مرهم Contractubex لآثار الحبوب والحفر ، شتعرفون عنه !

[G0theka]

قوه بنات
حبيت اسألكم عن مرهم Contractubex® ،
اهو يستخدم لآثار الحبوب و الحفر و البقع الداكنه ..

انا استخدمته لمدة شهرين لي ثلاث شهور بس بفتره متقطعه ،
حسيت انه ينعم البشره و يصفي شوي و مادري مو متأكده بالنسبه للحفر
لاني ساعات احس انه خفف منها شوي و ساعات اتحبط .. !

شنو تجاربكم معاه ، شفتو نتيجه ؟ و تنصحون فيه ؟؟

 

[jana-nana]

قوه بناتات عسلات حبايب قلبي .............

بقولكم شصاار باختي برمضان .. بناتات ذاك اليوم واحنا نكرف بالمطبخ ( تعرفون بعد شغل المطبخ برمضان)

المهم اختي سكرت النار وشالت الجدر اللي سالقه فيه المعكرونه وبتقلبه بالمشخال ولا ينقلب منها ويطييييييح

الماااااااااااي المغلي على فخذها وانا اسمع ذييييييييج الصرخه واشوف الخدامه تسحب بجامة اختي عن فخذها

لأنها لزقت عليها ............. ويطري على بالي مرهم شريته للآثار وقريت بوصفته انه للحروق والآثار واركض

سييييييييييييييييييييييييده على داري واييبه واسحب اختي الدار وافصخها البنطلون ومااااااله داعي اشرحلكم المنظر

(بقعه حمممممممممممره من اول الفخذ لي الركبه ) وتعرفون الماي المغلي شيسوي بالجلد وربي تقطططع القلب ,

وقلت بقلبي اختي تشوهت .واعصر يابنااات من هالمرهم واغطي المنطقه كلها يعني خليته مثل الماسك واغطيه بقطن

والزقه .. واخليها تريح وارجع للكراف .............

5 دقايق وتدخل علي وتقولي احساسي بعوار الحرق خف حييييييل .. وقلت الحمدلله انشالله تطيبين ومن داخلي

متأكده ان جسمها تشوه بس ارفع معنوياتها .

خليت الكماده ساعتين وبعدين بطلتها عشان ارد احطلها من المرهم ...وانصعقت @@ والله العظيم والله العظيم

والله والله والله البقعه صايره كبر الاصبع وفاااتحه ..شلوووووووووووووووووووووون!! مااااي حااااااار مغلي

توه مشيول من النااار يابنااااات انصعققققققت.......... وحطيتلها مره ثانيه وبس نسينا الموضوع .

ثاني يوم اسألها عن ريلها جان تضحك وترفع ملابسها وتراويني @@ سبحاااااان الله ولا جنه كان فيه اثر من الاسااااااس

واللي خلقني يابناتات جنه الموضوع كله كان جذب ههههههههههه ومن يومها ماطلعنا هالمرهم من المطبخ وصار

عندنا اهم من الجدر والملاس .. وطبعا مايخلى رمضان من حروق الدهن والقلي والماي وكل ماحترقنا بيدنا من الدهن

حطينا عالحرقه وكملنا شغل .. ودقايق وتروح هههههههههههههه ترى اضحك من الصدمه .. انا للحين مو مصدقه

وقمت اسويله دعايه عند كل الناس ...........

ونصيحه نصيحه لله لا يخلا مطبخكم من وجوده وراح تدعولي انا متأكده

اكيد بتعرفون هالمرهم السحري صح؟........................












