسعه وطيبته وحبه لك
ياليت قلبي يحبني مثل ما يغليك
كان نسيتك ولا همني ..
لكن قلبي مو بيدي..بيديك

 

[يابختي]

تذكر لما سألتك..اشمعنى انا
سألتني بعدها انت..اشمعنى انا
انت اول واحد خليت قلبي ينبض بغرامه
يا حسافة
قلبي نبض بس مو بمكانه

 

[يابختي]

ما ادري شنهو السبب...
انا ولا انت ولا الزمن

 

[يابختي]

تدري...
ساعات اخاف اتكلم مع الناس
اخاف اغلط وانادي اسمك...
اخاف من نظرتهم لعيني،،يفضحني دمعي...
ويلوموني ليش احبك...انا مااحبك...
انا اهواك يا جرحي

 

[يابختي]

تدري...
ما حد صدق اني من قبلك كنت من غير ماضي...
وان قلبي قبلك كان خالي...
ما دروا انك كنت مرسوم بخيالي...
واني بعدك صار مجروح حالي....
واني صرت وحدة لها ماضي...
الله يعين حالي

 

[lolipops]

خواطرج حلوة

لانه مبين عليها من وحدة عاشت تجربه اسمحيلي اقول عنها لو اهي مرة فهي حلوة

بليز كملي