مسابقة خبيرة الاعشاب ام خالد الهاجري ... افادة و جوائز قيمة

[غلاي امي وزوجي]

ايه النصيحه لا تنسين الفوليك اسيد والفيتامينات ترى راح تندمين اذا ما اكلتيهم

 

[Grass]

رد : مسابقة خبيرة الاعشاب ام خالد الهاجري ... افادة و جوائز قيمة

الله يهووون عليكم ان شالله

تونس المسابقه .... بس الحمدلله خلفت وخلصت وصاروا طولي هههههه

الله يوفقج خبيره

 

[سُوالفي حلوة]

السلام عليكم ورحمه الله وبركاته
يااااارب افوز انصح الحوامل انهم ياكلون الفولك اسد والمتابعه المستمرة مع الدكتور والتغذيه الصحيه وقد ماتقدرون خلو النفسه زينه وقرائه القران الكريم والاهتمام فنفسكم من جميع النواحي

 

[سُوالفي حلوة]

انا بالتاااااسع

 

[أنا الثريا]

رد : مسابقة خبيرة الاعشاب ام خالد الهاجري ... افادة و جوائز قيمة

اهلين ام خالد
الله يعطيك العافية على المجهود,,,والمسابقة يت بوقتها

وان شاء الله افوز بالمسابقة لان حيل ودي اجرب كورس النفاس عندج واسمع البنات يمدحونه
بس المشكلة مافي مجال اشتري منج
لان ريلي موراضي,,لان عند اهلنا مومنتشر ادوية النفاس ولا يعرفون فيها وااايد يقولي شدعوه هالمبلغ على ادوية..!!موفاهم
وانا قريت لج وايد مواضيع وبعد اسمع من البنات فايدة الادوية ومقتنعة فيهم حيل,,,خصوصا انا بالشهر الثامن
ودي اجرب عشان ابط عين ريلي وبنفس الوقت اقول حق اهلي,,,لان بالكلام ماكو فايدة

المهم نصايحي للحامل,,,اول ماتعرفين بخبر حملج تروحين لمراجعة الدكتورة وخصوصا البكرية..
ايقاف او تقليل الجماع لحين ثبوت الجنين بإذن الله(من تجربة)

اذا ماكان الحمل فيه مضاعفات او حمل ضعيف,,انصح الحامل بالحركة مو القوية لا المشي الخفيف من اول الحمل
لان هالشي يكسبك لياقة,,,ويسهل عليج اخر الشهور تمشين استعداد للولادة

عدم تناول وجبة رئيسة دسمة وكبيرة مثل قبل الحمل,,هالشي راح يسبب لج الغثيان خصوصا اول الاشهر
وعسر الهضم والحاااااااااارج اللي يذبح,,
عشان جذي تقسيم الوجبات الى خمس او سته وجبات في اليوم وتكون خفيفة

شرب الماء ضروري للحامل,,عشان يمنع الجفاف والامساك الناتج عن تناول الفيتامينات والتهاب البول عزكم الله وألام الكلى

وبالاخير معلومة هامة,,,عدم تناول فيتامين الحديد والكالسيوم مع بعض ..!!لازم على الاقل ساعتين بينهم
لان كل واحد فيهم يمنع امتصاص الاخر,,فيصير مامنهم فايدة

وبس.........>>>تعبت

ان شاء الله اكون افدت الحوامل بهالنصايح,,خصوصا اني بجرية وماكنت اعرف اي من هذي النصايح

 

[مغرورة بنت ابوها]

حلووة الفكرة هياا انا اخر شهر بالثامن يعني اسبوع الجاي ادخل التاسع ..الله يهون علينا جميعا ..نصيحه لكل حامل ::

يجب متابعه حملها اول باول بمجرد تعرف انها حامل وان تعمل تحاليل اللازمه لتاكد عدم وجود فقر دم او امراض اخرى بدم ..ويجب اخذ الادويه وخاصة فيتامينات وحبوب الحديد,,كما يجب على الام الحامل اخذ كافه العناصر الغذائية اللازمه لتغطيه احتياجات الجنين واخيراا..تحتاج الأم الحامل إلى النوم 10 ساعات يوميا 2 قيلولة و8 مساء حتى تحصل على كفايتها من الراحة واخرا..ومن أول الشهر التاسع يجب أن تحرص الأم الحامل على المشي ساعة يوميا على الأقل من أجل تسهيل عملية الولادة.وشكرا ...

