مرض الربو

[saratee]

السلام عليكم ...€€€


بنات بليز ابي عياده خاصه او مستشفي خاص مجربينه يعالج ربو حدي تعبانه صدري كل الوقت متنك وتعبت من البخاخ

الكورتزون بليز اللي مجربه تعطيني الرقم او اسم العياده ولها دعاء من ظهر قلب

ويزاكم الله خير مقدما خواتي الكريمات

 

[saratee]

شدعوا بنات محد بيساعدني يالله الله كريم

 

[البرن<أنا>سيسة]

فدييييييييييييييييييييييتج انا عالج عند مستشفى الراشد مال الحساسية حلو وزين

 

[ريـــانـــه]

في دكتور يمدحونه بالرياض في وحده راحت له وتمدح في وتقول انه انقطع منها الربو
اذا تبينه وتقدرين تروحين لرياض قوليلي ارسلج اسمه وعنوانه
وانا انشالله ناويه بروح له اجربه لاني تعبت من العلاج
بس انطر يفضى زوجي ونروح

 

[bibi]

الله يشافيج أختي عن تجربة شخصية ولأكثر من حالة الدكتور سليمان فلاح العلي في الجابرية إستشاري أمراض الحساسية والصدر ، وبالنسبة للبخاخ يستعمل كوسع للشعب الهوائية عند التعرض للأزمة لكن ما يعالج المرض ، أهم شي إذا راجعتي عند أي دكتور ألتزمي بالعلاج ولا توقفين المراجعة و العلاج متى ماحسيتي بتحسن لأن الربو يبيله طولة بال وياخذ وقت وماتشوفين شر بإذن الله .

 

[bibi]

أختي لقيت هالوصفة السهلة فالنت وللأمانة ماجربتها قلت أضيفها لعل الله يكتب فيها الشفاء وتكون نافعة .​

بسم الله الرحمن الرحيم

علاج جذري لمن يعانون من الربو بإذن الله

تم اكتشافة بفضل الله على يد مهندس سوداني كان يعاني من ازمة تجعله يتمني الموت عند تغير فصول السنة من شدة الضيق

فلاحظ تاثرة الايجابي بهذا العلاج وبعد عدة تجارب استخلص هذة الوصفة والتي نصحت بها مريضة كانت تنقل الي المستشفي لاخذ الاكسجين عندما تاتيها النوبة وشفاها الله

ايضا وصفتها الى صديق والان باذن الله انقطعت عنه وكان يستعمل البخاخ

المهم هذة الوصفة وهئ باذن الله تشفي تماما من الازمات التنفسية او في بعض البلدان يقولون الربو

ارجو ان تفرجوا بها على من تستطيعون من المسلمين فيفرج الله بها عنا يوم القيامة

الوصفة:

اخذ عدد ستة حبات من القرنفل (المسمار) العويدي

نزع الراس الدائري اعلى كل حبة والاحتفاظ بالجزء السفلي (مهم جدا)

ينقع الجزء السفلي من القرنفل في ماء عادي بكاس ( نص كاس) ليلا

يشرب منقوع القرنفل فقط على الريق عند الاستيقاظ من النوم

تكرر هذه العملية لمدة 15 يوم ( مهم جدا) لا اقول انه يقلل بل اقول انه باذن الله ينتهي تماما من المرض

مجرب

ودمتم بصحة وعافية,, ​

" منقــول "​

 

[فجورة]

فى علاج بالأعشاب مجربته واحدة و كله طبيعي باذن الله تتشافين و لا تقربين صوب ادوية الكورتيزون لانه لها مضار على جهاز المناعة و العظام :

اخدي ملعقة صغيرة من حب الشمر أو اليانسون المصري هو اسمه بالانجليزى :Fennel Seeds مثل السمسم لونه اخضر و ريحته زكية تتلاقينه مع البهارات بالجمعيات تغسلين ملعقة صغيرة و تجبين قطعة واحدة من عرق السوس المشروب يسوونه اهل الشام برمضان مع قمر الدين . المهم الحين ارجع و اكرر الوصفة:

1 ملعة صغيرة من حب الشمر + عود واحد من عرق السوس تحطينهم بقارورة ماء طبيعي عضوي و يا ليت يكون ماي زمزم انفع و تخلينهم يتنقعون فيها و كل يوم على الريق تشربين من هالقارورة كلما عطشتي تشربين من الماء هذا لمدة 15 يوم و باذن الله راح يختفي الربو عندك هذى تجربة واحدة عندنا كانت تعاني من الحساسية و الرشح طول السنة و لمدة 16 سنة ما خلت ادوية و ابر من الاطباء الا خدتهم لكن ما في فايدة لكن سبحان الله سوت هادي الخلطة و بس شرب على الريق و اختفى منها المرض و و اقرئي عن فوائد حب الشمر و العرق سوس و شوفي شنو فوائده العظيمة. و اتمنى لك الشفاء

خواتي وخروا عن الادوية الطبية المسمومة اللي تهلك الصحة جربوا الطب النبوي العربي و راح ترتاحون باذن الله.

