مسابقة الصيف الكبرى ▓███► ترقبونا رشيقات ▓███►تم الاقفال وترقبوا النتيجة بعد ايام

[عهود الحب]

السلام عليكم



انا مواصله معاكم للحين



وطبعا اول شي نزلت كيلوين وعقب رديتهم وفوقهم كيلو دعايه هههههههههه


انحبببببطت حدي وانقهرت والمدارس قربت ونبي نكشخ ونلبس شلون


مالنا وجه نداوم اذا زايدين والجنوب تتمايل



قررت اروح لـ محمد ربيع واتابع مع ريجيم



حاليا وزنت




لقيت روحي نازلة كيلوين او اكثر مو متأكدة بصراحة



لما اراجع الطبيب الاثنين ببلغكم بالنتيجة



عساني مااتفشل



لانه ميزاني حبوب وميزانه اقشر

 

[ماريمار]

مبرووووووووووووك حق كل النازلين والغنادير ميخالف كيلوا مارده بينزل ان شاء الله

وجاب بعد عمري انتي وعليج بالعافيه البرد

ماي هارت فديتج وانا مشتاقتلج اكثر

سوري بنات غبت يومين واحس سنه

انا شويه مخربطه واسفه ع التاخير

انا +1

وتحياتي للكل

 

[سمسميه]

بنات صورت لكم عشاي

اشوه من يوم اخربط واكل االكنافه ماكليت شي وراها
والحين بتعشى!
ان شاءالله ما اكل شي بالسهره!!
ادعوا لي

 

[ماريمار]

سمسميه عليج بالعافيه وحده يشوووووووووووووق عشاج

وان شاء الله ربي يعطيج القوه والارداه وماتخربطين

 

[سمسميه]

الله يسمع منج مرموره

 

[Q-ANIME]

ممكن اقترح عليكم اقتراح ممكن اتعيدون المسابقه بداية رمضان لاني انا مالحقت عليكم في المسابقه وانا توني داشه ما صالي الا اسبوعين والمسابقه شكلها صراح مشجع لان انا تعبانه من جسمي صج وجربت كل الطرق الرجيم حتى ابر تذويب شحم قزيت وما فاد يمكن طريقتكم اتخليني اتشجع ان يكون عندي اراده

 

[Q-ANIME]

اشرايكم على سالفة رمضان

 

[الطموحه]

السلالالالالالالالالالالام عليكم
مبرووووووووووووك للنازليييييييييييييييين والله يعين الزايدين
ويساعدنا على النزول بالصحة والعافية


الرسامة
آسفة على التاخير بس وزني مثل ما هو كيلوووو يا صاعد يانازل بس الحمد لله وقف على كيلووو


Mannena Mannana
الله يهديها امج ما انتبهت :eh_s(1): الله يسامحها
بس الحمدلله انها انتبهت في البيت..اظاهر كنتي لابسه ملابس وسيعه فما دققت بالمطار ,,,,, على العموم الحمدلله على سلامة الوالدة ,,, ووصلي سلامي لها وللجميع


سمسمية
حياتي ما تشوفين شر ان شالله ,,, شفيج؟؟؟
وانا عن رايي لالالالالالازم تروحين لموعدج ,,, يمكن يغير نظامج وتضعفين
والله يوفقج ان شالله:eh_s(17):


GAP
الف الصلاة والسلام عليك يا حبيب الله محمد
كلووووووووووووووولوووووووووووووش
شرايج بالزفة!!!!!!! الله يوفق اخوج وعروسته ويرزقهم بالذريه الصالحة
وعااااااااااد هااااااااااااااه شدي حيلج علشان تتغيرين عليهم وتصيرين سمبتيك بعرس اخوج
:eh_s(15):


Q-ANIME
حياااااااااج الله معانا بس صعب الرجيم في رمضاااااان
الله يعينااااااااااا:eh_s(6):

 

[ماريمار]

صباحكم الخير

بما انه صارلي يومين اللي اهوا الجمعه والسبت لاعبه بيدي وريولي ماصورت يومياتي وهم انشغلت فماقدرت ادش المنتدى

