مرت حماي الله يسامحها

[كول سلو]

السلام عليكم​

شلونكم خواتي​

انا مو وايد اكتب بهالقسم بس ماكتبت الا وانا ضايقه والمشكله ان ماعندي احد افضفض له لاني اكبر خواتي وامي صغيره مابي اضايقها واكبرها بهمومي​

طبعا انا متزوجه سارلي سنه واربع شهور تقريبا والحمدالله توني ماكملت العشرين بس الله مارزقني بالذريه المهم مو هذي السالفه​

السالفه مرت حماي الله يسامحها​

اذا نزلت تحت عند خالتي تسولف عن حمالاتها وقعدت اناقشها بالموضوع تقولي انتي شعرفج لاتكلمين بالموضوع لاحملتي ناقشينا :eh_s(1):​

قلت شكو انا قاعد اناقشكم لان امي توها والده واحس بمعاناتها وطبعا انا لان تربيتي ماتسمحلي سكت وطنشتها وخالتي عسسسسسسل دايما تقولي ترا اهي مو انتي بس تغثج حتى بنتي اللي اهي حماتي قبل لاتحمل تقول لها جذي لمن الله رزقها وحملت وطخت قلت لخالتي انا عادي بس شنو تمنعني من الكلام يعني مو معقوله ماحملت بسكت ومااناقش مو طبيعيه مرت حماي رغم اني يابنات علاقتي رسميهىمعاها وبحياتي ماغثيتها ولاسولفت عنها او شي واذا شافت ريلي ياي تمسك ولدها وتقول ياحلووووو الصبيان الله يعين اللي ماعنده اعيال ومن هالكلام انا صرااحه اول مره قلت يمكن موقاصده او شي بس يمكن ولاعشر مرات اذا شافت ريلي بس بدت حركاتها يعني تراني انا ولووود وجذي رغم ان انا سببالتأخر مني من ريلي عنده ضعف بالحيوانات المنويه
وخالتي ماتسألني عن سبب التأخر او شي اهي اذا شافتني تقوول امج توها والده ليش ماحملتي انتي ماتعلمتي من امج امبيييييه مادري شقولها يعني امر الله بيدي الارزاق من الله شسوي بنات معاها رغم اني انا مااشيل عليها قلت يمكن طبيعتها جذي وعلى كثر ماتغثني اسكت واطنش :eh_s(2):​

شسوي بنات معاها :eh_s(2):​

 

[الصواني]

الله يصلح بينكم يا رب

 

[ام شووووق]

يعني هي مافكرت انه ربها اللي عطاها وحرم غيرها قادر ياخذهم منها ويخليها تذوق طعم الحرمان

انتي قوليلها كلمتين هذي حكمه ربي وانا مااعترض عليها وبس

 

[ضايعه بينهم]

الله يرزقكم بالذريه وماعليج منهم اذن من طين واذن منعجين طنشيهم
وزوجج عادي الضعف علاجه سهل سواء بالطب او الطب البديل وعليكم بالعسل وحبة البركه وتوكم معاريس تكفين لاتضايقن وانا اختج ان قريتي ردي علي

 

[حور البحور]

الله يعينج حبوبه بس كلمي خالتج قولي لها تكلمها على الاقل تحترم مشاعرج

 

[Velvet-RoseQ8]

شوفي حبيبتي طنش تعش تنتعش
في ناس جذي بس تحب تكدر الغير
فانتي طنشيها جنها مو موجوده
راحت تندقر
والله يرزقج انشالله بالذريه الصالح يارب
لا تهتمين لها وتعطينها أكبر من حجمها
ونصيحه اللي يغثج لا تلتفتيله لأن اذا سوا جذي دليل انه يغار منج
والله يوفقج انشالله

 

[eng^^zozo]

الحقران يقطع المصران ..

حقريها ولا تختلطين فيها كلش مو لازم تشاركين بمواضيعها خليها تقرق تقرق لين تسكت ..