 

[خبيرة اعشاب]

رد : مسابقة خبيرة الاعشاب ام خالد الهاجري ... افادة و جوائز قيمة

اهلين و سهلين و مرحبا


الله يعطيكم العافية

حبيباتي قلنا بس الي بالثامن و التاسع لان المسابقة باذن الله بتتجدد كل 3 اشهر و كل حوامل كويتيات بتكون لهم فرصة للفوز معنا ان شاء الله

و ايضا عشان الي بالثامن او التاسع بتستلم جائزتها و اتكون ادويتها فرررش و ممكن تستعملهم مباشرة


و سلامتكم

 

[q8 83]

ما يصير انا اعتررررررررررررررض و بقوة بعد

يعني الي مو بالثامن و التاسع مالها نصيب

انا بشارك وانتوا كيفكم


بنات لا تقولون الحامل لازم ما تتحرك و ترتاح ولا زم كله نايمه بالعكس بالحركة بركة وتسهل الولادة حييييل عن تجربة

و الفولك اسد انصحكم فيه من قبل الحمل الي مخططة تحمل لازم تبلش فولك اسد

و الفيتامينات و الكالسيوم من الشهر الثالث لي بعد الولادة ب 6 شهور لان البيبي لما ينولد يسحب الكالسيوم الفيتامينات الي بجسمج و عشان تعوضينهم و تجنبين الهشاشة لازم كورس 6 شهور

جربي و راح تشوفين الفرق و الله عن تجربة


هاااااااااااا ام خلود فزت ؟

 

[meen_ana]

حسافه انا بالسادس كان ودي اشارك

 

[ورديـــه]

خوووش مساااايقة


بس انا خلاص ولدت وخلصت وجربت الكورس مال النفااااس رووووووعه شوي عليه



ونصيحتي للحامل دهني بطنج كل يووووم قبل النوم بزبدة الككاو من تعرفين انج حاااامل لي بعد الولادة حتى وانتي بالنفاس دهني


واقص ايدي اذا طلع فيج خط واحد فبطنج

 

[اطياب طيبه.أم عبدالله]

حسافة توني بالسابع

الله يقوم الجميع بالسلامه

وهم بقول نصيحه

الفيتامينااااااااااااااااات يا جماعه اهم شي

حتي اهم من الاكل بصراحه ولازم تكملون ويا الفيتامينات الين الشهر التاسع

والاهم الألتزام بكلام الدكتوره ان قالت ارتاحي ونامي على ظهرج خلاص ماكو مني مناك علطول سمعا وطاعه

الله يرزق الجميع الذريه الصالحه

 

[ام عفاف الكويت]

رد: رد : مسابقة خبيرة الاعشاب ام خالد الهاجري ... افادة و جوائز قيمة

اهلين و سهلين و مرحبا


الله يعطيكم العافية

حبيباتي قلنا بس الي بالثامن و التاسع لان المسابقة باذن الله بتتجدد كل 3 اشهر و كل حوامل كويتيات بتكون لهم فرصة للفوز معنا ان شاء الله

و ايضا عشان الي بالثامن او التاسع بتستلم جائزتها و اتكون ادويتها فرررش و ممكن تستعملهم مباشرة


و سلامتكم

بس ام خالد حتى لو ماكنا بالاشهر الاخيره يحق لنا نصيحه
بس ننصح وكافي هديتنا ننصح :eh_s(11):

 

[نسمة بحر]

السلام وناسه النتيجه قبل ولادتي بيوم ان شالله راح اولد / المهم نصيحتي حق كل حامل كثرو مااااااااي لاتصيرون نفسي بعدين يصير فيكم جفاف ومنها تفتكون من الالتهابات واهم شي الفيتامينات لاتنسونها

 

[الشمـــوووخ]

انا حامل بالخامس ننطر المسابقه الجايه بالتوفيق



اللهم اعني على ذكرك وشكرك وحسن عبادتك

 

[?Me]

رد : مسابقة خبيرة الاعشاب ام خالد الهاجري ... افادة و جوائز قيمة

جزاج الله الف خير علي هالمسابقه يا ام خالد

يت بوقتها امي امس تقولي ان في وحده يمدحونها ينقال لها ام خالد الهاجري
طلبي منها لاني ما اعرف شي بالنفاس

قعدت اضحك قلت لها والله اني قايله بطلب منها انشالله

فياريت اشترك بالمسابقه

نصيحتي قبل الولاده :