فاليوم التزاااااااااااام تام لانه هم وانا اخربط متظايقه يعني مو مرتاحه

ف إن شاء الله بيكون التزام تام

على الريج لتر ماي 4 الى 5 قلاصات وشربت جاي اخضر

ريوقي بيكون فراوله + حليب خالي الدسم

غداي بيكون بيض مسلوق ويا شابوره او لبنه+ سلطه + روب واذا مابي بيض او لبنه اكنسل الشابوره واكل 2 هومبرغر مشوي او الايدام الموجود او تونه


والعشا الله اعلم

 

[GAP]

صباااااااح الخير

شلونكم وشخباركم

طموحه مشكوووره يا رب تسلمين والفال لج اذا مو متزوجه واذا متزوجه نفرح بعيالج ان شاء الله.... عاد على الحظ من خطب اخوي وانا وزني ثاااااااااابت...ما جنه وزن جنه شريجتي ههههههههه


سمسومه ... عليج بالعافيه يا قلبي
مرمر يا مرمر الله يعطيج العافيه ان شاء الله

غندوره وينج؟؟؟

بنات الحمدالله انا اليوم صايمه بعد... وشحلوة الصيام خفيف تبارك الله
امس تفطرت شوربه وسمبوسه مشويه وسلطه وطبعا تمر ولبن
واليوم مخططه فطوري على شوربه وصينيه همبرغر بالفرن

طبعا وزني ثابت نسيت اكتبه اول امس>>> افففففففف

 

[رشروشة]

صباح الخييييييييييير ...شلونكم بنات ,,, انا زايدة كيلو ونص يافرحة ماتمت ماصدقت اشوف الخمسين رديت للستينات مرة ثانية ,, بصراحة الاجازة خربتنا

 

[ماريمار]

جاب الله يعافيج ياقلبي وصيام مقبول يارب وذنب مغفور تقبل الله منج

وعليج بالعافيه انا حالفه شكله وزني مستانس على 77 كل ماوصلت 76 رد 77 واي كرهت رقم 7

 

[ماريمار]

رشروشه ميخالف ياقلبي ان شاء الله تعوضين

 

[سمسميه]

اشلونكم بنات؟
اجلت موعدي مع الدكتور مالي ويه اروح اليوم
خل ينقص وزني لو كيلو واحد بعدين اروح له

 

[GAP]

اليوم خربطت اهيء اهيء اهيء

هم صايمه وهم اخربط
اكلت سلطه وشوربه وسمبوسه مقليه

سمسومه... زين تسوين...

مرمر ...تسليمييييين يا قلبي والله

 

[MY_HART]

احم احم

زايده كيلوووو

لا حول ولا قوة الا بالله

 

[كويتية أصيلة]

بااااااااااااااااااااك

وبقوه بعد ههههههههههههههه

شلووونكم شخبااااركم

ادري طولت عليكم بس صار عندي وايد شغل وسافرت مرتين واخترب النظام

لكن الحمدلله قدرت امسك زمااام الاموووور لوووووول

انا ليلحين ضعفاانه 5 كيلوو باركوووولي

لكن وزني صارله اسبوووووووع واقف مو راضي يتلحلح ولا قرام

...............

ما فقدتوووني؟؟؟؟

 

[ماريمار]

سمسميه شيشتيني على اني أأجل موعدي ويا ميري حديمالي ويهه تصوري زايده كيلوا واهيا معطيتني سبوعين وقالت لي اقل شي 3 الى 4 كيلوا وانا زايده شكلي بأجل موعدي

جاب تقبل الله وشلون الصيام ان شاء الله خفيف؟؟ وعليج بالعافيه ميخالف لازم نخربط بس مسكي روحج


ماي هارت مومشكله ولاتظيقين خلقج الحال من بعضه موعضه ان شاء الله

كويتيه اصيله اول شي الحمدلله على السلامه وصاير انته سنديباد كلها ايامك سفر هههههههههه ومبروك النزول والوزن الثابت ميخالف بيرد ينزل احسن من الزياده ووين صوغتي؟؟؟؟؟؟؟؟

 

[سمسميه]

ماريمار
يا حليلها ميري ليلحين على سوالفها؟هههه
سوي سلاطه حطي طوماطم مع مورتاديلا مع كاس!!
لوووووووول
بس والله زينه انا عقب ولادتي ببنتي البجر ضعفتني 8 كيلو بشهر ونص
بس اخر ي تهاوشت وياها!

 

[عهود الحب]

ها بنات شالاخبار



باجر موعدي مع طبيبي ربيع



الله يستر




ميته خوف ههههههههههههههه