 

[فاطمة دشتي]

يعطيج العافية والله يشافي كل مريض يارب عطيني الرقم والاسم اذا في مجال لأن والدتي وايد تعبانة الله يخليج

 

[um_yoyo]

ياربي انا ولدي عمره سنتين و نص و بلشت معاه ازمات الربو و نفسيتي صج تعبانه علييه فديته و اخاف يزيد عليه مع الايام انسشالله بنات يفيدونا بدكتور يعالج مو علاج مؤقت

 

[saratee]

الله يشافيج أختي عن تجربة شخصية ولأكثر من حالة الدكتور سليمان فلاح العلي في الجابرية إستشاري أمراض الحساسية والصدر ، وبالنسبة للبخاخ يستعمل كوسع للشعب الهوائية عند التعرض للأزمة لكن ما يعالج المرض ، أهم شي إذا راجعتي عند أي دكتور ألتزمي بالعلاج ولا توقفين المراجعة و العلاج متى ماحسيتي بتحسن لأن الربو يبيله طولة بال وياخذ وقت وماتشوفين شر بإذن الله .

اولا مشكورين لكل اللي ردو يعطيكم العافيه.. وبالنسبه للاخت اللي قالت عن دكتور زين بالرياض ما اعتقد ان ريلي ممكن يوديني ومشكوره تسلمين عالمساعده ...ومستشفي الراشد انا جربته من سنين ما نفع معاي يمكن فعلا مثل ما قالت الاخت لازم استمر وانا نوعا ما مهمله...
واختي بيبي مشكوره بجرب هالدكتور وانشالله يارب ينفع معاي

 

[فرروووشه]

السلام عليكم
حبيبتي بغيت افيدج في دكتور اسمه جميل بيضون بمركز الكندي قريب على مستشفى الأميري اهوه دكتور قلب بس معالج زوجة عممي وولدها والحمدلله تقول انقطع منهم
وزميلتي بالدوام تعالج عند د. طاهر وبعد دوامه يقدر يمر عليكم البيت اذا كنتي تعبانه هذا رقمه 99490679
اما بالنسبة حق العلاج برره الكويت الوالده الله يرحمها كانت تتعالج عند دكتور اردني بالرياض أضن انه بمستشفى فيصل واااييد ارتاحت على علاجه

وعسى الله يشافي كل مريض ان شاء الله

عفيه ادعوا لي بالذرية ان شاء الله ان كانت معلوماتي مفيده لكم وعسى الله يرزق كل محروم ان شاء الله
ويفرج هم كل مكروب آآآآآآآآآمممممممييييييييييييييييييينننننننن

 

[كويتية صغيرة]

حبيبتى اخذيها من مجرب
نصيحة من أخت
لاتروحين طبيب خاص علشان الربو

فتحي ملف عند مركز الراشد للحساسية (اخذي تحويل من المستوصف علشان يحطونلك موعد)...... اهم متخصصين بكل أمراض الحساسية (جيوب انف و ربو و صدر و كله) كل اقاربي فيهم ربو وايد ارتاحو هناك لأن دكاترتهم وايد شطار و متخصصين بأمراض الحساسية .... و أدويتهم ممتازة و بعضه حتى غير موجود بالمستوصف

راح يسوونلك اختبار اول شي من الحساسية و يبين متى يجيللك الربو (من الجو او من الأكل) و يعطونك أدوية
و بعدين تراجعين عندهم بشكل دوري كل شهر او شهرين .... حسب الطبيب اللي يقرر درجة الربو اللي عندك
و كله بالمجان

الله يعافي حكومتنا
بس انا اقوللك عيبهم زحمة عليهم لان دكاترتهم شطار و قديمين و عندهم خبرة بكل امراض الحساسية
اللي اقصده مركز عبدالعزيز الراشد قرب مستشفى الصباح اهو تبع مستشفى الصباح

 

[شمعة ليل]

اول شى الله يشافيج ويعافيج يارب
انا من 6 سنين وكنت اعانى من الربو المزمن يعنى ما اروح مكان الا وبخاخى معاى حتى نوم على ظهرى والله مانام من كثر التعب ما اتنفس كلش
بس جزاها الله خير عمتى تونى ماصارلى سنه ريحت عمرى لادور ولا مواعيد رحت مستشفى هادى عطانى ابره وارتحت والحمد الله قمت اتنفس عادى واستغنيت عن البخاخ دكتور باطنى اهيه صج ابرة كارتيزون بس الحمد الله ماصارلى شى جربيها
وماتشوفين شر

 

[الفراشة_البيضاء]

الله يشافيج ويشافي كل مريض
ان شاءالله البنات يفيدونج

 

[عروس_1]

يابعد عمري انا كنت نفسج عانيت الامرين من الربو وياني فجاه بسبب دوا انوصف لي بالغلط من دكتوره نسا بمستشفى الراشد ونصيحة اخت كل وصفات الخوات الشعبيه ماراح تفيدج اذا مقتدره ماليا روحي دكتور سليمان العلي اللي بالجابريه علاجه روعه ونفس علاج مركز الراشد للحساسيه بس الراشد يبيلج تاخذين موعد ودكتور العلي عطاني كمام بالبيت بجرعات محدده ودوا عداد يهبل والحمدالله راح مني بالمره وترى الحين موسم الربو والحساسيه وتقدرين تاخذين ابرة الحساسيه من مستشفى الراشد بخمس دنانير عجيبه توخر الحساسيه والعطس وتقلل الربو بشكل كبير ............ واى خدمه انا حاضره