مرت ابوهم اتوديهم للشقه........

[راعية الذيب]

السلام عليكم​

اشلونكم​

حطيت العنوان جذيه علشان يلفت نظركم وتدخلون واتساعدوني​

ياا بنات انا قبل امس وانا ما نمت عدل (( 14 من صيامنا ))
السالفه اني عيال جارنا يقرقعون علينا والا تقول لي اختهم الكبيره : خاله عادي نقعد عندج لحد ما يجي ابونا ​

الا اقول : ايه يا قلبي
وادخلوا وراحوا عند بناتي واقعدوا عندهم لحد ما جا ابوهم واخذهم
جتني بنتي الصغيره (( كبر اكبر بنات جارنا - 13 سنه ))
الا تقولي : يماه خلي (اسم البنت الكبيره )) وخواتها يجوني كل يوم​

قلت : عادي يمج بس ابوهم يمكن ما يرضا او مرت ابوهم ما اتوافق
بنتي: يماه تقول __ انه مرت ابوها ابوهم امس ودتهم عند صديقتها وقرقعواا مع ربعهم
انا: ربعهم؟؟
بنتي: ايه
انا: ربعها قصدج
بنتي: لا رياجيل وحريم
انا: شنو؟؟؟؟؟؟؟؟؟؟؟؟
بنتي: ايه تقول ___ انها هي واختها __ ودتهم عند صديقتها ولقوا حريم اول مره يشوفونهم ومعاهم رياجيلهم يرقصون ويغنون قرقيعان وقرقيعان
انا: وعيالهم معاهم؟
بنتي : لا​

ما اطول عليكم كان كلامنا واجد عرفت منه انه مرت ابوهم قاعده مع حريم ورياجيل وكان بينهم رقص وغنا ولعب والله اعلم ​

لما صار باجر قلت حق الخدامه اتنادي البنات علشان يجونا
وجونا
وقعدت مع الجبيره بعد ما سلمت عليها وتطمنت عليها وضيفناهم ​

قلت لها
انا: قبل امس وين كنتم فيه
هي: في بيت خالتي معصومه
انا: بس اللي اعرفه انه مرت ابوج ما عندها اخت اسمها معصومه
هي: اي بس هذا مو اختها هذي رفيجتها
انا : اها شنو كنتم اتسووون
هي : كنت انا واختي قاعدين بالصاله الداخليه ومرت ابوي وخالتي وحريم ومعاهم عمي فهد وعمي شاهين ورياجيل ما اعرفهم قاعدين بالصاله اللي باول دخلت الشقه​

انا: شقه؟؟؟؟ ومنو هذولي شاهين وفهد؟ اخوان ابوج؟
هي : لا
انا: اجل منو
هي: ما ادري بس مرت ابوي اتسلم عليهم ( بوس ) وخالتي معصومه بعد
انا: اخوانهم؟​

هي : لا لانه فهد عايلته اسمها ___ ومرت ابوي عايلتها-____
انا: غريبه -- شنو يسوون؟
هي : ما ادري مرت ابوي اتخلينا ندخل داخل وتقول لنا لا تتحركون عن مكانكم الا لما اجيكم​

قعدت اسالها​

كلامها خلانا اشك في شي
والله اني خايفه
وخايفه يكون شكي بمحله ​

يا بنات شنو اسوي انا خايفه ع البنات اتسوي فيهم شي​

علموني دبروا لي حل ​

وما قصرتوا ​

 

[دلع العتبان]

يماااااااااا الله يعين هالبنات واااي صدمه والله وحيره حسبي الله عليها هاذي وين قاعده انا اقول يختي تقولين لابوكم وابوكم يقول لابوهم بس من غير مفاجئه بتلميح حسبي الله عليها هالخايسه كفو عيال تربيهم هاذي الله يتكفل فيها ويحمي هالجهال منها والله مساكين

< السالفه عورت قلبي وااي ​

 

[راعية الذيب]

لا يا بنت ما اقدر اقول لزوجي ما ابي اسبب له مشاكل هو في غنا عنها

محتاااااااااااااره والله

 

[lolayasmeen]

الله يستر حبيبتي بدون تردد خلي ريليج علي علم بالسالفه وتشاوري انتي وياه وريلها لازم يدري بالسالفه
الله يستر علي البنات ....... اصعب شي الخيانه الله لا يبلانا عاد في هالشهر الفضيل ما سوت له حرمه
مساكين البنات قطعو قلبي انزين امهم مطلقه او متوفيه اذا عايشه الام لازم تدري علي شان تحفظ بناتها باجر يصير شي الله لا يقوله حسبي الله ونعم الوكيل