رفعي نفسج عنها وانتي مو بحاجة لمواضيعها ولا لمشاركتها بالموضوع .. واذا تبين تسولفين عن الحمل دشي قسم الولاده والحمل وطلعي كل اللي فيج لا تكلمينها بسوالف الحمل الله يخليلج امج تسولف وياج بهالمواضيع والبنات اهني مايقصرون ..

وهذا بيد ربج يعني لا بيدج ولا بيدها اهيه باجر تشوفين هالعيال اللي تفتخر فيهم يقلونها بالشارع

حمدي ربج يمكن خيره لج ماتحملين الحين .. الخيره فيما اختاره الله

 

[دمع القلوب]

قوليلها نفس كلام ام شوق بالضبط خليها تحس على دمها مالت عليها بس
وقد ما تقدرين طنشي ولا كأنها موجوده

 

[*peace*]

هذي من الناس اللي تخاف ماتختشيش

اذا بتوقفينها عند حدها ردي عليها لاتسكتين

اهيا ماتستحي ليش تستحين منها وتخافين؟

لي قالت لج جذي مره ثانيه قوليله والله انا مابي الحين وزوجي يقول مابيج تحملين الحين

بستانس بجسمج الحلو

مومثل بعض الناس صايره قطوه ويط ويط ويط

توني صغيره حتى ماوصلت ال٢٠

وقوليلها بصوت واضح وخزيها عشان تاكل هوا وتنجعم

ترى اذا ماوقفتيها عند حدها بتتمادى اكثر من جذي ردي عليها

شبتسويلج؟؟؟بتطقج !

وكلمي زوجج وتفاهمي معاه انكم ماتبون الحين عشان لايخورها جدامها جليلة الحيا

 

[كوب كابتشينو]

ماعليج منها انتي اهم شي زوجج وام زوجج وصدقيني ام زوجج مو ساكته ولا تدافع عنج الا لانها تحبج ولان تدري ان من ولدها واكيد قايلها ان فيه ضعف بالحيوانات المنوية هذه امه عادي يقولها حطي نفسج مكانها صدقيني راح تقدرج واهيا مقدرج وتحبج وماعليج من مرت حماج
واذا سوت جذي قوليلها وي انا شقلت
واذا قالت ياحلات الصبيان قولي اي والله اسم اللهعليه اينن الله يحفظه لكم
كسري عينها بالكلمة الطيبة وغلبيها
وخليج مع خالتج وبس ولاتزعلين منها لانها مسكينة وانانية لو انها تحترم وتحشم جان ماقالت هالكلمة وهذا حماها يعني حسبة اخوها
بس صدقيني كلمن يمشي على تربيته
انتي ربي يرزقج بالذرية الصالحة قولي حق ريلج يجرب الحجامة وشوفي في قسم تاخر الانجاب في وحده زوجها جرب الحجامة ونفع معاها
والا جربي اطفال الانابيب عسا ربي يرزقج بالذرية الصالحة توأم بنية وصبي يارب
وتوج عنوونه نتفه اسم الله عليج لاحقه على الشقا والهم والتربية خلصي دراستج وعرفي انها خيره لج هالتأخيره عشان تخلصين بسرعه وتتخرجين
ربي يرزقج بالرية الصالحة باقرب وقت يارب
والله يحفظلج الوالدة يارب

 

[زوجة عزيز]

امبيه صج ماعندها ذووق ولا تحترم مشاعر الناس حبيبتي ماعليج منها ولا تفتكرين فيها والله يرزقج بالذريه الصالحه ان شاء الله انا بعد حماتي كانت اتقول حق اختها ان انا للحين ماحملت وان اخوها ليش للحين مخليني على ذمته وسمعتها اتقول اشيبي فيها حسبي الله ونعم الوكيل بس فوضي امرج لله وحده واهم شي ام زوجج راضيه عليج وزوجج والله يخليهم لج حبيبتي

 

[tmtmt]

انا ضد الي قالوا طنشي
لني مريت بلي فيج

وقفيها عند حدها ...

