مرت حماي الله يسامحها

[كول سلو]

ياعمري فــديتكم وحده وحده كلكم عشان ماانسى احد عسى ربي يوفقكم على هالكلام اللي يشرح الصدر والله بنات احس لمن قريت ردودكم ارتحت ​

 

[FiOnKa]

يعني هي مافكرت انه ربها اللي عطاها وحرم غيرها قادر ياخذهم منها ويخليها تذوق طعم الحرمان

انتي قوليلها كلمتين هذي حكمه ربي وانا مااعترض عليها وبس

صدقتي والله هذا اللي طرا على بالي و انا اقرا الموضوع ~

حبيبتي لا تحرين روحج هذا الشي بيد الله ,

الله سبحانه و تعالى اذا قال كن فـ يكن حتى لو زوجج معاه ضعف

و مرت حماج حقريها ,

و اذا انتي سولفتي و اهيا تحجت لا تعطينها ويه وله جنها اتكلم جنها الهوى

و غيــر هذا حركاتها قديـــمة شخباري هالحركات ذكرتني بـ خالتي قماشة :eh_s(4):!

 

[المــايقـهـ]

اذا تكلمت عن موضوع الحمال وهيك مسكي فونج وطقطقي فيه وحطي رجل ع رجل بعد بيني لها ان مو هامج هالموضوع و اذا قطت عليج نغزات ردي عليها ابرووووووووود والكشره من هالشق ل هالشق يعني لا اتبينين لها ان انتي شايله هم الحمال وقولي لها اصلا انا وزوجي مانبي انحمل الحين لاحقين عالجهال تونا معاريس نبي نستانس بحياتنا وطبعا هالكلام لم اتقولين لها ابرووود وابتسامه و طاف خليها هي والطوفه واحد اللي مايحترمج ويعبرج خليه هو والطوفه واحد

 

[انصاريه قمره]

مشالله عليج الله يكثر من امثالج مبين عليج انسانه راقيه ومحترمه ومتربيه واهي ميته قهر منج ولو مو محتره ما كان هذا اسلوبها معاااج فديتج
والله يرزقج بتوم انشالله عاجلا غير اجلا يا رب العالمين

 

[كلمتي من نظرتي]

صدق ان لم تستحي ففعل ماشئت
طنشيها وعيشي حياتك

 

[كاليفورنيا]

اختي لاتحرين نفسج اذا قالتلج جذي قوليلها هالسؤال جوابه مو عندي تدرين عند منو؟؟؟؟؟

عند ربج

 

[حبـ admant ـك]

لا تحرين نفسج
هذي انسانه مريضه
الحمدلله والشكر

 

[Queenleo]

اذا كلمتج مره ثاانيه رفعي صبعج للسماء ووقولي كله بامر ربي الله يعطي والله ياخذ مااقدر اعترض على قدره

 

[ميشو المالكي]

صدق والله طنشي والأرزاق بيد الله وبعدين توك عروس تمتعي بحايتك قبل مايجك ياهل يشغلك عن زوجك وأذا تكلمت معاك بهالشي أبتسمي بوجهها ولا تردين عليها ولا تخلينها تعكر مزاجك وكأنها تكلم نفسها وأذا تبغين الحمل عليكي بالدعاء والأستغفار

 

[الشامخة بوطنها]

بعد عمري الله يرزقج وكل محرومة يارب بالذرية الصالحة بعدين انتي تووج صغيرة وماصار لج مدة مااعليج منهاااا بس اذا تكلمت عن الحمل سكتيهااا قولي لها هالكلمة الله الرازق سبحانة وبسسس وطنشبهاااا اما عن الحمووووات عندي وعندج خيررررر الله يعيناااااااا بس

 

[اميره1980]

لا تسكتين لانها راح تتمادى وياج

اذا بعد مره سوتها قولي لها الرزاق بالسما مو من الناس و انتي وايد مهتمة فيني علشان تسأليني كل شوي نفس السؤال ؟ ما مليتي ؟ جعميها علشان ما تكررها الوقحة و ربج لها بالمرصاد مثل ما عطاها يعطيج و ممكن ياخذ منها بعد

 

[انثى استثناء]

يا قلبي انت ما سويتي شي , عادي ناقشتيها لان مو شرط يكون عندي كود يهال علشان افهم في الحمال
انا ما عندي يهال بس مو معناته ما اعرف شي هذي ايسمونها اطلاعات و ثقافة عامه
لان في اشياء وايد ما لنا خص فيها بس عندنا معلموات عنها , هذا غير تجارب مثل الخوات و او حريم الاخو او بنات عمي , خالي, خالتي , عمتي يتكلمون عن تجاربهم .


اهيه مبين عليها ما تفهم شي و لا جذي عيني عينك تقول الله يعين الي ما عنده يهال
تدرين اهيه الحين على بالها مسويه انجاز انها يايبه يهال عادي هذي سنة الحياة ما في شي غريب او عجيب بس كلشي من ربج الكريم.

انت سكتي عنها و السكوت يموت لان اهو الهجوم المستتر

و الله يرزقج
دام انت و زوجج متصافين خلاص دام القمر معايا مالي و مال النجوم

 

[غير كل الناس]

امي انتي حبيبه قلبي عطيها اكبر طاف بالعالم وعسي ربي يرزقكم بالذريه الصالحه يارب

 

[فوفو22]

مرت حماج قليله ادب

ما تحترم مشاعر ا لآخرين

وهي بالاساس تغار منج وحاطتك براسها

ولكن كوني طبيعية وتحدثي عن كل شي تعرفينه

ولا تعطينها فرصة انها تقولج سكتي

واذا قالت سكتي

قولي لها هالعباره بدون حيا

انا ما اسكت انا انقل تجارب الآخرين

فوفو

 

[صمت المرافئ]

لا تردين عليها
خليها تعرف انج متربية أحسن تربية
وإذا سولفت عن اليهال والحمل لا تشاركين بالحديث
أي موضوع ثاني شاركي
اشتري راحتج
وعالجي انت وريلج
ولا تنسين دعاء الليل وقراءة القرآن
عسى الله يرزقج بالضنا اللي تقر عينج فيه
​

 

[brettey]

وقفيها عند حدها عشان تتادب
ويوم سكتج جان قلتي لها مو انتي الي تسكتيني ثمني اسلوبج معاي انا بالذات

 

[ام محمد***]

1- مرت حمااج مالج شغل بكلامها
خليها اخر الاهتمامات
2- توج ياااااهل ...اقل من العشرين والعمر كله قداامج
لاحقه على اليهااال
واذذ الامر مضايقج
قولي لام ريلج ان السبب منه ...

والله يهنيييييييييج

 

[هاناا]

لا حول و لا قوة الا بالله


اكثري من الاستغفار ان شاء الله الله يرزقج



بالنسبة لمرت حماج


اذا قطت عليج كلمة ( لا تكلمين اذا حملتي تكلمي)

قولي لها و الله هالامور المرة السنعة تعرفها بالفطرة و الوحدة ممكن تتعلمها حتى لو ما حملت تشوف تجارب غيرها

و في وايد حريم عندهم عيال بس ما يعرفون شي

و اذا على الحمال حتى القطوة بالشارع تحمل و اهي ما تفهم

 

[عيش و مرق]

ردى عليها ليش تسكتين خالتج سكتى عنها مره عوده بس هذه شكو تسكتين قولى ريلى يقول مابيج اتحملين توج صغيره اخاف عليج

 

[سيماا]

حبيبتي قولي لها اللي عطاك يقدر ياخذهم ويعطيني
وقولي لزوجك خليه يوقفها عند حدها