مراهقه محتاجتلكم

[ريري-14]

بنات انا عمري 14 سنه واحب ولد ولد خال امي واهوا عمره 20 اكبر مني بست سنين وانا احبه من سنه ونص واهوا مايدري وانا عندي رقمه بس مو قادره اقوله كل يوم عن يوم اتعدب اكثر صرت مااحب اطلع اقعد طول اليوم بالدار ابجي ومره سمعت انه يحب وحده وبيتزوجها صار فيني انهيار عصبي واخته وياي بس مو واايد واايد واهوا يعرف اخوي واهوا الحين مسافر ومادري شسوي ودي اقوله اني احبه بس اخاف يتكلم احترت صار فيني ضغط وقولون من كثر الحره والله خايفه ونفس الوقت احبه ودي اقوله بس بطريقه غير مباشره

بليييز ساعدوني قاعده امر بظرووف صعبه وااايد واللي عندها طريقه تقدر تساعدني تدزلي عالخاص

الله لا يحرمني منكم :*****

 

[الميث]

رد : مراهقه محتاجتلكم

اولا

قولي لا اله الا الله محمدا رسول الله

ساتكلم معك بصراحه

مو شرط اللي تحبينه وتتمنينه يكون سبب سعادتك في هذه الدنيا

وانتي صغيره يا عزيزتي والحياه امامك سترين الكثيرين وستمرين بكثير من التجارب الى ان تصلي الى ماكتبه الله لك

ابتعدي عن حب الطرف واحد وانظري لحياتك الدراسيه والتي ستكون مفعمه بالخير انشاءالله

ولاتجعلي تيار الحب ياخذك الى المجهول وغالب المجهول الندم والحسره

استغفري الله وقولي ياربي انا عبده من عبيدك فاغفر لي وارحمني وخذ بقلبي لطريقك

فانت تعلم وانا لا اعلم فاقدر الخير لي ولاتجعل الشيطان يزين لي الدنيا بذنبي التي سترميني في نارك

لااله الا الله محمدا رسول الله

 

[دهن العــود]

رد : مراهقه محتاجتلكم

مو منج حبيبتي هالحب جاج من مقااابل هالتلفزيوون والمسلسلات الماصخه

شوفي ياقلبي اولا انتي صغيره عالحب والزواج وهالسوالف ثاني شي على اي اساس حبيتيه ؟؟

الواحد او الوحده بالذات لازم تعود نفسها على نسيان اشياء اهي تبيها مو كل شي تبينه راح يحصل لج كاان زيين اي وحده بخاطرها شي تاخذه

اقنعي نفسج انج خلاااص ماتبينه واكثري الاستغفااااار واقري قرآن وابتعدي عن هالمسلسلات والخرابيط ولاتفكرين بهالاشياااء قدامج الدنيا



ولايطري على بالج تقولين لاحد هالسوالف

 

[Tom ♥ Jerry]

رد : مراهقه محتاجتلكم

.


آنتي مراهقه و مشاعرج رآح تتقلب صدقيني !
كلنآ يومـ كنا صغار بهالعمر و اصغر كنا كل مآ نشوف وآحد نحبه !
و على بالنا هاذا فارس الآحلام الي رآكب على حصان ابيض
و نقعد نفكر شلون نوصله آنه نحبه !

هاذا كلا كلآم فاضي .. لا تفكرين تقولين له و لا شي ..
أولا / رآح تطيحين من عينه و من عين نفسج ! آلزم مآ على البنت شرفها و سمعتهآ !
وين كرآمتج ليه رحتي حق وآحد و قلتيله آحبك ؟!
صدقيني رآح يآخذ فكره مو زينه عنج ..
ثانيا / انتي توج صغيره و صدقيني هاذا كلا وهم !
آنتي مآ تحبينه انتي يمكن معجبه فيه .. الآعجاب غير عن الحب !
بآجر لمآ يصير عمرج 25 سنه رآح تعرفين معنى كلآمي

حطي بآلج على درآستج و مستقبلج آحسن و الله !

 

[*قلب جابر*]

السلام عليكم حياتي....
انا باعتبرج مثل اختي الصغيره...
شوفي انتي الحين بسن المراهقه وعداد العاطفه شوي يكون زايد عندج والعاطفه اهيا اللي اتحركج يمين ويسار:hjy5jewf:
والحب والخرابيط والاعجاب نهايتها موجينه:080402ask_prv:
وانتي توج بدايه الطريج بلا هالافكار ياقلبي:blueSmCLR:

فانصحج انج اشوي تمسكين نفسج وتشيلين الموضوع من بالج وتشغلين نفسج بهوايات او الاستغفار:rerrerek:

وربي يهديج ويوفقج:yaaaaaarb:

 

[Miss Invisible]

ما ازيد على كلامهم :d

 

[* ليآن *]

رد : مراهقه محتاجتلكم

اول شي حبيبتي ماانصحج تقولين له احبك لانه بياخذ فكره موزينه عنج

وثاني شي توج صغيره ولما تكبيرين راح تضحكين على عمرج

وغير جذي لما تكبرين راح تندمين انج قلتي له احبك


حاولي تشغلين نفسج بشي تحبيييينه

 

