مسؤليات ولا اناام ومطلوب مني اقوم بكل شي ؟؟

[ام بس بس 2010]

حبيبتي جيبي خدامه تساعدج واذا ظروفج ماتساعدج البيبي اذا سبحتيه ينام 5ساعات اواكثر واللي لاحظته انج معوده ولدج عالحظن مدام البيبي حفاظته نظيفه وماخذحليبه مافيه الا العافيه يبجي شوي ويسكت او يمكن فيه غازات نوميه شوي على بطنه وبنتج كبيره اذا رضعتيه وبدلتيه خلي اخته تقعد عنده

:eh_s(15)::eh_s(15):معاها

 

[يااسمينه]

الف شكر للجميع دوون استشناء ماقصرتوا الله يعطيكم الف عافيه .
كل الي قلتوه بخصوص البيبي اسويه ..اخليه ٥ساعات واكثر ماينااام اوقات مني اخليه ماينام واوقات هو الي موااصل ..اسبحه واعطيه نقط عن الغازات وارضعه صناعي عشان يشبع اكثر ومع ذالك مااايواصل حتى ساعتين الا هو جالس واوقات بس يرضع واحطه في سريره الا جالس ..حاولت اعوده على اللهايه مايبيها ..بالنسبه لزوجي هو بكبره تعباان من العمل غير عمله عنده مشاريع يقوم فيها وبنيان حوووسه من كذا وقت الي يجي عشان يتغذا احب يكون اكله جاهز يكسر خاطري وبناتي بعد افضل اطبخ لهم في الغذا واوقات كثيره العشا خفايف مو مشكله .. بالنسبه اني احاول اجامله يااريت ولو اني اوقات اجامله لكن كثيير من الاوقات اكون تعبااانه مالي نفس على الشي وش رايكم اني للان مانمت غير ساعتين .. واول البارحه مانمت شي من وبن اجيب الطاقه ؟؟حتى بنتي مسكينه معوره قلبي ماذاكر لها مثل قبل حتى مستواها نزل ..ان شااء الله فتره وتعدي ولا تطول ..*

 

[Patcholli]

حبيبتي اشدعوه الحين ريلج لي طلب منج ترى كلها 10 دقايق ..!! ماتوقع انها بتغير شي بجدولج ..

وفعلا تحتاجين خدامه تساعدج بامور البيت عشان تتفرغين للاولاد عدل ولزوجج وتخلين شغل البيت عليها ..

هاذا الحل يالغاليه وبالنسبه لعيالج اذا كبار ويفهمون مافي باس انج تخلين ولدج عندهم

 

[جوري 2007]

عطيه ماي غريب يريحه وييبي خدامة

 

[بيلسسان]

يمكن ولدج فيه شي
وديه لدكتور يفحصه
مو معقوله ماينام ساعتين على بعضهم ..
وزوجج لاتقرين بحقه الشرعي

 

[' جـويـريـہ ..❤]

أنا ولدي كان جذي و بعدين شريت نقط اسمها [ gas ] من الصيدليه تحطين عشر نقاط برضعته قبل تنامين بساعه عشان ياخذ مفعوله و هي اعشاب تهدي بس صجججج تنوووووم ولدي كنت ابدل له الصبح وهو نايم مو حاس فيني حدها عجييييبه و بعد جم يوم قطعتها لقيته تعود ينام بنفس الساعه اللي كنت اعطيه فيها النقاط ..

جربيها ترا نفعت مع ولدي حييييل ..!

 

[خالتي قموش]

عودتيه ع الشيل
خليه يمج بكرسي وحطيله العاب مالات اليهال
وخلي بنتج يمه تحرسه
وانتي نامي او خلصي شغلج
واليانسون يهدي ترا
سويله ينسون او حطي على فراش خليه يتقلب لين يتعب وينام بروحه
مو كله شايلته
وبنتج مو ياهل عوديه على شغل البيت وانها تساعدج
او جيبو خدامه

اما ريلج لازم تعطينه حقوقه لا يلقاها حجه بعد
خو ما يقصرون

موفقه

 

[BubbLe87]

الله يعينج حبيبتي كثري استغفار مع كل صلاة امية مرة و الله بيسر امورج ان شا له

 

[رانس]

حبيبتي الله يعينج انا بنتي مثل ولدج بالضبط بس انا على الاقل عندي خدامات يساعدوني مالج غير تجيبين لج خدامه

 

[هيبة ملك]

الله يعين قلبج والله حاسة فيج

 

[om-3azo-83z]

لا تصارحينه ولا شي ماراح يقولج خلاص مابي صعبه صدقيني بيدور بره حاولي تنظمين وقتج و انشالله تنحل امورج