:denya:اه بس لو اطيحين بيدي تدرين شسوي فيج بابغسل مخج واخليج تنسينه
حبيبتي انا لما كنت كبرج كنت احب ولد خالتي احبه موت وربي يبت دور ثاني بنفس السنه اللي حبيته فيه وكنت ماادرس ومطيحه فبيت يدتي وبس يدخل ابتسم واستانس ولاحد يقول انه بيتزوج ابجي بجي
والله كتبي كله احرف اسمه وقلوب حب وطاولتي المدرسه كله اسمه وماادري شنو يعني كنت اموووت فيه حيل واعشقه ومعجبه فيه حيل بس اهو ما يدري ولا شي وعادي كان يعاملني حالي من حال بنات خالي الباقين وكنت انقهر لما اشوفه يسولف مع وحده غيري
استمريت على هالحب 3 سنوات ونص وبعدين يا اليوم اللي نقعد انا اهوه بروحنا الله رزقني بهاليوم اهلي طالعين لعرس بنت خالتي واخوي كان طالع مع ربعه بس فالبيت انا والخدامه وقعدنا نسولف وجذي وبعدين اكتشفت اننه يحب اختي اكبر منني طبعا انا مت قهر وكنت ببجي جدامه بس مسكت نفسي وضغطت على عمري عشان مايشوف دموعي على شانه
المهم صرت ابتعد عنه شوي شوي لين الحين اعتبره نفس اخوي والله انا الحين عمري 19 وكل مااذكر سالفتي اقعد اضحك على نفسي واقول حسافه ضيعت دقيقه بالتفكير عشانه والحين فبيت يدتي لنا اشوفه انتهاوش مع بعض ويصير طق بينا الله وكيلج تخيلي تحول من حب الى اخوه والله لما يسولف اجعمه واطنز عليه واعيب ولا همني الحب
لانها فتره مراهقه وفتره نقص حنان وعاطفيه حيل والحمدلله على كل حال شفتي قصتي بدات من عمري 13 لي15 وانتهت وبعدين صارت اخوه واكثر من اخوه بعد
نصيحه لا تعلقين روحج بوهم ماتدرين باجر يتزوج وانتي تقعدين للحين شايله حبه اذا في نصيب بيي يخطبج
حاولي تقربين من ربج يعني لا تفكرين بالحبيب وايد سوي اي شي يلهيج عنه وبعدين راح تنسينه شوي شوي
والله يوفقج بدراستج وادشين احسن تخصص وتتزوجين الريل الصالح يارب
_03BA:
وسوري طولت وايد بس لانج ذكرتيني بنفسي حيل وقلت بقول قصتي لج يارب استفدتي شوي
