مرحبااااااا لندن لعشاق لندن هلموااااااااااااااا ,,

[فيفالدي]

السلام عليكم















حدي متوهقه وقلت ماكو الا كويتيات ينقذوني



اول مره ازور لندن وبروح لها 4 ايام تقريبا ومع زوجي


ونوعيته مو ذاك الزود مع السوق


مابيه يمل ابيكم تسون لي جدول

حق اربع ايام وين ممكن نروح


يعني مكان سياحي وسوق يصير خلط عشاان مايمل


وجم يكفني حق السوق والمصرف


حطوا لي ميزانيه متفرقه


مثلا المصرف هالكثر يكفي

والسوق هالكثر يكفي


وين تنصحوني اكل هل ناكل فاست فود ولا ناكل مطاعم


ضروري رايكم بالاكل ,,

قولوا لي رايكم ضروري

 

[فيفالدي]

ولا رد ليشششششششش

 

[mr000]

سلام !شوفي حبيبتي والله 4 أيام مو وايد يعني شوفي عندج شارع أكسفورد متروس محلات فيها منها شوي غاليه مثل سيلفريدجز وجون لويس وهاوس أوف فريزر ويتفره من هالشارع نيو بوند ستريت هذا كله ماركات أل في وبربريز ماركات وايد وعندج بأكسفورد محل بريمارك رخيص وزوين يعني حق البجامات وملابس البيت والشراشف والفوط وشغلات وايد عنده! وروحي يوم مجمع ويستفيلد مول هذا في شوبربوش هالمجمع جنه الأفنيوز فيه 265 محل ومطاعم وكافيهات وايد حلو راح يعجبج! وأكيد لازم تشوفين محل هارودز هو غالي بس روحيله لو طماشه بس وأكيد راح تلاقين فيه شغلات حلوه تشترينها خاصه اذا عنده تنزيلات وفي عنده عطور ساعات ماتنزل بمحلات ثانيه! وهم عندج ريجنت ستريت هم هذا الشارع مثل أكسفورد كله محلات!! بالنسبه حق الأماكن السياحيه آنا مادري متى سفرتج أذا ألحين بهالوقت الجو برد وايد وثلج فما أقدر اقولج روحي حدايق عندج متحف الشمع(مدام توسو)! وعندج حديقة ريجينت بارك أذا ماكان الجو بارد وثلج!! والله بصراحه آنا ماأقدر أقولج عن أماكن سياحيه بوسط لندن لأني عادة أروح بمناطق بره لندن بس أنتوا سفرتكم قصيره مايمديكم تروحون مناطق ثانيه!!

 

[mr000]

بالنسبه حق الأكل والمصرف يعتمد على نوعية المطاعم اللي بتاكلون فيها اذا مطاعم لبنانيه وعربيه راح تكون أغلى أكيد من الفاست فود!آنا ماآكل الفاست فود آلا البيتزا بس والباقي سندويشات من المطاعم العربيه الحلال في شارع أجوررود ! والمصرف حق السوق يعتمد على نوع مشترواتج يعني هل ناويه تشترين ملابس غاليه وجناط ماركه وألا لأ عاديه!! عموما ترى سوقهم يشوق وراح تشوفين وايد شغلات المكياج والعطور بكل محل!!واذا بقيتي أي شي ثاني عادي آنا حاضره!!

 

[فيفالدي]

نا ناويه اروح حق الاوت ليت بستر فليج

شلون ارتب لي جدول لمده 4 ايام


وفيه الاوت لت


ومشكووره حياتي

 

[فيفالدي]

اقولج شنو انا ابي عشان احصر لج الاماكن


ابي هاردوز وابي سلفرج واابي بري مارك هذولا اهم شي



وابي الاوت لت هذا ضروري بالنسبه لي


طبعا كله سوووق


لكن لازم احط اماكن سياحيه عشان زوجي مايمل


شنو ممكن احط معاهم


يعني باليوم احط سوق ومكان سياحي

 

[كويتية أصيله]

حبيبتي أطلعي على تقارير سابقه أحسن لج وأفيد واااااااااااااااايد
وبالنسبه للميزانيه يعتمد على صرفج

 

[فيفالدي]

شفت شكثر تقارير


لكن انا وقتي ضيج مايمدي اشوف كل شي


ابي استغل كل لحظه

 

[mr000]

شوفي أختي بما أنه وقتكم ضيج يعني بس 4 أيام ويادوب تكفيج تشوفين الأماكن اللي تبينها فلازم تنظمون وقتكم يعني لاتضيعون نص اليوم بالفندق قصدي ماتطلعون ألا قريب الظهر لأن ماراح يبقالكم وقت كافي.. شوفي آنا رحت 10 أيام والله ماكفوني مع أني كنت أطلع من 9 الصبح وما أرجع ألا بال8أو 9 بالليل لأنه محلاتهم كبيره وتنسين نفسج بالمحل!يعني قسمي يومج بين مكانين عالأقل يوم سيلفريدجز ومباقي محلات أكسفورد ويوم هارودز وكملي بريجينت ستريت ويوم روحي ويستفيلد مول وروحي كوفنت غاردن وخلي يوم حق بستر فيليج روحي بالقطار من محطة مارليبون روحي مبجر من ال10 علشان توصلين بال11 وشوي وتتمشين لي ال5أو 6 وترجعون تريحون وتكملون في البكاديللي! بالنسبه حق بريمارك أحسن وقت حقه الصبح أول مايفتح لاتفكرين تروحين له الظهر أو العصر لأنه راح يكون زحمممه عالكاشيرات! شوفي آنا كنت قاعده بفندق قبال بريمارك فكنت أروح له الصبح أول مايفتح تالي أروح الأماكن الثانيه!!

