^مدمنه ميكاب ؟ حياج دوانيه مدمنات الميكاب ^

[سوسو حبيبتى]

منين اخديتهم شوكليت؟

 

[رورو 88]

دلول الفيتا يقولون ثقيل جنا ماسك ؟ وفاشن فير فاونديشن ؟

بسوي سيرج عنه



جوكليت شكلهم حلوين الانبولات



سوسو اي نفس الحاله لووول

 

[Dloool_q8]

دلول الفيتا يقولون ثقيل جنا ماسك ؟ وفاشن فير فاونديشن ؟

بسوي سيرج عنه



جوكليت شكلهم حلوين الانبولات



سوسو اي نفس الحاله لووول

رورو انا احط نتفه من كل واحد مو ثقيل عادي الفيتا بشكله اليديه احس اخف من القديم بش همن ثقيل
والفاشن فير مكتوب عليه oil free perfect finish souffle make up

 

[رورو 88]

دلول في كذا نوع

^

شكله اينن قوامه عجيب

دلول دزيلي السايت اللي طالبه منه

اذكر رفيجتي كانت مادحته حيييل كانت شايفته على وحده وعجبها بس مو متاكده اذا اهوا ناسيه

 

[manoooram]

Sparkle
شنو هذا ؟؟ وحق شنو ؟

 

[Makeup-Story]

سلاااااااااااام :eh_s(8):

وميكاب ستوري

بذبحج شيشتيني على فور إيفر البرونزر اللمعة جان آخذه وآخذ رقم 5 يهبل يعور القلب

لوووووووووووووووول

عوااافي


اي صج صج اتينن البوودرة انا باخذلي بعد لونين انشالله


عااد حساافه ذاك اليوم رحت تنزيلات جمعية الروضة بس نسيت آخذلي


شريت بس عطوور ما قربت صوب الميكاب أمي كانت معااااي :eh_s(4):

 

[Dloool_q8]

رورو اول صوره حاطتها اللي عندي ماخذته من تهامه العبيد ما يبيعونه بالنت اهي يايبته من امريكا

 

[Dloool_q8]

بنت عمي بامريكا مادري متى بترد شكلي بطرشها عاد اذا رضت مادري

 

[رورو 88]

دلول يسوى ؟

 

[Dloool_q8]

زوووغه والله انا كنت استعمل فاونديشن برونز مخلصه من7 غراش من خذيت هاذا وانا ناسيه هذاك

اقولج انا بجمعية الروضه قاعد ادور البيور زون من لوريال ماكو

 

[رورو 88]

غريبه عاد الروضه فيها كل شي و مكود بالجمعيات

مو موجود بستاند لوريال ؟

مري جمعيه قرطبه يمج اتحصلينه هناك وبمركز سلطان اكيد

 

[عذبـة الاطبآع]

هاي بناات


انا حاليآ بعيده عن مشترآ الميك اب

وقاعده استخدم اللي عندي عشآن افضي ويصير مكان ع الاقل حق الجديد

وبيني بينكم الميزانيه لكم عليها ولاا لو عندي اووووه جان علووووم


المهم كيفوووون صبآيآآآآآ شنوو جديدكم ؟؟

 

[عذبـة الاطبآع]

بخصوووووووووووص فرشة سيقما اف 80

يالبييه بس هذي تخلي الفونديشن خرآفي عجيبه بردت جبدي صراحه عقب فرشة سيفورا

وع وع وع فرشة سيفورا ياهي تخطط ياهي تفشل ووتحسين وبررر بويهج مو فونديشن

 

[مس فاشن]

دلول في كذا نوع

^

شكله اينن قوامه عجيب

دلول دزيلي السايت اللي طالبه منه

اذكر رفيجتي كانت مادحته حيييل كانت شايفته على وحده وعجبها بس مو متاكده اذا اهوا ناسيه

دلول هذا فاونديشن برونز .؟

 

[مس فاشن]

انا بالزواره بس ما فيني صبر على ما ارد واقولكم استعملت فرش ريل تكنيك ملوت الفاونديشن عشان كشوخه والله والله والله اني كل شوي اشوف ويهي بالمنظره عمة ريلي تقولي شنو كريمج قتلها هاذا نفس كل مره تقول صاير غير بس وايد حلو و الكونسيلر مره وحده وزعته بالفرشه وعقب ما خلصت عشان انظف صج صج شي عجيييب

خلاص بقط كل فرشي >>>>>>>>>>> جذابه ما تعبر لوووووول

دلول شوقتيني شنو هالفرشة السحريه

 

[مس فاشن]

وايد الموضوع روعه تعبت نفسيا منكم انتو تسولفون انا اروح الجمعيه اشتري وما استخدمهم
loool
شوقتوني والله
الحين انا اهم شي عندي الفرش واشوفكم تسولفون عن فرش دلول ياخطيره انتي حطي صور بليييييييييييييييييييييييز

 

[Dloool_q8]

اهلين عذوبه وفرشة سيقما حلوه بس الريل تكنيك عندي احلى

 

[Dloool_q8]

مس فاشن والله مو راضي لاب توبي ينزل صور و الايفون ما اعرف ادز منه صور

 

[Dloool_q8]

شوفي بالصفحه اللي قبلها حاطه شنو مكتوب عليه بالانجليزي بس مو مكتوب فاونديشن انا احط منه نتفه بعود الاذون

 

[ام سعود ديكسون]

هلا عمري شخباركم محكورة بالزوارة ما طلعت
اليوم يبيله طلعة تفسفس و صرف ع المكياج

جوكليت عمري بالعافية
الحمدلله استفدتي ما نبي الا الدعاااا 

رورو عمري عاد توني ماخذة من يونيكس فرش الكور ست من ريل تكنيكس
لحقي عندها عروض قاعدة تصفي بضاعتها و الله خجلتني تعاملها حلو و أسعارها لا تطوفج

دلول الf80 الحين غرامي باخذ باك اب منها
الريل تكنيك مجربة البريسايس برش اللي المفروض حق اللب ستيك
احط نتفة من الايشدو الفاتح بزاوية العين الداخلية عند الخشم و تنور لي مكياجي
جربيها و ادعي لي تصير رسمة العين مثل بريتني سبيرز لول

و الريل تكنيك مالت الكونتور بس خلاص صكت علي ماك
حطيت منها الاسبوع هذا طلعت صج تسوي

والباجي ما جربتهم للحين

وميتة أخذ الست الثاني مال العين

صج منو جربت كابوكي برش مالت ريل تكنيكس؟؟؟؟؟*