مسألة حياة وممات:منو استخدمت روكتان و اكتشفت انها حامل؟

[هداااويــ]

لا اله الا الله

 

[أمورته]

يارب يطمن قلبج ي عمري

 

[glby7sas]

خداويي اش

صار عليج سويتي التحاليل

 

[لوولوو_88]

طمنينا عليج هداوي .. شصار عليج

 

[هداااويــ]

مشكورين بنات على ردودكم


و لولو و قلبي حساس مشكورين على اهتمامكم


اللي صار معاي انتي رحت حق وايد دكاتره و كل واحد يقول شي

بس ماجد الشمري قال حاليا ماراح يبين اي شي لازم اروح له بالاسبوع ال 12 و يسويلي سونار و تحليل دم و قال نسبة ان يتأثر الجنين و التشوه ممكن توصل الى 30%

و خالده مجيبل مواعيدها شوي بعيده


لان ماجد الشمري و خالده مجيبل اهمه الوحيدين اللي تخصصهم تشوهات اجنه بالكويت


يارب انه يحفظ جنيني و الله يا بنات لا ليلي ليل و لا نهاري نهار


اللي ربي كاتبه بيصير و الحمدلله على كل حال



اللي عندها تجربه او تعرف اي شي عن هالموضوع يا ريت تفيدني

 

[camilia]

الدااء ثم الدعاء ثم الدعاء
ربج أراد تحملين وأكيد فيه حكمة سواء نزل الجنين او ثبت هذا اختبار لج فالجئي حق ربج بالدعاء وطلبي منه الرحمة ومايقصر رب العالمين

تركي عنج الدكاترة واذا عرفتي فيه تشوه بتطيحينه يعني؟ حرام

 

[# غنوجة بيبي #]

اللي حطه فبطنج قادر على حفظه

وكلي امرج لربج

كل اللي من الله خير و الحمدلله

خالتي سوت اشعه و اكتشفت انها حامل بالثالث و قالولها نزليه

بنتها مافيها الا العافيه

دام ما نزل دم البيبي سليم باذن الله

و اللي كاتبه ربج بيصير و احنا بشر ما نقدر نرد القضاء و القدر

توكلي على الله و ان شاء الله ربج اللي خلق كل هالناس بيحفظه

 

[taioba]

عليج بالدعاء و صلاة القيام
انا اعرف وحده تصيرلي جذيه قبل عرسها كلت الحبوب وحملت اول شهر وجابت ولد اسم الله عليه ما فيه شي حبيبتي شوفي ادعي الله سبحانه والله كريم

 

[لوولوو_88]

يا رب يرزقج الطفل السليم المعافى يا رب انه قادر على كل شيء

يا رب احفظ جنين هداوي من كل مرض و تشويه يا رب انك قادر على كل شيء

و هم طمنينا لا عرفتي عفيا بالي معاج

 

[انتيكا]

الله يطمن بالج ويحفظج ويحفظ جنينج من التشوهات ادعي الله واستغفري الاستغفار مفعوله عجيب وطمنينا عليج وشصار معاج

 

[elzain^kella]

الدعااااء وفي الأسابيع الأولى يكون الجنين مجرد خلايا والخلايا ما تتشوه .. إذا فيها خلل راح ينزل دم ويبطل الحمل هذا اللي أنا أعرفه ،، وإخذي موعد عند خالده المجيبل وعسى الله يكتب لج إللي فيه الخير والصالح

 

[غسق الليل*_*]

حبيبتي شصار معاج طمنينا؟

 

[لوولوو_88]

هداوي شصار عليج طمنينا عفيا

 

[glby7sas]

حبيبتي هداوي الله يحفظلج جنينج ياارب ويقر عينج بشوفته سالم معافى يارب العالمين

 

[أشبـاهـ المطـر]

ان شاء الله بإذن الله يكون سليم معافى ثقي بالله
وفوضي امرج له واعلمي ان الامه لو اجتمعوا على ان يضروك
بشيء لن يضروك الا بشيء قد كتبه الله لكِ

 

[noo7a]

