مرت حماي المغرورة

[زلابية]

مشاركة: مرت حماي المغرورة

هههههههههههههههههه
والله جكورة اني ضحكت من قلب والحين نص الليل عسى محد يسمعني
مشكورين يا بنات والله ان كلامكم بلسم على القلب

 

[سوق الجمعة]

مشاركة: مرت حماي المغرورة

الصراحة.. الله يعينج عليها .. ياكرهي للأشكال هذه.. خصوصا المغرورة.. وسبحان الله دايم المغرورة جيكرة..

 

[كلي تفاؤل]

مشاركة: مرت حماي المغرورة

السلام عليكم حبيبتي ..
اول شئ الله يعينج على جذي اشكااااااال وتوقعي الأسوء لآن شكلها جريئه حيل ..استغفر الله شنو تغمز لزوجج وتصفط مكاااانه ....قلة عقل ...

ثاني شئ خلج رسمية حييل معاها كلمة ورد غطاها لا تفتحين لها مجال ابد كل قولي ما ادري ما اعرف يمكن الخ من هالكلام عشان تصكرين عليها الباب وتعرف انها ماراح تأخذ منج لاحق ولا باطل ,,انا اقولج هالحجي لآني متوقعه انها راح تنبش وتطلع سوالف على حمووولتج او خالتج بالذات وتدخلج بالسالفة بعدين تطلع منها وتخليج انتي بالوجه فتحرجج جدام اهل زوجج..احرررصي وانا اختج منها خاااصة اذا حشت بخالتج او حمواااتج ...طنشيها ,,,,

ثالثا :خليج على طووول كوووول كشخي حطي رجل على رجل اقهريها اوقفي مع خالتج بمواجيبها لا تخلينها ..

رابعا ديري بالج تسولفين عنها عندزوجج ..بمدح او ذم ديري بالج ...بس هم نبهيه انه ما يطيح الميانه مع حريم اخووااانه ..سالفت الغمزة كلششش مو حلوة فتحت المجال لها وتجرئت صفطت بمكانه ...بس الحمد لله انه اعترف بغلطته ونبهيه انه يطنشها واذا تضايق من الصفطه يحاجي اخوة مو هي هذا اذا طووولت السالفة وقامت تتعمد تصفط كل يوووم بس يقول لآخوة شفيك تصفط بمكاني (يسوي نفسة مايدري انها زوجته)...

أخيرا لا تحرين نفسج وانا اختج هذا كلة سحابة صيف وتنكشف على حقيقتها بس انتي اخذ احتياطج ---<حشى حرب

اعذريني ع الإطاله بس حاسه بمعاناتج
قبل لا انسى عليييج بالــــــــــدعـــاء ان الله يكفيج شرها ..

 

[Q8Q8Q8]

مشاركة: مرت حماي المغرورة

شوفى حبيبتى لاتزعلنى نفسج على وحده ما بينج وبينها اى صلة قرابه الا بس انهيا مرة حماج عطيها طاف يعنى حقريها الحريم ياحبيتى مالهم صاحب بالذات الحموات انا الى قاهرنى ريلج والله لو ريلى اسوى هالموقف لعطيه درس عمره ماينساه زوجج الى شرهى عليه وخليه مره ثانيه شلون يعرف يرد عليها بوجودج لاتصريين ضعيفه شخصيه وقفيه عند حده لان الريال على ما عودتيه انا ما احرشج على ريلج بس صدقينى تخذى موقف صارم عشان مره ثانيه مايحاول كررها صدقينى انا مريت بنفس الموقف بس الحين اتحداه يحاجينى جدام امه ولا خواته ولا حريم حموانى


والله يوفقج ويسخر ريلج لج انشاء الله

 

[زلابية]

مشاركة: مرت حماي المغرورة

والله يبنات ما قصرتو على هالنصايح والله ان في اشياء كانت طايفتني وانتو نبهتوني عليها
عاد في عزا عند اهل بيت عم زوجي بروح مع خالتي باجر اهيه قالت لي عالغدا ابيج تروحين معاي قلت لها ومرت حماي ما تبي تروح قالت لي لا حرام توها عروس وانا قلبي حاس ان اهيه قالت ماني رايحه .
عالعموم مشكورين حبايبي وما قصرتو

 

[أم منصـ 85 ـور]

مشاركة: مرت حماي المغرورة

شعليج منها تروح أو لأ .. بتروح حياها الله ماتبي ماتشوف شر .. لاتعطينها أكبر من حجمها وتسألين عنها خلج عااااااادي .. ورسميه .. جبح هذي عروس جذي لي تمكنت شلون بالله ..؟!! صج عجبي على هالعرايس داشين بقوة .. ! الله يعينج ياقلبي

 

[نداوي]

مشاركة: مرت حماي المغرورة

مسكين حماج شالله قطه على هالصايعه اللي تغمز حق الرياييل هذي شكلها عاجبها ريلج وقاعده اتحرش فيه ديري بالج منها,,,اللع يعينج

 

[sunshine22]

مشاركة: مرت حماي المغرورة

عاد في عزا عند اهل بيت عم زوجي بروح مع خالتي باجر اهيه قالت لي عالغدا ابيج تروحين معاي قلت لها ومرت حماي ما تبي تروح قالت لي لا حرام توها عروس وانا قلبي حاس ان اهيه قالت ماني رايحه .