 

[lolayasmeen]

لا يا بنت ما اقدر اقول لزوجي ما ابي اسبب له مشاكل هو في غنا عنها

محتاااااااااااااره والله

بس حرام لازم احد يدري باي طريقه الله يستر علي البنيات:yaaaaaarb:

 

[lolayasmeen]

انزين اذا احد يعرف رقم تلفون ريلها خل يدز له مسج يعلمه باللي قاعد يصير من وراه

 

[راعية الذيب]

امهم متوفيه الله يرحمها قبل سنتين بحادث
وامهم الله يرحمها يتيمه مالها الا اخو واحد

والله اني خايفه ع البنات

وخايفه علي زوجي

شوروا علي غير زوجي تكفون

 

[راعية الذيب]

انزين اشرايكم اشتري خط واسجله باسم اي هندي واعطيه فلوس وادز له

بس شقوله؟؟؟؟؟؟؟

بس خوفي يجيب اسم راعي الخط ويقوله منو قالك

ما ادري شنو اسوي !!!!!!!!!!!!!!!

 

[امي الحنونه]

سوي مثل خطتج وانشاءالله خيرررررررررررر اي عطيه فلوس وخلاص حرام

 

[دلع العتبان]

دقي من تلفون عمومي من محل او شي من جذي قوليله كلمتين مرتك جذي وجذي وسكري الخط وفكي عمرج او من مستشفى عادي من تلفون الرسيبشن او الي بالدروب والله يساعدج لاتشترين خط الخط الهندي بسرعه يعلم ربي يفرج عليهم ،،،​

 

[ASOMA]

اختي ما يبيلها تفكير قولي لريلج يقول لأبوهم بالعكس جذي بتكبرون بعيونه

وبعدين صدقيني البنات اذا صار فيهم شي لاسمح الله احد تعرض لهم وهم هناك

الله بيحاسبج لأنج دريتي وما تكلمتي لازم لازم لازم تقولين لزوجج يكلم ابوهم​

 

[ASOMA]

او دقي من مستشفى من عند الريسبشن

 

[راعية الذيب]

اشلون اقول للبنات عطوني رقم ابوكم؟؟؟؟ اخاف يقوولون لابوهم اني انا اخذت رقمه منهم وهني يعرف اني انا اللي دقيت

والله محتاره

 

[دلع العتبان]

اكيد رقم ابوهم عند ريلج اخذي تلفون ريلج واخذي فونه والله يوفقج يارب​

 

[دلع العتبان]

والبنات ماعندهم فون اكيد مسيفه رقم ابوها اخذي فونها على ابو تلعبين فيه واخذيه الله يساعدج قوليلنا بعدين شنو صار ؟​

 

[Dalal.al3tibi]

لا تسكتين ذنبهم برقبتج باجر يكسرون البنات مع الأشكال هذه ويختربون

 

[آتعــبني غـلآآك]

سوي مثل ماقالوا البنات دقي ع ابوهم
حسبي الله عليها هذولي امانه برقبتها
واهي توديهم شقق

 

[راعية الذيب]

البنات خوفي يقولون لابوهم

لا اخاف اقول لزوجي عطني رقم الرجال راح يقول اشعندج وليش واشحقه ما ابي يشك بشي

ماكو الا اني اقول للبنات يقولون لابوهم انه اذا مرت ابوهم تبي تطلع يقطهم علي ويلعبون مع بناتي ومنها يوسعون صدرهم ويستانسون

 

[دلع العتبان]

وه ماحلينا المشكله اليوم عندج باجر شبيصير فيهم هذا عمر واحتاك دائم موحل تجيبينهم عندج كل ماراحت المره واكيد الرجال بيتضايق يوم يووديهم كل يوم عندكم ويحس بحساسيه تجاهكم انا اقول سوي مثل ماقلنالج حبيبتي والله الساكت عن الحق شيطان اخرس وانتي الحين عرفتي باجر البنات بيدمنون على الشقق اعوض بالله وهاذي بسن جريب للمراهقه والله المستعان ​

 

[حطمۈكہ يآقلبي]

بتجيبين لــج المشاكل جذي
​