حبيبتي اقري هالموضوع

نقلته لج من منتدى ثاني


عزيزتي سأحكي لك قصتي كاملة والله انها حقيقية وليست من نسج الخيال... انا حملت بأبني وكنت أخذ علاج قوي اللي هو (روكتان او روكاتون)المهم مضاد لعلاج حب الشباب والعلاج هذا مكتوب عليه ممنوع الحمل ويسبب تشوهاتالمهم حملت وانا اخذ هذا العلاج ... كلمت الدكتور اللي اعطاني العلاج قالي اجهضي 100% مشوه ... المهم مارديت على كلامه ولا قلت للمستشفى شي ابدا الى ان وصلت للشهر الثالث ولما اخذوا السونار قالوا ابنك مشوه الرأس كبييييير والعمود الفقري مافيه فقرات ونوموني بالمستشفى وقالوا لازم ناخذ تحليل من زوجك نشوف سبب التشوه ماقلت لهم اني ماخذه مضاد المهم دخل الشهر الخامس وانا عندهم قالوا ترى الطفل ماله اطراف لازم الاجهاض ماسمعت كلامهم اتجهت الى ربي دعاء وصلاة واستغفار وصدقة ووالله اني كنت احس بداخلي ان جنيني سليم ومافيه شئ المهم قال زوجي خلينا نروح للرياض نشوف وش يقولون رحت وقالوا نفس الكلام رجعت لديرتي واملي بالله كبير دخلت السابع قالوا ترى الكلى مشوهه وخلاص اول التاسع بنعطيك طلق صناعي وبيموت بعد الولادة مباشرة زدت تعلق بربي وكنت ادعي واصلي وانا بالمستشفى وبعد الصلاة والدعاء احس براحة كبيرة ,,, ماجهزت لصغيري ولاجهزت لنفسي وانا بكريه المهم دخل التاسع وفي اول يوم من التاسع اعطوني طلق صناعي جلست اتألم من الطلق يوم كامل وولدت وانا دموعي على خدي يارب عوضني خير عن هذا التعب اخذوا الطفل مباشرة من عندي ونزلوني للترقيد شوي وجايبين لي طفل قلت من هذا قالوا هذا ولد انتي قعدت اصرخ يارب لك الحمد مافيه شئ قالوا لا سليم 100% الحمد لله واتصل على زوجي رح اشتر للطفل ملابس ولدي عندي مو مشوه مافيه شئ بسرعة جب لابس لايبرد لأنهم كانوا لافينة بشرشف خفيف قالت السستر وين ملابس قلت انتم قلتوا بيموت ماجبت شئ انتم قلتوا بيموت قالت حرمه بجنبي هم قالوا بيموت بس ربي وربك ماقال بيموت ... الحمد لله اني ما اجهضت واللحين ولدي اسم الله عليه بثاني ابتدائي ومافيه الا العافية الحمد لله ...
نصحيتي عليك بالصدقة والاستغفار وخلي ثقتك بالله قوية والله يقر عينك بشوفته سليم معافى...

 

[noo7a]

و بقولج قصه ثانيه صارت حق صديق اخوي
متزوج من سنين و الله ما رزقه عيال
و سوا علاجات وايد اهو و زوجته
ليما الله رزقهم طبعا اهو كانو علاج بالخارج و حاله زوجته صعبه فكانو لازم يضلون بره ليما تولد المره

بالسونار اكتشفو ان البيبي مشوه لا عنده عين ولا خشم ولا حلج
طبعا بره على طول اول شي يقلولونه نطيح البيبي نعطي الام ابره و ينزل الياهل

الابو رفض قال انا بعد هالسنين الله رزقني بهالضنا و مستحيل اتخلى او افرط فيه
و هذي حكمه ربي و قضاءه و انا راضي فيه

يوم ولدت ولا المفاجاه مشالله لا اله الا الله البنت قمر ايه من الجمال مافيها ولا شي كامله سليمه
الي كان حاصل ان شعرها مشالله كان كثييف من اهي و بطن امها و طويل فنازل لي الوجهه و مغطيه و بالسونار مو مبين هالشي بسبه شعرها

فانتي تسلحي بالدعاء و الاذكار و الله يرزقج بالضنا المتعافي يارب و ماكو الا العافيه انشالله