وااااااي حرام عليها عزا فيه اجر ترا شنو نوعها هذي
وخالتج فقيره كله توها عروس واذا عروس ابفهم يعني اذا انا عروس وصار الله لا يقوله عزا قريب مااروح عشان انا عروس....................!!

ليش شي يفشل لهالدرجه الله يعين زوجها عليها انا يوم تزوجت صار عند حمولتي عزا جد خالتي ووقفت بالعزا عادي ماقلت انا عروس

 

[وردة النرجس]

مشاركة: مرت حماي المغرورة

ماشالله إختي زلابية أحس البنات كفوا ووفوا

وترى سالفة الغيرة بين الجنات متعودين عليها عادي هالشي صار

بس مثل ماقالوا البنات طفوا وعامليها معاملة رسمية ولا طيحين الميانة معاها وخلاص ألزم ما عليج ريلج وعيالج

 

[محتارة]

مشاركة: مرت حماي المغرورة

زلابية لاتسولفين جدام ريلج عنها ... لا تبينين له انها شغلج الشاغل خليها تولي ولاتطرينها عشان ماتكون الاضواء عليهااااااااااااااااااااااااا

 

[زلابية]

مشاركة: مرت حماي المغرورة

مشكورين يا حبايبي وما قصرتو وانا قاعده احاول اني اتجاهلها لانها مو كفو حتى اني ازعل نفسي علشانها انسانه دنيئه بكل معنى الكلمه تصدقون الحين تتحرش بحماي لصغير توه بالغ وتحرجه بالاسئله تقول له ليش صوتك تغير عن اول والله هالبنت مو صاحيه

 

[New Mum]

مشاركة: مرت حماي المغرورة

اللهم عافنا مما ابتلاهم به زلابيه حبيبتي تركي عنج مرت حماج ولا عاد تفكرين فيها الواحد يالله يلحق بآثامه عشان ياخذ آثام غيره .. عسى الله يوفقج و يسعدج و يريح بالج

 

[هامورة]

رد: مشاركة: مرت حماي المغرورة

مشكورين يا حبايبي وما قصرتو وانا قاعده احاول اني اتجاهلها لانها مو كفو حتى اني ازعل نفسي علشانها انسانه دنيئه بكل معنى الكلمه تصدقون الحين تتحرش بحماي لصغير توه بالغ وتحرجه بالاسئله تقول له ليش صوتك تغير عن اول والله هالبنت مو صاحيه

من صجج !!! هذي وقاحه اسمحيلي

اختي انا ماودي تتدخلين بس اذا زاد الموضوع عن حده كلمي زوجج ينصح اخوه

يكلم مرته ويعلمها انه مو كل شي ينقاااااااااااااااااااال !

الله يعينكم عليها

 

[سبائك]

متى يمديه يصير لها أول ؟؟؟؟؟؟؟(لما قالت له صوتك تغير عن أول!!!!!!!)

ليش شكثر صار لها توها عروس حسب ما فهمت

لا حول ولا قوة الا بالله عسى الله يهديها

 

[لازوردي]

الصراحه هذي حدث ولا حرج الله يعينكم عليها يصبركم ....

بس حبيبتي انتي قعدي واطمشي عليها لأنه هذي طماشه بس تطمشي عليها ولا تدخلين نفسج بينها او بين زوجها ولا تيبين طاريها بأي شي جدام اهل زوجج و ذا اهم قالوا لج شي عنها يعني سؤال او اي شي كله قولي مادري ....

 

[cat women]

شوفي مشكلتج تقريبا نفس مشكله اختي مع مرة حماها انا اقولج احسن حل اخذيها على قد عقلها وسمعي من اهني وطلعي من اهني والله يوفقج

 

[MaYoOoma]

شهالاشكال !!
حقريها ولا تسألين عنها ولا تهتمين فيها كلش جنها مو موجوده بالبيت

وسوي روحج ماتدرين عنها كلش ولا هامتج ، بصراحه قليلة أدب هذي
انا حماي من قبل لا يتزوج استحي اسولف معاه والا اقوله شي !!
بعد واهو متزوج بسولف معاه واطيح الميانه!!
واي فشله ماحب جذي

 

[شهدQ]

ماعليك فيها طنشيها لو انك مو مميزه جان مااحترت منك

عطيها بااختصار بو لباس

 

[مـــــــذهـلـة]

اول شي مبروك

ثاني شي خليها تولي صراحه انتي غلطانه لما رحتي تسوين لها كيكة لا تعطينها وجه واذا كلمتج كلميها عادي

 

[[ . . Jee Jee . . ]]

آنا اقول .. هذيج ختولي وماعليج منها
يقولون ما محبة الا بعد عداوة باجر تصيرون شحليلكم معه بعض
بس انتي خليج عادي معاها .. واهي كيفها
كل وحده اتسوي بأخلاقها وتربيتها
والناس تعرف تفرق بين اللي شايفه خير واللي لأ ماصدقت على الله ترفع خشمها !!

المهم زوجج .. لازم تعاتبينه

حبيبتي يا زلابيه لا تعورين قلبج
ادعي ربج يفكج من شرها
ويحنن قلب زوجج عليج ويخليه لج

ويخليلج شوق ... ومبروك حبيبتي
ديري بالج على روحج