اول شي تهتم بالتغذيه الصحيه المناسبه و مو علي ابو انها حامل تاكل 24 ساعه وتمتن
لانها راح تتاذى بالوزن الزايد بعد الولاده واشلون تنزله وانقلل من الفاست فود لانها تمتن بدون فوائد صحيه وهذا كلام الدكتور

وتقلل من شرب البيبسي وغيره وتكثر من الماااي

وماننسى النظافه الشخصيه ودهن الصدر والبطن عشان مايتشققون خاصه الصدر حق الرضاعه

انا فيني خمول بالغده فانصح كل وحده تعاني من الغده لااااااااا تنسى تاخذ الدوا لان ضروري ضروري ضروري
طبعا مع الادويه اللي يعطيج اياها دكتورج مثل الكالسيوم والبرجنابلان وما ننسى مراجعه الدكتور

وفي الاشهر الاخيره حاولي ترفعين ريلج لانها تنتفخ ومرات يصير فيها زلال ولا توقفين وايد عشان الدوالي

واخيرا تجهيز اعراض البيبي والنفاس وعشان لاتنسين سجليهم بورقه


اما بعد الولاده :


بما اني بكريه فاتوقع ان عادي احس بخوف اشوي يعني ضيف يديد اشلون بتعامل معاه وخاصه انه صغير وطري

الاهتمااااام بالتغذيه وخاصه ادويه النفاس والدكتور والمراجعات
لاتنسين تلبسين كورسيه او اي شي ثاني يشد البطن بعد الولاده
نعتني بنفسنا وبالنظافتنا عشان نرجع عرااايس
وادفي نفسها عشان لا يدخلها هواا - وتبتعد عن البيبسي والمشروبات الغازيه


انشالله البنات يستفيدون

والتوفيق حق كل الكروشاات

 

[H.A.K.W]

انا بعد ٤ ايام ادش الثامن ،
يصير اشارك؟!!!

عالعموم نصيحتي للحامل انها تهتم بعلاج الالتهابات سوا التهاب بول او غيره
وتلتزم بكورس الادويه والمضادات الحيويه اللي يعطيها الدكتور ، لان الالتهابات تفتح سدادة الرحم وتأدي لولاده مبكره او اجهاض
و سلامتكم

 

[مناوووي]

بالتوووووووفيق

 

[ام اميره]

رد : مسابقة خبيرة الاعشاب ام خالد الهاجري ... افادة و جوائز قيمة

اولا مشكووووووووووووووره يام خالد على المساابقه الحلوووه
بس انا ماحالفني الحظ توني بالخاامس وانشاءالله ايلنا الدووووووووووووور

حبيت انصح الحامل
يجب على الحامل انها تاخذ حبوب الفوليك اسد وتستمر عليها اول 3 اشهر وبعدها تاخذ الفيتامينات والكالسيوم وتستمر عليها لاخر الحمل
مع الاهتمام بالاتغذيه من الاكل الخضروات والبروتينات والفواكه
وعمل التحاليل اللزمه لتجنب اي مشكله فيما بعد
والحرص على المراجعات عند الطبيبه لكي يتم التاكد من سلامه الجنين والام لحين الولاده

والنصيحه لبعد الولاده
الحرص على الاتغذيه الام لكي تعوض مافقدت ولكي تستمر الرضاعه والحرص على استمرار باخذ الفيتامينات لمده لاتقل عن 3 اشهر
والحرص على النظافه الشخصيه للجرح سواء جرح الولاده الطبيعيه او القيصريه لكي لايلتهب الجرح
واخذ الادوويه النفااااس وعدم الاهمال لكي يرد الرحم وتشد الاربطه الرحم
ولكي تردين عروووووووووووس لزوجك انشاءالله
وهذي نصيحتي كتبتها من مخي لووووووووووووووووووووول على امل افووووز بعد 3 اشهرر
والله يقومنا كلنا بالسلامه ويتمم علينا بالخير والصحه والعااااااااااااااااافيه يياااااااااااااااااااااااااااارب

 

[ام طلال]

رد : مسابقة خبيرة الاعشاب ام خالد الهاجري ... افادة و جوائز قيمة

بالتوفيق للجميع
حبيباتي الردود التي لاتحمل نصيحه لن تدخل السحب وايضا الردود مثل مشكوره-موفقه

 

[داناو]

انا مافهمت شنو المسابقه الحين.!!!!!!!!!!!