*********************contractubex*********************

اي يابناتات contractubex اللي سمعتو وقريتوا عنه وايد وعن فايدته للآثار هالمرهم خيااااااالي للحروق
اليديده اول بأول.. وانا للأمانه ماجربته للآثار مع اني شريته لهالسبب بس من صارت هالسالفه وانا ما استغني عنه
بالمطبخ ونسيت موضوع الاثار بصراحه ..
لكن راح اجربه من اليوم ليما العيد حق آثار الحبوب واوافيكم بالنتيجه


لاتحرموني من الدعاء

دوره ولقيت الاخت يعطيها العافيه منزله موضوع

 

[jana-nana]

​

شلونكم بنات شخباركم؟؟
هذى يا محفوظين السلامه ثاني ايام رمضان رحت الصيدليه اشتري حق ماي مذر فيتامينات>>ادعولها يارب اشف رجولها وخليها لنا اهي وابوي وطول عمرهم يارب وامهاتكم وامهات المسلمين..
المهم مو هذا موضوعنا ..
جان اشوف وجه الصيدلانيه صافي يهبل ماشاء الله قتلها ماعندج شي حق الاثار قالت امبلا وعطتني
contractubex​

بس صج صج يا بنات سحر مو دوا شي عجيب..
اخذته وانا مو مقتنعه لأن سعره رخيص 1.800
قلت اجرب ماخليت شي ما جربته ما نفع..رديت البيت وسويت سيرج وقريت الردود عنه وتحمست حيل استخدمه الكل يمدحه
المهم صارلي اسبوع استخدمه شي عجيب خفوا الاثار..
بنسبه 70% هذا من اول اسبوع لاحظوا لو استمر شهر اكيد بختفون​

الاسئله اللي راح تنسئل عنه..
1.شلون طريقه استخدامه؟
تاخذين من الجل وتحطين على المكان المرغوب وتحركين بطريقه دائريه لين تمتصه البشره عقب تخلينه ينشف عقب تحسين بحكه وهذى شي طبيعي لأن الكريم بدى يعطي مفعوله فركي بايدييج لين يروح..
خلوه ساعه هيك..اما اذا كان الاثار والندب قديمين حطي من الكريم عالمكان وحركي عقب حطي ضماد ونامي..
يُستعمل ال contractubex للندوبات الحديثة أو القديمة
وعند وضعه علي الجلد لا يسبب تقشير في الجلد نفسه وإنما طبقة المرهم التي تضعينها تترك طبقة
شفافة مكانها توحي لكي بأن الجلد نفسه هو الذي تقشر.
أما بانسبة للإجمرار والانتفاخ فنادراً ما يحدث علي أن يتم تجنب التعرض للضوء عند وضع المرهم.
لابد أن تستمري في استعماله بطريقة منتظمة ولفترات طويلة حتي يأتي بنتيجة وقد تصل تلك الفترة لأسابيع أو حتي شهور
2.جم مره يستخدم؟
3 الى 4 مرات باليوم
3.في كرتيزون؟
نو
4.هل يصير الحامل واللي ترضع تستخدمه؟
لحد الان ما تتوفر معلومات اذا كان الحامل المرضعه يصير لها او لأ
5.مده الاستخدام واعطاء النتيحه؟
من اسبوع الى شهور لين تشوفين نتيجه مرضيه
6.دواعي الاستعمال؟
الندب والبثور والحروق ​

تجارب:
*تجربه واحد:​

حبيبتي انا قريت عنه من عضوة وااااااااااااااايد مدحته وسرت خذيته من اسبوع وهو صدج يسبب حكه واحمرار لكن البنات يقولون ها شي طبيعي وعادي وسالت الصيدلي كم مرة استعمله قالي 4 مرات بس لاني اداوم استعمله بس مرتين لكن الصراحه من ثالث يوم احس اثار الحبوب خف لونها وهذا شي مشجع ،،، انا بكمل استخدامه لانه بصراحه احسه بييب مفعول انشاء الله ... اتمنى اكون افدتج الغلا

تجربه2:

المهم وانا ادور بالمنتدياااااات لقيت كريييييييييييييييم فضييييييييييييييييييييييييييع فضييييييييييييييييييييييع حق الحفر والآثار والبقع ويقولون يوخر الخطوط البيضا بالجسم...لأ وطبي بعد ...ويوصفونة الأطباء


فقلت ماراح اخسر شي خل أجربه....




