مركز "Physiomins " للتنحيف اللي بالجابرية .. لازم اقولكم سالفتي ...!

[noty]

أكوان : الحمدالله انه ماخترب وايد .. الرياضه احسن شي بس يبيله باال
موفقه ديير

Jumana حبيبتي الحمدالله انه والمج .. اصير ديير انه يكون اوكي مع ناس و ناس مايمشي معاهم .. وناسه انج اتحسين بالفرق

 

[malgoofah]

اشلونكم بنات واي حبطتوني عاد انا توني مشتركه قبل 10 ايام اخذت جلسه قبل عشر ايام و سافرت واليوم اخذت الجلسه الثانيه و الله يستر عاد انا اخذت 25 جلسه و ابي شد اكثر من تخسيس اهيا قالتلي ان نسبة الفات عندي زينه ماكو فات بس يبيلي شد و ما يندرا يشد جسمي والا لا راح اقولكم عن النتايج اول بأول انشالله

 

[noty]

لا تتحبطين انشا الله خيير .. يمكن افيدج ما تدريين و انشا الله اكون نفس اللي ابالج ديير

 

[**Jumana**]

نوتي حياتي مشكورة على دعائج.. وكلامج صحيح مو كل ناس تنفع معاهم الرياضه ولا كل ناس تنفع معاهم الاجهزة...

وكل مكان أو نادي أو حتى صالون له ناس تمدحه وله فئه قليله تذمه...

حياج الله و ان شاء الله اضعف العشرين كيلو اللي في بالي ... هونت مابي 28 ههههههه راضيه بالعشرين <---- مسويه تنزيلات ويا هلا فبراير هههههههه

 

[**Jumana**]

بالتوفيق
بس انا مو متينة بس بطن يوخرونة وبجم

أختي لازم تروحين علشان ياخذون منج نسبة الدهون وتشوف جسمج وتالي الاخصائيه تقرر لج.... موفقه

 

[**Jumana**]

اشلونكم بنات واي حبطتوني عاد انا توني مشتركه قبل 10 ايام اخذت جلسه قبل عشر ايام و سافرت واليوم اخذت الجلسه الثانيه و الله يستر عاد انا اخذت 25 جلسه و ابي شد اكثر من تخسيس اهيا قالتلي ان نسبة الفات عندي زينه ماكو فات بس يبيلي شد و ما يندرا يشد جسمي والا لا راح اقولكم عن النتايج اول بأول انشالله

ملقوفه حياتيأولا : الحمد لله على سلامتج ...<---وين الصوغة ؟ هههههه

ثانيا : أنا صار لي سنه احن والبح منو اشترك و قمت ادلل على منو اشترك وآخرتها انتي مشتركه صار لج 10 ايام وخامره ؟ <---- وانتي شكو ؟؟
صج ودي اتعرف عليكم

ثالثا : <----- بس قصه صارت ترا ! خلصينا اشتبين؟
لا تتحبطين ولا شي بالعكس .. انا قاعده اقولج اني اشتركت وبكمل مرا ثانيه ان الله كتب

اخذيني قدوة لج <----- امحق قدوة ههههههههههههه

ضعفت 9 كيلو مع هيلث كومباني اسبوعين وتالي قمت اسوي الرجيم مالهم اللي عطوني اياه... ونايوه اذا خلصت رجيمهم اروح حق يوسف دشتي ما ادري شنو اسمه بنت خالتي تسوي الرجيم ماله... مشابهه حق رجيم حسين دشتي مال اتكنز بس هذا هيلثي اكثر لأنه ما فيه دهون مثل هذاك... احسن حق صحة القلب

 

[noty]

حبيبتي Jumana تستاهلين كل خيير

اييي اهم شي التنزيلات و الله حلوه القناعه بعدين 20 كيلو او 10 او حتى 5 كيلو نعممممه :eh_s(3):

 

[malgoofah]

جمانه الله يسلمج حبيبتي انا قايله من زمان اني اشتركت وقلت اني خذيت جلسه وقلت خنشوفج
<===== واي صارت قصه هههههههه ايه يوخيتي خامره عشان سافرت و خرتها عدل بالبلعه و اسمالله علي اسرع وحده تمتن. اشهر وانا من دايت كير لي دايت سنتر لي دينا ولينا و كل شهر بس اضعف 3 او 2 لا واخر شي ما قمت اضعف واسمالله علي اب5 ايام زدت 3 كيلو اشرايكم فيني :eh_s(3): ههههههههمن جذيه قلت خل ارد اكمل جلساتي وارد على دايت كير ابركلي اليوم و امس رحت امس حطتلي شي عصرني عصر مادري شنو اول ما شتغل قمت اكركر جني ياهل بس عقب من كثر ما عصرني قمت ازلق لي تحت خفت اطيح من الفراش عاد كنت توني ماكله خفت الأكل يطلع من كثر ما انعصرت ادري لوعت جبدكم ههههههههه بس جنه زين قالتلي هذا ينشط الدوره الدمويه واليوم حطتلي طين شد انشالله بواظب و جمونه خنشوفج عشان انشجع بعظ:eh_s(9):

 

[malgoofah]