 

[mr000]

ماتبين أروح معاج أعاونج هالسوق..قصدي علشان أدليج..لا أتغشمر معاج.. موفقه بسفرتج ان شاءالله

 

[costa chic]

متى يسوون سيل؟؟

 

[حضاره]

حبيبتيي السلفرج وبريمارك حوالين بعض00في شارع الاكسفورد00يعني بمشوار واحد تخلصينهم مع بعض!

اما الهارودز فيكون مقابل للهايد بارك من جهه00روحوا تمشوا في الهايد بارك وبعدين طلعي للهارودز ولاتنسين اتعشين او اتغدين فيه

ويوم من الصبح روحي لمارليبون ستيشن وقصي تذكره ل(بيشستر نورث)اللي فيها الاوت لت بتقضين وقت حلو ان شاءالله00

وممكن تطلعين بمشوار واحد حق اماكن مهمه حوالين بعض00مثل:

مدام توسو وريجنت بارك ولندن زوو00

او تطلعين حق 00

(لندن اي) حلللللللللوه تفتر فيكم ابو نص ساعه تشوفون لندن من فوق00واذا نزلتوا تمشوا ليما( البج بن)00

اذا عندج اي استفسار حاضرين

 

[{}{}{ سكرة }{}{}]

توني رادة من لندن كنت فيها برااااااااس السنة

صااااااااايرة ناااااااار غالية

انا خذيت معاي 3 الاف ويلة كافتني


بس انا اموووووووت على السوق


بالنسبة للسياحة

في شارع الاكسغورد في كشك بالزاوية صوب الهايد بارك باص سياحة


ياخذج يوديج اهم الاماكن السياحية في لندن

مثل


مدام تومسو ( متحف الشمع )

لندن اي


الجسر


ويودونج بيت الرعب

والبكديلي

وقصر الملكة

المتحف

ووايد اماكن

اخذي على يومين عشان تروحين كل مكان

سعر التذكرة 25 باوند ومن ظمن التذكرة رحلة على باخرة


بس كل مكان تروحينه تبين تدخلينه تدفعين تذكرة


وبالنسبة للسوووووووووق

نفس سوووووووق الكويت اللهم محلين انصحج فيهم

بريمااااااااااارك لبسة حلو وعلى الموضة ورخيص واحلى واحد الي في الاكسفورد ستريت


وعندج محل ت_مكس وااااااااااااايد حلوة اوت لت مال المركات الامريكية

 

[فيفالدي]

ياابنات حيرتوني كل الاماكن حلوه وتستحق المشاهده والعنوه


شكلي بساحله يمدد ههههههههههههه


هذا اخر ماعندي

 

[فيفالدي]

ماتبين أروح معاج أعاونج هالسوق..قصدي علشان أدليج..لا أتغشمر معاج.. موفقه بسفرتج ان شاءالله

واااااااااااي جان زين حياج الله


عالاقل اهو يروح يحضر مباراه وانا امارس هوايتي ,, عالاقل تدلين مو انا مثل الاطرش بالزفه :ssssso:

 

[mr000]

بصراحه لندن مو مالت 4 أيام قوليله هذا تعذيب ههههه عالأقل أسبوع! يعني محلاتهم مثل سيلفريدجز وجون لويس وهاوس أوف فريزر كل واحد كم طابق واذا بتشوفين كلشي فيه تطولين هذا غير لما بتشوفين شغلات المكياج والشغلات اللي حق الجسم والكريمات! بريمارك بروحه هذا يبيله تفترين فيه كله طول النهار! هارودز جنه متحف حتى لو ماتشترين مع أن أكيد بتشترين منه بس حلو تشوفين بضاعته راقيه وهو يمكن 4طوابق والسرداب!!وبستر فيليج يوم كامل!! شوفي اقولج شي انتي بهالفتره دشي على سايتات المحلات مثلا عندج سيلفريدجز وهارودز يحطون العروض اللي مسوينها والتنزيلات! وهم عن الاماكن السياحيه بلندن!!انتي اشتغلي عليه بالحنه أنه يمدد زياده كم يوم.. بس عاد زيدوا الجيله بالمصرف!!

 

[فيفالدي]

حبيبتيي السلفرج وبريمارك حوالين بعض00في شارع الاكسفورد00يعني بمشوار واحد تخلصينهم مع بعض!

اما الهارودز فيكون مقابل للهايد بارك من جهه00روحوا تمشوا في الهايد بارك وبعدين طلعي للهارودز ولاتنسين اتعشين او اتغدين فيه

ويوم من الصبح روحي لمارليبون ستيشن وقصي تذكره ل(بيشستر نورث)اللي فيها الاوت لت بتقضين وقت حلو ان شاءالله00

وممكن تطلعين بمشوار واحد حق اماكن مهمه حوالين بعض00مثل:

مدام توسو وريجنت بارك ولندن زوو00

او تطلعين حق 00

(لندن اي) حلللللللللوه تفتر فيكم ابو نص ساعه تشوفون لندن من فوق00واذا نزلتوا تمشوا ليما( البج بن)00

اذا عندج اي استفسار حاضرين

حياتي حده كلامج واضح مشكووووووووووووووووووووووره تريدين الصدق ماقصريتي

 

[كرز أخضر]

تقريبا كم يكفي حق اسبوع بلندن مصرف ؟؟من غير السوق والفندق؟؟ يقولون صايره اغلى من قبل!!!

 

[فيفالدي]

جم معاج شخص وشنو هدفج من السفره

بس سوق ولا شي ثاني

 

[الحــــياة]

لندن4 ايام؟؟؟؟
ماتكفي صراحه؟؟
لندن كل شي فيها حلو..
بس اهم شي روحي هارودز لايطووووووفج.