مرت حماي تكرهني

[زبــــــــدة]

خليها تولي

وحقريها وعطيها طاف لا تحسسينها انج مهتمه لوجودها ...

هالاشكال ما ينفع معاهك الا الطااااف ولا جنها موجوده

 

[الدنيا لحظه**]

بالطقاق اللي يطقها حياتي ماتشوف شر باللي مايحفظها دوسيها وامشي الله كثر بنات الحمايل والخوات مطشره توقف على هاذي

 

[نـعـومـه]

شوفي دام عاملتيها بالطيب وماكو فايده عيل تولي

يمكن طبعها غيوره وماتحب مرت الحما وجذي !! خلي بينكم سلام وخلاص ولاتكدرين خاطرج اهتمي بزوجج واهيه تولي

 

[om MaRyooM]

خلج سطحية ورسمية وتقبلي نفسج وكوني واثقة من نفسج اكيد بيحرمونج ويعملولج الف حساب


واللي مايبي يحبج عادي طنشي .. المحبة من الله اهم شي تكونين راظية عن نفسج وعن حياتج و مالج شغل بباقي الناس

وان احد جرحج بكلمة ردي عشر بس بأدب وذوق تخلينها تستحي من نفسها

 

[om MaRyooM]

استغرب وايد من الحريم الي نفسج

( المستضعفات ) الي يركضون ورا رضا الناس و يسوون المستحيل و تضيع ايام عمرهم وهما يراكضون ورا الناس

فلانه ما تحبني فلانه ما يابتلي هديه فلانه جرحتني فلانه ما قدرتني

يبه فلانه قاعده ببيتهم تشرب قهوه فرنسيه وتحط ريل على ريل وتقرا مجله وانتي قاعده تبجين تحت المخده ليش ما يابتلي هديه

ما اقولج صيري بيعاريه و تهاوشي ويا المره بس عاملي الناس باحترام وسوي الي عليج وخلي همج بس رضا الله والله لو نحاتي رضا الله كثر ما نحاتي رضا الناس جن دشينا الجنه

عيشي حياتج وكبري عقلج و شغلي نفسج و بسج نكد

باجر لي صار عمرج خمسين و شعرج صار ابيض و طلعتلج تجاعين راح تتحسفين عالعمر الي ضيعتيه بالنكد

وسلام و سوري عالزفه بس واللله يبيلج تنزفين

عين العقل والله

 

[عطور وبخور]

اسوي نفس ماتسوي

 

[Koka_alotaibi]

حبيبتي عامليها مثل ماتعملج
انتي بتصرفج معاها قاعد تنفخين فيها اكثر
وتحسسينها انها مهمه وانج قاطه روحح عليها
مثل ماقالوا البنات عطيها طاف وعامليها بحدود الادب والذوق بس
حتى الكل مايلاقى عليج شي ويعرفون الفرق بينج وبينها
حبيبتي مثل ماتعاملج عامليهااا شدعوا عليج حياتج ماراح توقف عليها
ولاتنسين بيني لزوجج اخلاقها الخايسه
عشان يكون عنده علم بهالاشكال الخايسه
وانتي جذيه ماقطعتي رحمج وحفظتي على كرامتج
وبالنسبه ان حمولتج يحطون لها الف حساب
لان الناس الحين ماتحب الوحده الضعيفه يحبون القويه والشخص الي رافعه نفسها
سوي مثل ماتسوي وقبل لا اهي تحطلج حساب حمولتج بتحط لج الف حساب قبلها

 

[عروس فبراير]

خلي بينكم سلام وبس
لا تقطين روحج عليهاا ...

 

[ميريام فارسQ8]

بطقاااق شتبين فيها دامها ماتبيج ولا تبي تسلم عليج ولا تسولف وياج وتعود عيالها مايسلمون عليج شتبين فيها والله لو انا منج سحبت عليها واعطيها طاف وبقوه

 

[om al ghaleen]

وانتي ليش متضايقه ؟!
حبها ماراح يدخلج الجنه ولا بتعطيج عمر ثاني
احترمتج احترمينها مااحترمج عطيها اكبر طاف يسنعها
مو شرط مرت حماج لازم تكون زينه معاج الناس اجناس
وكل واحد يمثل تربيته

خلاص دام رافعه خشمها عليج خلي بينج وبينها سلام
وترا حتى سلامها ماراح ينفعج بشي

\\

 

[الغضى]

تكرههههههههج الحمدلله
مرات الكره نعمه
اشلج بالحب والتشرهه والمواجيييييب

وانا ويا كلام مناي .

 

[راحيل العبدلي]

تكره اثيابه عسى
وانتي شلج فيها
مو اختج ولا من ارحماج عساس
اتحسسين !!
مرت حمااااااي الله بالخير !

 

[some one waw]

طاف عادي

بعدين ترا هالشي راجع لتربية الوحدة وبيئتها يمكن اهي جذي تربت لاسنع ولاسلام

عموما هالحركات عادية من السلايف

طنشي وعيشي حياتج

 

[sosowaty]

الله يهديها