مرت الايام والحلم انهدم ::< حلم حياتي تبخر وانا السبب

[لولا المحبه]

حبيتي انا حلمي كان هندسه وودي ادش ودشيت علمي ونسبتي حلوه والله ماكتبلي ادش هندسه ، ترى مو واقف هالشي على ادبي وعلمي وتقدرين اتصيرين اكبر دكتوره بالجامعه مثلا ادرسين ماده ، او محاميه او دكتوره بعلم النفس او او في شغلات حلوه مايسوى اتعيدين الشهاده وتسقطينها وتعالي انطري قبولج ومادري شنو ؟؟ ترى هم اذا دشيتي علمي شالللي يضمنللج قبولج بالطب او الهندسه ، واي تعالي شسمه انتي اي كليه ؟؟ شدي حيلج واخذي ماجستير ودكتوراه احسن لج وتصيرين احلى دكتوره وخلج من عوار الراس والشهايد وانا صرآحه ولا مره سمعت في شهاده تعادل الثانويه او شي جذي الا اذا عدتي الثانويه كلها ! واذا تبين هندسه ماتبين دكتوووره < لووول قمت اخيرج بعد ، دشي مثل ماقلتي كليه التربيه وعليها جم سنه اتصالات وملاحه وتصيرين مهندسه كهربا او اتصالات او او يعني شوفي اللي يناسبج ، وحبيبتي جيكي على الجامعات الخاصه يمكن في شي ماشيات يمكن يقبلونج يسولج توفل او شي سألي

 

[يوآش يوآش]

رد : مرت الايام والحلم انهدم ::< حلم حياتي تبخر وانا السبب

الله يوفجج ,,

 

[حـوريـه]

آلله يوفقج

 

[pure-poison]

رد : مرت الايام والحلم انهدم ::< حلم حياتي تبخر وانا السبب

كملي بمجالج لاتضيعين وقتج وتفوقي وعقبها اخذي ماجستير ودكتوراه احسنلج من الطب واللوعه والتعب اللي فيه والهندسه عفيه مريهم بالخالديه وشوفي وضعهم مساكين نادر انج تلقين احد ماعنده انذار الا من رحمه ربي او اللي عنهم واسطات او اللي ياخذون الدرجات بطرق ملتويه وشوفي اغلبهم عقب جم سنه يتخرجون نادرين اللي يتخرجون بخمس سنين
قولي الحمدلله وكل شي خيره من رب العالمين

 

[Miss McDonald]

السلآم عليكم ورحمه الله وبركآتهـ ..،

صبآح الخيرر ..، :blueSmCLR:

حبيبتي انتي لآزم تقتنعين باللي الله قسمه لج ..،
مولآزم كلنآ نصير دكآترة ومهندسين ..،

بس بنفس الوقت لآ تتكآسلين ..،
حآولي تدورين عن الامل المفقوووؤد ..،
وكملي درآستج بمجآل آدبي وآخذي مآستر ودكتورآه ..،
ولله يووفقج .. :hjy5jewf:

 

[عيون منوعه]

حبوووووبه

انتي تبين يكون قبل اسمج دكتورة

دخلي علم نفس والله تخصص حلووو . . . و آنا طموحي طب و ان شاءالله اقدر عليه

و عسى الله يفرج همج يااااااااااااااارب

 

[رهام الكويت]

الله يوفقج ويكتب لج اللي فيه الخير

 

[ii DareeN ii]

رد : مرت الايام والحلم انهدم ::< حلم حياتي تبخر وانا السبب

الادبي يقبلونهم اتصالات وملاحه ويقدرون عقبها يكملون هندسه اتصالات او هندسه كمبيوتر

التخصص الي يقدرون يكملون عقبه طب اسنان اهم فنيات صحة الفم بس اهم بالاساس علمي يعني ماتقدرين


خل اقولج شغله انا الوالد كان عنده صديقه عنده معيد عندنا بالجامعه فجاه عاد الثانوية ودش كلية الطب ودرس طب واهو كبير وتخرج انتي خلصي شهادتج هذي ضمني شي وعقب فكري بشي ثاني عادي ترا موغلط انا درست تخصص واكتشفت ان في مجال العمل مو مرغوب والحين رجعت دشيت جامعه خاصه ورجعت ادرس توج في اول عمرج ركزي وتخرجي وعقب تقدرين تشوفين تعيدين الثانوية او شنو ممكن تسوين

 

[برتوته]

والله حبيبتي خيره لج ماتدرين يمكن لا صار شي وحولتي ولا رحتي حق الطب او الهندسه ماتدرين اذا بتيلج نفس الحاله لما حطيتي علمي بالتثنويه فانا من راي ان تحبين الي انتي في الحين وتتوكلين علي الله
عسي ان تكرهو شيئا فهو خيروا لكم

يمكن الله صرفج عن الطب او الهندسه علشان في شر لج

وموفقه حبيبتي والله يعطيج الي تتمنينه

 

[spanish-girl]

حياتي والله عورتي قلبي لا حول ولا قوة الا بالله عين وما صلت على النبي الله يفرج همج يارب

والله مادري شنو اقولج غير الله يوفقج ويسهل امرج

 

