مرق كفته او كباب

[mannawy]

صباح الخير يا بنات يشرفني اشارك تجاربي بهذا المنتدى اللي استفدت منه الكثير. :eh_s(7):

بصراحه انا وحده ما استسيغ طعم الكفته والكباب الجاهز بس اختي الله يخليها لي علمتني طريقه واايد حلوه وسهله ياريت تجربونها. :yaaaaaarb:

المقادير:
- كفته امريكانا او كباب امريكانا (اذا تبين الطبخه ناطعه بس دسمه لازم تقليهم)
- 1 بصل شرائح
- 1 طماطه كبيره مبشوره
- نص معجون طماط
- 2 بطاط شرائح او مكعبات
- 1 باذنجان شرائح او مكعبات منزوعه القشر (اذا تبين الطبخه ناطعه بس دسمه لازم تقليها)
- 2 م ك كريمه كي دي دي الحامضه
- 1 م ك كركم
- بهارات مخلوطه
- ورق غار
- صبار ربع الجيس واللي تحبه حامض تحط نص الجيس
- بقدونس ربع شده وكزبر شوي وشبنت شوي للنكهه فقط
- خلطة ماجي للكفته والبطاط نحط نص الجيس واذا مو موجوده تقدر تعوضها بمكعب ماجي

الطريقه:
- نحمس البصل لين يشوقر شوي وبعدها نحط عليه البطاط ونحط الكركم ونحمس شوي
- نضيف الباذنجان ونحط عليه البهارات المشكله ونحمس بعد
- نضيف ورق الغار و الطماط المبشور ومعجون الطماط والصبار وخلطة ماجي او المكعب ونخفف الخلطه بماي عشان يصير مرق ونتركه ينطبخ (لون المرق مدوعم مو احمر وايد)
- مجرد مايبلش المرق يغلي نسقط كرات الكفته او الكباب ونضيف البقدونس والكزبر والشبنت وتخلينه نص ساعه لين يستوي اللحم على نار هاديه وتاكدي ان كمية الماي قلت (الصلصه ثقلت)
- قبل التقديم نحط 2 م ك كريمه داخل الجدر ونحوسه بس مره وحده راح يصير شكله حلو_03BA:
- يقدم مع عيش شعريه
- بالعافيه :bye22:

 

[*((كـارينـا))*]

واااو احلى اكلي عندييييييييي مع رز امريكي وشعيريه تطلع مو صـج



مشكووووره يا قمـر

 

[mannawy]

شكرا حياتي على التشجيع

 

[Killer^Girl]

تسلم ايدج

 

[أحلى همبه كويتية]

طريقتك عجييييييييبة وحلوة
عليكم بالعافية انتي واختك اللي علمتك

المرة الياية نطالب بصورة لها عشان نتشوق اكثر

 

[حلوة ومملوحة الكويت]

مبين عليهاا حدهاا لذيذه :rerrerek::rerrerek:
وياليت لو في صور
تسلم ايدج وايد اختج،،،​

 

[mannawy]

حبايبي مشكورين. ماعليه ماكو صور بس لان هذي اول مره اشارك وان شاء الله بعد فضل الرحمن وتشجيعكم بستمر وبتفنن بعد بالصور

 

[جارة القمر]

مشكووووووووووره

 

[صابرة رغم الجروح]

تسلم يمينج حبيبتي

 

[دولنغا]

كل هالمقادير فيها وما تطلع لذيذة ؟ مستحييييييييييييل :eh_s(15):

بس حبيبتي عندي سؤال ويارب تجاوبيني بسرعه :yaaaaaarb: لاني ناويه اسويها باجر

بقيت اعرف جم تحطين مقدار الماي إنتي جم كلاص ماي حطيتي ؟

ومشكووووره على الطبق اللذيذ :eh_s(7):​

 

[mannawy]

حياتي غطي المحتويات ب 2 سم عشان يطبخ واذا قل الماي وما استوى زيدي الماي لين كلشي يستوي تالي قصري على الجوله عشان تثقل

ويارب تعجبكم ويجعلها من مداخيل العافيه