[معزوفة عشق&]

رد : مراهقه محتاجتلكم

كل اللي ابي اقوله قالوه البنات ماقصرو الله يسعدهم ..=)

اكثري من قول ( اللهم يا مقلب القلوب ثبت قلبي على دينك )

 

[anwaroo]

رد : مراهقه محتاجتلكم

تووج صغييره ياحبيبتي بتييلج اشكال والوان من الى تسمونه الحب

تو الناس عليييييييج

 

[طفـشآنه]

,





مرحلة المرآهقه متقلبه جداً اسأليني
بهالوقت الواحد يتهور و يخربط و يتخيل ان يحب لكن الواقع مو حب !

البنآت مآقصرو . . اهتمي بدرآستج و انسيه ,
و اذا مآقدرتي تنسينه ادعي ان الله ينسيج صدقيني بترتآحين ,


عسى الله يعينج حيآتي ^^ ,

 

[الأميرة جوري]

رد : مراهقه محتاجتلكم

ياقلبي انتى بفتره مرهقه هالعمر الوحده تحب الفنانين وتحب عيال العم وعيال الخال يعني انا بعمرج ماخليت احد ماحبيته بغيت انتحر وكل ما اذكر اضحك بس اهو اكبر من يعني عادي لو يتزوج وانتى توج عالزواج ..ولاتفضحين عمرج ودقين عليه واهو ما يدري عن هوا دارج ..وينصدم ويعلم خواته والبناتمايقصرون ينشرونها وطيحين من عيون الكل ...نصيحه اهتمى بدراستج والله يكتب لج الي فيه خير:yaaaaaarb:

 

[بنوتة باباها]

رد : مراهقه محتاجتلكم

مــــــــــاشفتي شي ...


البنات كفوا ووفوا ديري بالج ع نفسج @@

 

[crunchiya]

رد : مراهقه محتاجتلكم

كل اللي قالوووه البنات عين الصوااب

وماعندي اكثر من اللي قالوووه

بس عن تجربه شخصيه

لا تتكلمين معاه ولا تقولين حق احد انج حبيتيه:O_SHH_:

وصدقيني راح تكبرين ووتتحسفين وووتندمين

والحين رقمه امسحيييييه ووهذا كله اعجااااب مو حب وفي فرق بينهم

والله يوفققج:blueSmCLR:​

 

["ملح بدويه"]

حبيبتي على قولتهم توج صغيره

وانا اعرف ارفيجتي تحبلها ولد خالها وله يمكن اكثر من 8 اسنين والي تحبه الحين ملج والبنت غشت عليها وتعبت وبجت وصار فيها انهيارات ومشاكل لدرجه اهلها يدرون اغلبهم حتى امها وكلمته بعد قالت لرفيجتها اتكلمه ,,,,وكلمته بس شنو صار اولا البنت الي تحبه طاحت من عينه ويقول هذي وحده حسبت اختي وسابع المستحيلات اتزوجها لالنها اصغر مني بوااجد
وبعد يقولون ما قام يطالعها مثل نظرت قبل يعني طاحت من عينه حييل ومعنى اهو يدري انها تحبه بس اذا اهو مايحبها شتبي فيه

وانتي توج اصغيره وراح تلقين الي احلا منه واجمل صفات واطباع

توووج

 

[حصــgص..~!]

رد : مراهقه محتاجتلكم

مآ قصصروآ البنآت =)​

 

[اموله الامورة]

حبيبتي انتي توج صغيره وهذا مووو حب هذا بس مجرد اعجاب ومع الايام راح تنسيين

أنتي اهتمي بدراستج ولهي نفسج بأشياء تفيدج ...

 

[» ADMNT 7Ḇк ْ●~]

رد : مراهقه محتاجتلكم

البنآت كفو و وفو ..

على قولتهم وصدقيني راح تكبرين ووتتحسفين وووتندمين

و تضحكــــين على نفسج بعد ..

صدقيني اسمعي كلام البنـــآت لانه عين العقل ..

لا تقولين مــآ اقدر .. لانج تقدرين حــآولي تنسين نفسج و ابتعدي عن اي شئ يذكرج

 

[غرور وايل]

حبووبه ~

تووج صغيره وهذا يعتبر اعجآب ~

الحب عطاء يعني مو اول ما اشووف هالشخص اقول انا حبيته ~

لالالالا الحب مفهوم ثااني مختلف تمااما ~

اهتمي بدراستج وشدي حيلج ~

ولا تقوولين له ولا لاخته شيء ~

والله يوووفقج وتكبرين ويرزقج باللي احسسن منهـ ~

:hjy5jewf:

 

[chocolate&coffe]

رد : مراهقه محتاجتلكم

ما قصروا البنات عطوج الخلاصة من الموضوع

 

[بدورة القمورة]

البنات كفوا ووفوا

اهتمي بدراستج ,

والله يوفقج يارب