والله يابنات وقسمن بالله ..ان صارلي اسبوعين استخدمه مرتين باليوم والله العظيم ان الحفر الي بخدودي خفت بنسبة 50% ....والله عشان اتأكد أقعد تحت لييييييييييت قوي قوي ...والله فرقت على عمري...وأول لمن أووووووقف تحت هاليييييييت يضيق خلقي...بس والله ان خدودي شدت والحفر خفت وانا صارلي بس اسبوووووووووووووعين ...والله يعين إذا كملت أكيد بتختفي..


مـــــــــــــــــــــــــــــــــــــــــــــــــ ـــا شــــــــــــــــــــــــــــــــــــــــــــــاء الـــــــــــــــــلـــــــــــــــــه



اسم الكريم contractubex وسعرة دينارين وشي وصناعته المانية....وأهو مثل الجل لازم اذا حطتيه تدلكين ويهج فيه لين ينشف......وبسرعة ينشف....



والله يابنات بس حبيت أفيدكم مثل مافدتوني بأشياء وااااااااااااااااايد

ومابي منكم الا انكم تدعولي

تجربه3:

الســــــــــــــــــــــــلام ..................السنه الي فاتت مدحته بنت عن التشققات هنا بالمنتدى وكنت حامل وبعدماولدت جبته وجربتها اقولك حبيبتي انا كان عندي تشققات من ولادتي الاولى واستخدمت كريم زين حق التشققات جاب حسنات بس مااخفى التشققات وبعد ولادتي الثانيه قلت يمكن الكريم هذا يفيد وصرت احط كل ليله قبل النوم وهو على شكل جل يشربه البشره بسرعه بعد اسبوع صار يتفتل جلد بطني ويطيح والمنطقه الي تفتلت صارت افتح من الباقي تفائلة كثير وتفتل كل السواد الي على بطني وصارت زبده بعد ماكانت سودا من الحمل يعني يطلع الجلد على شكل صمغ وبس ماشال التشققات بس الصيدلي يقول يشيل اثار العمليات لو لها 10سنوات بس التشققات قال لا..............اتمنى اني فتك حبيبتي بتجربتي........​

تجربه 4:​

امي وابوي جنتي ​

يقولك الصيدلي انه مايفيد مثل ماقالي انا بعد ​

بس ماسمعت كلامه واشتريته​

واستخدمته يوميا مرتين اول ما اقوم اغسل المكان اللي فيه تشققات بالموية والصابون وانشفه زيييييييييين وبعدين اخذ شوي من الجل وادهن المكان بطريقة دائرية مع التدليك لحد ماينشف الجل وبس وهو على طول بتشربه البشره ​

واذا جيت انام غسلت المكان واسوي مثل اللي سويته بالصباح ​

استمري عليه وشوفي الفرق ​

بعد ثلاث اشهر شوفي النتيجه واذا حابه تكملين اكثر من ثلاث اشهر عااااااادي ​

هذا الكلام من تجربتي الشخصيه اللي هبلت بنات خالاتي وخلتهم يشحذوني شحاذه اعطيهم اسم المستحضر اللي خفف التشققات عندي​

​

عموما تراه يخفف التشققات ما يخفيها تماما ​

لانه مافيه شي يخفي التشققات
اذا بغيتي شي عالخاص ياحلو​

تجربه5:​

انا استخدمته نعم وجهي وخلاه مره صافي و آثار حب الشباب القديمه راحت عن وجهي لكن اول يوم استخدمته حرقني في وجهي وبعدين خلاص ادمنت عليه على فكره هو طبيعي 100% من خلاصة البصل وما يسوي شئ ولا له اي اضرار جانبيه لكن نتايجه ماهي سريعه يعني ما تبان النتيجه في اقل من شهر اما آثار الجروح القديمه والعمليات والتشققات يبغالك تستمرين عليه وبتشوفين الفرق بسيط بعد 30 يوم .
تجربه6:
اختي كان فيها اثر حرق لما كان عمرها 8 سنوات
والحين عمرها 20 واستخدمته ما تتصورون شلون خف الحرق بشكل رهيب..​

