مرت حماي وظلمها لي

[رفاعيه]

قولي لريلج وشوفي شنو يشور عليج

 

[Tulips]

الحمدلله والشكر صج ياهل مرة حماج

قوليلها كلام يوصلج ويتعداج لسانج تلمينه ماني اصغر عيالج

قطيعه جنه ماكو بالهديره غير ريلها صج شفاحه ومو شايفه خير

 

[مناته]

نصيحه لاتعدينها هاذا اول الخير
والله لو منج ما اسكت ووصلها احماي
اقوله انت شايفني ؟؟
بطيها ولا تسكتين
اذا سكتي اليوم بتسكتين للابد

 

[شقرا كويتيه]

علمي زوجج وخالتج هاذي توها عروس جذي خخخ باجر لاجابت عيال شبتسوي استغفرالله دنيا عجيبببببببه

 

[كااامل الزين]

علمي زوجج وخالتج لا تخافين باجر تقلب السالفة عليج وتطلعج غلطانة

 

[om MaRyooM]

انتي ليش شايلة هم وحدة ماعندها اخلاق ولا اسلوب انها تخرب بينج وبين خالتج وحموانج !!

بالعكس خلج قوية ولاتهمج هالسفيهه

صج ماتستحي !!!!!!!!!!!!!!!!!!!!

هذا ان دل يدل على تربيتها واخلاقها ... خلج أرقى منها ولاتردين عليها

ولازم لازم تقولين لزوجج وبعدين روحي لخالتج وقوليلها .. بس فهميهم انج تبين تقولين السالفة مو عشان
تحلين المشكلة او تتثيرينها .. فقط للعلم


بعد ماتدرين هذيج تروح توز براس خالتج وتألف عليها حجي !!

 

[غلا-زوجي]

لازم تقولين حق زوجج عشان اذا السالفه وصلت خالتج زوجج لايستغرب ويكون عنده رد يدافع عن نفسه وعنج ..
بعكس اذا خشيتي عليه بيقول اكيد في شي خايفه منه ولا جان قالتلي​

 

[FeShinGoOo]

قولي حق اقرب وحده لج من حمواتج او ام زوجج وكلميها بادبوفهميها انج ماتحبين هالحركات

 

[q8sweeta]

قولي حق ريلج مو عن شي عشان يكون بصورة
وهم قولي حق خالتج اذا تحبج ومتفاهمه وياها
اذا لا لا تقوليلها خلي زوجج ينقلها الحجي

 

[بقــآيآ جـروح]

حطي ريلج بالصوره شهالسوالف فيهآآ قبآآيل هذي يآآويلي ويلآه ​

 

[(المباركيه)]

شهالهيلقيه هذي موصج
غلطانه زوجش لاااازم يدري حطيه بالصوره وماعليش هو بتصرف
عطيها اكبر طاف ولاتعبرينها صراحه هالاشكال كلش مو حلو الواحد يتعامل معاهم
وروحتش لبيت حمولتش حاولي انها تكون بوقت هي موموجوده فيه
قطيييييييييييييييعه قال قوه قال توه بسم الله مامدااااش

 

[ام سمعان]

بصراحه انتي غلطانه غلطانه والغلط واصل لرجولج

مره تبهدلج وساكته عنها ولا خايفه منها!!!!!
والله لو انا منج ما سكت
اروح لبيت عمي واجيبها نفس العنز وقول لها صوب العيله كلها
من جاف مني العيب؟؟
يقول
واقول لهم القصه كلها
وحده تتعرض لي بهي الكلام واخاف
لاتبوق لا تخاف
اختي من الاخر
اشلون ترضين على نفسج
لا تقولين طيب ما طيب
المرت حماج تعرضت لج بكلام سخيف
وراس الحيه قطعيه من البدايه
اذا ما استحت هي انتي تستحين
افااااا

 

[om_dodo]

لاااازم تبلغييين ريلج
لاااااازم تبلغيييين ريلللج
لاااااااااااازم تبلغيييين ريلللللج
عشااان مايقلوووبوون الامووور عليج

 

[misspurple]

لا تسكتين ولا شي لازم تاخذين منها موقف من اول مرة عشان ما تعيدها ولا بتعود وبتهجم عليج بكل سهولة
1- علمي ريلج عشان يكون بالصورة ويفهم ليش انتي ماخذة منها موقف
2- حمواتج وخالتج اهم شي يكونون عارفين عشان ما يلومونج وعارفين السالفة من اولها

واذا ناوية تسامحينها وتكلمينها مرة ثانية مو الحين وثقلي عليها وخليج على طول رسمية معاها عشان مو بسهولة تزعلج وتغلط عليج
ولا اذا حست انج هينة ماراح يهمها خاطرج وبتغلط عليج مرة ثانية وثالثة.

 

[{عروس البنفسج}]

الله يعينج. شكلها مريضة نفسية. وتحب الاكشن والسوالف.
انت عرفتيها من البداية فحاولي تتحاشينها طول عمرج لان هالنوع يخاف مايستحي.
اذا شفتيها قولي هالدعاء ( اللهم اكفنيها بما شىءت وكيف شىءت انك على كل شيء قدير).

 

[بخـــارى]

عروسه المفروض تكةن لاهيه بشهر العسل وزوجها وحياتها اليديده مو شغاله غيره على بنات الناس

البنات كفوو ووفوا بالردود

 

[عاشقة_الجمال]

قولي لريلج ولخالتج

لازم يعرفوون العووبه هذه عدل

 

[نشيج الروح]

لا تكبرين السالفة وتقولين لأحد .... بس في حالة أن زوجج متفهم ومو راعي مشاكل ولا يطلع الكلام بره قولي له يكلم أخوه عشان يكلم مرته (((( هذا بشرط أن الجميع متفهم وما يكبرون السالفة ويطلعونها لي بره)))

 

[pearls_q8]

استغفر الله شهل العالم هذي مو صاحيه والله
توها عروس وجذي تسوي على الاقل تنطر شوي
وبعدين تبلش سوالفها امثالها وايد الله لا يوفقهم