مرق بيذنجان

[angel 3ohaa]

صباح الخير
بليز بنات اب طريقة مرق اللحم بالبيذنجان
شكرااا:eh_s(17):

 

[أعراس ستايل]

رفع لعيونج

 

[عاشقه رويشد]

رفع لعيــوووووونج

 

[angel 3ohaa]

شكرا بنات
بس ابي الطريقة

 

[ريم الصبايا]

المقادير :

عدد 2 حبه باذنجان كبير (لازم راس الباذنجان مايل شوي لانه المستقيم مر لازم الباذنجانه مايله مهم جدا)
2 حبه بصل مقطع ناعم
6 فصوص ثوم مروم ناعم جدا
لحم هبر
نص ملعقه زنجبيل فرش مفروم
1 ملعقه كبيره معجون طماط
3 حبات طماط وسط معصورين بالخلاط
ربع حبه بصل للسلق اللحم + 2 حبه ثوم
بهارات سلق( هيل حب+ دارسين +فلفل اسود حب + كزبره حب + كمون حب+ ورق غار)
ملعقه كركم مقسمه نص لسلق اللحم والنص الثاني للمرق
2 ملعقه كاري مقسمه ملعقه لسلق اللحم وملعقه للمرق
نص ملعقه كزبره مطحونه
حبتين اومي اسود
1ملعقه دبس الرمان
ربع كوب عصير التمر الهندي
حبه ماجي
الطريقه :

نسلق اللحم بماي مغلي لين تطلع الرغوه على السطح نشيلها كلها
ثم نضيف نص بصله و 2 فص ثومم كامل وبهارات السلق ونص ملعقه كركم وملعقه كاري ملعقه خل ابيض علشان يطري اللحم ما يكون ناشف ومكعب ماجي ونخليه على نار وسط لمده نص ساعه
الحين على ما يستوي اللحم نقص الباذنجان شرايح بالطول ونقليه ونحطه على ورق ماص علشان ينشف من الزيت
ثم نحمس البصل المفروم بس يذبل نحط فوقه اللحم المسلوق ونحمسه عدل بعدين نحط الثوم والزنجبيل ونحمسه على نار وسط بس يتحمر عدل اللحم والبصل نحط معجون الطماط ونحمسه بعدين نحط عصير الطماط وهم نحمس ( اهم شي حماس الجدر عدل علشان تضبط الطبخه)
نحط البهارات الكركم والكاري والكزبره واللومي الاسود والملح وهم نحمسه عدل مدل
نعدين نحط فوقه كوب من ماي سلق اللحم ونخليه على نار وسط يتسبك شوي يعني 5 دقايق بعدين نحط فوقه 4 كواب ماي اللحم ونخليه 5 دقايق نار عاليه وبعدين ربع ساعه نار وسط المرق لازم شوي خيف مو ثقيل لانه بيدخل الفرن وراح يثخن
الحين نيب البايركس ونصف فيه الباذنجان وبعدين نصب فوقه مرق اللحم الي سويناه
ونحط دبس الرمان وعصير التمر الهندي وندخله الفرن على درجه 180 مئويه 350 فهرنتهايت لمده ساعه ونص




منقوووووووووووووول

 

[جارة القمر]

مشكوووريييييييييييييييين



تفضلي طلبك
http://q8yat.net/showthread.php?t=548739&highlight=%C7%E1%C8%C7%D0%E4%CC%C7%E4

 

[<<لمار>>]

يمى شهيتينى على البيديان والله مااعرفة بس خالتى تسوية رووووعة اتوقع انة مرقة لحم عادية وتحط فيها بيديان

 

[أحلى همبه كويتية]

يعطيكم العافية ريوم وجارونة

ولمار صح كلامك

 

[$حبيبة عبودي$]

يسلمو ريم الصبايا..

 

[بسمتي]

يعطيج العافية احب الباذنجاااااااااااااااااااان بكل انواعه

 

[[[ عيون جابر ]]]

تسلميييييييييين حبيبتي

 

[جلاديلياس]

تسلمييين ريم الصبايا

 

[كويتية و لكن]

بالعافية