​

ابيييح تدعيلييي عاد

 

[G0theka]

بعد قلبي والله مشكوره ويعطيج العافيه
و ربي يرزقج كل خير و يعطيج الي فبالج
انا بعد سويت سيرج و شفت وايد بنات يمدحونه
قاعده استعمل الكوناركتيوبس ادعولي تخف الحفر الي بويهي حدي متعقده

 

[شغفني حبآ.~]

يعطييييييييييييييييج العااااااافيه ..

 

[Dr.Nouf]

ومنكم نستفيد ؟!

 

[رحاب]

من زمان اقرا عنه وشكثر كانوا يمدحونه بس كله انساه ذاك اليوم رحت بأشتريه من صيدلية الروضة والا الصيدلانية قالت لي ترى كريم عادي وتقريبا ماله نتيجة اخذي هدذ وتعطيني واحد صغيرون ب30 وشي هونت عن الأثنين وطلعت

الظاهر بأروح آخذه​

 

[ليان كل الحلا]

بنات انا عن تجربه والده بنتي عمليه ووصف لي دكتور بالهادي للاثر قالي استمري عليه من شهرين الى 6 شهور يختفي الاثر فعلا بدى يخف اثر العمليه الله يوفق الجميع

 

[تكفى يا حظ ركز]

هلا حبايبي شلونكم
الصيدلي صرفه لي00 لأن ولدي محترقه إيده من ماي الاندومي الحار إنكب عليه من لقافته الله يهديه
وقالي خلطي معاه كريم نيبو وقعدت إسبوع أخلطهم وأدهن إيده وألفها مرتين باليوم والحمدلله ولا كأنه إحترق

 

[عزتي في عفتي]

يعطيك الف عافيه حبوبه

 

[M3-Nafsk]

ينفع لتصبغات الجلد

 

[جذابه بنت ذيابه]

ينفع للجروح والحروق استخدميه يوميا وشوفي بنفسج

 

[الـ ج ــوري]

انا خذيته لاثر عمليه وللحين ما جربته من تجاربكم تحمست الحين بحط منه

 

[LuLiTa]

صج زين ؟ عاد انا شاريته و قاطته بـ الكبت

 

[سجى مون]

انا جربته ع اساس يشيل التشقاقات انا لاحظت فتحت المنطقه وخفوا بس انا استخدمته شهر ماكملت
بس ناويه ابتدي الكورس من جديد

 

[G0theka]

مشكورين بنات
انا ابيه حق الحفر و الندوب
مو الجروح

 

[فطوم السعوديه]

انا فيني بساقي كم جرح من الحساسيه ومزهقيني صراحه

تتوقعون ينفع لي ؟


لانه صار اثر اغمق من لوني

 

[7elwa&3soola]

بنات انا رجلي من كثر ماحطها عالدفايه بالشتا من شدةالبرد تصير فيها بقع حروق وتظل البقع والحروق موجوده من سنين
شلون اقدر اشيلها ؟؟؟​

 

[حبيبه شمسي]

عارفين بنات هالكريم الوحيد اللي استخدمتو هوا والخلطه الصابونيه قبل فرحي كنت بحط الكريم مرتين باليوم طبعا ما بتعرض للشمس وبحط ع ركبتي خلاها مرايه ولون واحد كنت بدهنو عادي بس لما كنت بعمل حمام مغربي وسنفر ركبتي انصدمت ما في سواد جلد اسود داب سبحان الله والكريم رخيص ب 27 درهم اكيد برجعلو بعد ما اولد ادعووووووولي الله يقومني بالسلامه ونتيجه سريعه ودائمه يعني ما بيرجع سواد