^مدمنه ميكاب ؟ حياج دوانيه مدمنات الميكاب ^

[BaiTotia]

دلووول وكويتية

أنا ماسكرا هيبونس دراما ماناسبتني ولا حبيتها



وال msf هذي بودرة معادن واللي حطيتي صورهم ينفعون كهايلايتر وإذا لونهم غامج ينفعون كبلش بعد

فيهم لمعة وأغلبهم ليميتد في ألوان معينة بيرمننت بس هني بالكويت ماكو

وفي نوع يصير ناتجرال ومات هذا حق كل الفيس ومتوفر على طول

 

[Dloool_q8]

بيتوتيه شنو الماسكرا اللي ما تستغنين عنها

 

[كويتيه احب الكشخه]

انا دراما ماحبيتها وايد هابينوس العاديه عندي احلى بوايد

 

[BaiTotia]

شوفي أنا الماسكرات لازم أغيييييييير وأغيييييييييير وأدور ههههههه

بس اللي أرد أشتريها وأشتاق لها ديور شو القديمة ومن كثر ماحبها مجربه كل الألوان

تكثف وتطول وماتلزق رموشي وهذا المطلوب

وفي ماسكرة ماركة مي مي من لندن همن نفس فرشتها وطقتها

 

[BaiTotia]

والحين قاعدة استخدم ماكس فاكتر اليديدة البنفسجية

والله خوش ماسكرا

 

[Dloool_q8]

انا احب كثيفين ومفرقين ما احب وايد لازقين لس لاوم كثسفين شوي لاني احط مسكرة شعيرات

 

[Dloool_q8]

http://www.youtube.com/watch?v=eHEFpFCpA-M&feature=g-all-u&context=G2856192FAAAAAAAAAAA
شوفو اللي حطته برموشها اللي فوق نفس لون مسكرتي اللي متوهقه فيها

 

[كويتيه احب الكشخه]

بيتوتيه
مسكره ديور شو تهبل
هبيت فيها هبه

وانا بالمسكرات لازم اخلط ماعرف نوع واحد

 

[BaiTotia]

دلول

عندي مالت ديور نفس لونها بس أهدى شوي

استخدمتها وجنه العيد بس عاد مو على طول ووايد سألوني عنها

وإذا بتخففين لونها حطي فوقها ماسكرا سودة يمكن تخفف أو خليها على رموشج اللي تحت

بس حلو هاللون مع البنيات والبرونزيات نفس ماهي حاطه

كويتية

إيييي مرات أخلط إذا الماسكرا بروحها ماتعطيني نتيجة حلوه واللي أبيها

 

[كويتيه احب الكشخه]

عجيب الفيديو مافيني صبر انطر الحين بقوم اتعبث بمكياجي ولسوي تجاارب 

 

[كويتيه احب الكشخه]

انا احلا مسكره زرقا جربتها شابه وراقيه لانكوم
تهبل
والله بدون مبالغه كل من يسالني عنها
يوقفوني بلسوق ويسالون شنو ماركتها

 

[Dloool_q8]

عندي ملجة ولد خالتي يوم الخميس بلبس جمسوت اسود فيه سلسله ذهبيه ودي اغير عن البرونز بس احس السلسله معقدتني لان راح البس معاه اكسسوارات ذهبيه والذهبي ما راح يمشي معاه الا البرونز والبني والاسود

 

[ام سعود ديكسون]

مسااااااء ااخيييييييير >>> علي طريقة ولد الديرة الله يشفيه

اخيرا حصلت الشيمر بريك
بس حسافة اللي طلعت لي مو خبيرة بوبي براون
ساعدتني فلبينية وانا اسألها تعطيني ابتسامة لووووول


و خذيت باليتين شدو من ديور
٥ ألوان البنفسجي والأخضر من ديور
مجموعة الغاردن
و صبغ اظافر اخضر حشيشي يزوغ القلب لا يطوفكم

 

[Dloool_q8]

عليج بالف عافيه ام سعود

يالله ساعدوني

 

[ام سعود ديكسون]

أنا الحين هابة بهيبانوس دراما بس ما اعرف احطها بروحها
لازم اخلط بينها و بين بورجوا او مايبلين او ريميل
عشان تصير طبقات

غريبة ما حسيتها تنشف !! بالعكس لينة ع الرمش


دلول ليش ما تسوين سموكي زيتي او سموكي بنفسجي
و حمرة فوشيا او حمرااا
احسه ستايل ysl مع بدلة سودااا و سلسلة ذهبية
وايد راقي و كلاسيك

 

[ام سعود ديكسون]

دلول نفس هالستايل

http://www.feteafete.com/storage/po....jpg?__SQUARESPACE_CACHEVERSION=1288583471574

 

[Dloool_q8]

ام سعود انا هابينوس دراما الماسكرا الوحيده عندي اللي اقدر احطها بروحها

مادري انا من قبل كنت لابسته وحاطه شدو ذهبي عالجفن المتحرك واسود خفيف وبني خفيف عالثابت وزعتهم مع بعض وحمره مشمشيه بس ودي اغير

ام سعود انا معقده يعني عندي في الوان تلوق عالذهبي وفي الوان تلوق عالفضي

 

[Dloool_q8]

ام سعود مو راضيه تفتح الصوره حسافه

 

[Dloool_q8]

http://www.youtube.com/watch?v=KPF3Y56C6-U&feature=g-all-u&context=G2856192FAAAAAAAAAAA

اينن

 

[ام سعود ديكسون]

وي حسافة عاد أنا تفتح معاي بس بطيئة

اشوف لج الستايل وانزله رابط