اذا قالت شي
ردي عليها بجم كلمه مو لي كلام
كلام يخليها ما تفكر تفتح الموضوع معاج مره ثانيه

وقوليلها ليش انتي ماتدرين ان الله رزقج مو تعلموج
لو على العلم جان انتي ماعندج لن مخج مقفل

قوليلها على طنازه
توني ادري ان حملتي لنج تعرفين شلون
وتوني ادري عندج صبي لن انتي الي اختزتي
احسب الله رازقج

استغفر الله

الي ما يستحي لا تستحين منه

 

[njoom1]

طنشيها خل تولي
بدال ماتحمد ربها على النعمه تقعد تقط حجي تدور المشاكل ...اتعب الاوادم مادري شنو مستفيده الحمدلله والشكررررر

طنشيها حبيبتي ولا جنها موجوده والله والله بتموووووت قهرررر
ومهما تسوي طنشيها وتعوذي من ابليس عشان لا يوسوس لج

 

[روح مغليها]

انا اقوول اقرصيهااا مره بزفه محترمه عشان تنتبهه
شكلهااا ياااااهل حدهاا

 

[قلبي سلومي]

شوفي بقولج موقف
مرة كنا قاعدين بالبر وكان شهر 1

وقاعدين بخيمة مرت حماي وقاعدين انا وحماتي وحريم حمياني

المهمعندي اثنين من حريم حمواني خوات وحدة قديمة متزوجة من قبل والثانية دخلت معاي المهم

اللي دخلت معاي حملت قبلي ولا تقول حق اختها يما فديت الجهال يازينه لا قال ماما الله يعين اللي ماعنده ما ادري عن نيتهاوماكنت مهتمة

جتني حماتي قال شفتي شقالت ومااهتميت وعقبها بشهر يعني شهر 2 حللت حامل واول مادرت والله شهر تباركلي احسها مو مصدقة

طنشي حبيبتي ولا تهتمين

 

[ترجمة احساس]

الله يرزقج بالذرية الصالحه المعافى عاجلا غير آجلا وكل المسلمين والمسلمات يارب

 

[حـنـيـن 83]

البنات ماقصرو
وانتي لا تضايقين
الله يرزقج بالذريه الصالحه المعافاه

 

[~ الــــزيــــن ~]

استغفر الله شهالناس اللي ماتحمد ربها ع النعمه اللي عندها وتقعد تنغز غيرها
يعني هي ماتدري ان الله قادر ياخذهم منها كلهم بلمحة بصر

هذي ودج الواحد يجعمها صراحه قوليلها بدال لاتنغزين ادعيلي واحمدي ربج اللي عطاج اياهم
لاياخذهم منج لانج ماشكرتيه عليهم وقمتي تنغزين

الله يرزقج حبوبه لاتحاتين والله العمر قدامج يا حياتي توج صغيره وتوكم فديتج
والله العظيم والله على مااقول شهيد بنت اخوي قعدت 4 سنين
وهذي هي الحين ربي لك الحمد 3 بنات الله يخليهم لها يارب
وحماي 20 سنه والحين عنده بنت

ادعي الله وقومي الليل واقري الايه اللي حاظتها بتوبكج 40 مره بالسجود
مع التضرع لله سبحانه ووالله بنت اخوي تقول كنت كل يوم جذي ماعدا الشهر الاوانا حامل
وهي كان لها 4 سنين

صدقيني اللي يدعو ربه مايرده خائب وهو قال بكتابه الكريم ( ادعولي استجب لكم )
والله يرزقج عاجل غير اجل يارب العالمين

 

[sharshora80]

لاتسكتين ولا تعطينها ويهه
ان سكتي راح تفتحها عليج بكل مواضيع مو بس موضوع الحمال راح تقول هذي ضعيفه وباخذها بالساني
لا ياعمري بكل موضوع شاركي مو هي اللي تقولج سكتي وانتي اشعرفج

 

[مطيرية والعزليه]

الله يعينج علي هالغثه مالج الا تكبرين عقلج وتطوفين لها والله يرزقج ولا يشمت فيج احد