[lovely jojo]

الله يوفقج يمكن خيره

 

[najla86]

سبحان الله

كل اللي يعرفني يقولي انتي قلبج بااااااااااارد


لا انا قلبي مو بارد انا قنوووووووووووووووووعه واي شي ما ينكتب لي ماتحسر عليه نهائيا لانه اكو مواقف لي الراس تكون عكس اللي انا ابيه بعدين ارتاح بهالشي اللي ما ابيه والحمدلله




انا انصحج بهالمثل

القناعة كنزززززززززززززززززززززز لا يفنى

اذا فهمتي هالحجي راح تصيرين سعيده نفسي

 

[nona kwt]

اول شي اعذريني وثاني شي اعتقد هالمرحله مفروض تتعلمين منها انتي ماتقدرين ع المواد العلميه مواد ثانويه ماقدرتي عيل شلون مواد العلميه بالجامعه انا بالجامعه الحين صدقيني دامج ماقدرتي بالثانويه ماراح تقدرين ع مواد علميه بالجامعه وثاني شي حمدي ربج وهذا ربي كاتبه لج ثالث شي اشفيها التخصصات الثانيه هاذي مشكلتنا ياكويتين عبالكم طب هندسه محامه كل شي في الف تخصص غيره ماراح توقف الدنيا اذا مارحتو حق هل الاشياء قولي الحمدالله احسلج ترا النعمه زواله

 

[ريماس21]

الله يعينج يارب ويوفقج ويسرلج امورج

والله ماا اعرف احد يقدر يساعدج

 

[Tom ♥ Jerry]

.

خيره حبيبتي !
أنتي الموآد العلميه بالثآنوية مآ قدرتي تستحملينهآ و نفسيتج تعبت منهآ
عبالج الطب أو الهندسه أسهل يعني .. خيره يا قلبي =)
و دشي اي تخصص حلو و موفقه يارب

.

 

[بولندية]

شوفي حبيبتي مو كل شي نتمناه راح ناخذه

انا لما دشيت الكلية كنت ابي تربية ومت من البجي لما ما قدرت احووول كنت ابي بمدرسة ورفيجاتي كلهم حوولوو تربية

خصوصا تخصصي ما يشغلني بمدرسة أبــــــــــــــــد


بس الحين وين داومت بإدارة نظامها نظام مدرسة كله بنات ونعطل نفس المدارس و لادوامي احلى لانه مافيه طلبه ولا طالبات يعني ما نشيل مسؤولية و الاستئذانات على كيفنا مو نفس المدرسة تيي لج ناظرة ولا وكيلة و مديرتنا تينن

ورفيجاتي اللي حوولوو تربية طبعا توظفو بس تحسفووو لانماصارلهم سنيتن من توظفو مدرسات ودهم يحوولون اداريات

عرفت انها خيرة من ربي لما ماقدرت احوول
انا قرقت عليج بس كنت ابي اقولج ماتدرين يمكن وظيفتج بالنهاية تكون احسن و اريح

و انتي فكري جذي ان شغل الدكتووورة لوووية و واذا تزوجتي ان شالله شلون بتوازنين بين شغلج شفتات وبين بيتج
ان شالله الله يبعد عن البجي و تتفائلين يارب و تكملين دراستج و تشتغلين بمكان تحبينه يارب و يعجبج

وايد بنات ما حققو احلامهم اول بنتت خالي كانت تبي طب مثلج و تخصصت تغذية و راحت تكمل بأمريكا تقول الاسم اني اصير دكتوورة

شوفي غيرج و بتلقين مو بس انتي اللي ما حققتي احلامج و

 

[مدام زيزو]

رد : مرت الايام والحلم انهدم ::< حلم حياتي تبخر وانا السبب

كان اول يصير تاخذين مواد تعادل وتسوين شهادتج علمية بس الحين وقفوها كانت بالبحرين
دشي شي بالمجال الادبي يكون عاجبج وكملي عليه ماجستير ودكتوراه

 

[بولندية]

ذكرت شغلة كنت مستعيلة لما كتبت ردي الأول


وحدة تسولف لي عن رفيج ابوووها تقول طوول عمره امنيته يصير طيااار ومن كان ياهل يسوي نفسه طيار و يقلد اصوات الطيارات

ولما كبر دش الطيراان و تخرج طيااار بس شصااااااااااااار













































































































قبل الوظيفه يسوولوهم فحص طبي و اكتشفوا عنده الظغط وقالوله ماتقدر تستلم الوظيفه لانه اللي فيه الضغط خطر عليه و عليه الناس اللي بيكونون معااه وانهاااااااااااااااااااااااااااااااار بس شيسوي نصيبه

 

[ليتني مـآ كبرت]

حبيبتي لا تلتفتين للماضي .. طالعي فـ المستقبل

و حاولي تجددين الحلم اللي انهدم داخلج بس بشرط خلي هـ الحلم يتماشى مع واقعج

دشي تخصص انقليش دامج قوية فيه و كملي بعدها دراسات عليا

و إن شاء الله تشوفين بناتج وحدة مهندسة و وحدة دكتورة و يحققون لج حلمج

 

[جلاديلياس]

خيره حبيبتي