ايه نسيت اقولكم قالتلي باجر بتحطني بالكبسوله بجربها واقولكم عشتو شاده حيلي قاعده اخذ كل يوم جلسه عاد انشالله يفيد ادعولي بنات عفيه ابي جسمي يشد واي صايره جلي مادري شسوي ابعمري و عادي هم لو اظعف 5 كيلو ما اقول لا حدي قنوعه الله يوفقج جمانه و مبروك النزول و عقبال ما توصلين للوزن اللي تبينه قولي امين بس نصيحه لا اتسوين رجيم دشتي او اي رجيم بروتين لأنه عقب ما اتهدينه يخترب جسمج بعدين مو صحي انا امجربته و بالتوفيق الجميع و مشكوره حبيبتي نوتي الله يسمع منج و يفيد معاي

 

[noty]

malgoofah انشا الله اصيير اللي ابالج ديير
الرجيم ما اثق فيه حرمان عالفاضي .. التخفييف احسن

و انشا الله بعد فتره نسمع منج اللي يرضييج

 

[المحامية هبة السهلي]

بنات بيباتي لفت نظري الموضوع لاني صديقة صاحبة النادي لاي نقد ايجابي بلغوني وما يصير خاطركم الا طيب

 

[**Jumana**]

ملقوفه شالأخبار طمنينا؟؟

 

[malgoofah]

هلا جمانه للحين اخذت ثلاث جلسات اخر جلسه كانت الكبسوله و باجر عندي جلسه يالنسبه لي ما نزلت للحين ولا تغير شي بس الظاهر تو الناس انا جسمي دعله النتيجه ما تبين علي ابسرعه ابصعوبه انزل او اشد مشكلتي عويصه انا ابي شد فهشي ما يصير ابسرعه انا مو متينه وايد وزني 63 لما اوزنزني اهناك و طولي 168 بس شكلي مو اضعيفه احس اني متينه ما جني 63 جني 68 او 70 انا احساسي جذيه يمكن عشان مو مشدوده مادري جم يبيلي بس ودي لو اضعف 5 كيلو واشد حدي متحبطه هالأيام عشان سافرت و زدت اشويه اتوقع وزني صار 64 او 65 بس ماني وازنه عشان ما اتحطم الحين انا مشتركه اب دايت كير بس الاراده ميح مادري اشفيني قاعده اخورها واخرب مو قادره التزم ولا قاعده اسوي رياضه عالاقل قبل كنت امشي اشويه هالايام كلش صايره اخواره ادعولي بنات واي ضايق خلقي عندي عرس اختي اخر الشهر والبدله اتفصل كل شي وابي اضعف ابسرعه باجر باخذ جلسه بس مادري شنو اهيا راح اوافيكم بالنتايج

 

[**Jumana**]

الله يكون بعونج والله... أنا وراي سفره أسبوعين على شهر 4 الدوام دازيني أحضر معرض.. ومن اللحين احاتي السمنه

شكلي بشتري لي علبة فايتو شيب من اللحين آخذها معاي علشان اسكر حلجي عدل بالسفرة... المشكلة اني ولا مره جربتها... بجربها هالايام قبل السفرة لا أتوهق هناك .... واااااااااااي يا شين المتن

 

[malgoofah]

امبيه جمانه حتى انا والله امس قاعده افكر اشتريلي فايتوشيب شسوي شهيتي هالأيام مفتووووووووووووحه مو قادره صايره ايوووع ابسرعه و ورااااي عرس اختي والمشكله ان البدله لو ازيد كيلوين راح اتضيج لووول اقياسها حده حده عشتو شاريتها جذيه قلت احسن عشان ما امتن و شكلها بتضيج و بتوهق جمانه من وين ابتشترين فيتوشيب؟

 

[**Jumana**]

هلا ملقوفه حياتي شلونج؟؟

انا قايله لي وحده بالدوام عنهم.. وما عطيتها وجه... شكلي اليوم برد أسألها... أول ما أعرف أعلمج ان شاء الله... واذا ماني غلطانه أكو وحده بالمنتدى تبيعهم بعد

 

[المحامية هبة السهلي]

بنات لا تستاثمون ابروحكم اخاف مضر حطو بالكم

 

[malgoofah]

شنسوي محاميه واي انا وحده هالأيام احس اني مو طبيعيه كله يوعانه مادري اشفيني محاميه انتي قلتي صاحبة المعهد رفيجتج بليز بطلب منج طلب قوليلها اتخلينا نستخدم الجهاز اللي نوقف عليه ويهز اهو موجود في وحده من غرف المساج اظن اسمه فيت مادري شنو سألت الأخصائيه قالتلي لا عشان بعدين بفتحون نادي ويحطونه قوليلها خنستخدمه على ما تفتح النادي و مشكوووووره مقدما بس صج اقترحي عليها اذا رضت اوكي وان ما رظت راح نتفهم

 

[ii DareeN ii]

ملقوفه ترا الكريزي فت يقولون في خطر على الرحم انا مره وقفت عليه في بيت صديقتي والله دقيقتين الا نازله علي الدوره حسيت احشائي الداخليه يختضون تاكدي ان

واشلون المعهد وياكم ان شاء الله في نتايج طيبه

 

[malgoofah]

ويييييييه يامعوده مو ناقصين احنا لووول خلاص هونت و مشكوووووره دارين عالنصيحه اشوه قلتيلي