^مدمنه ميكاب ؟ حياج دوانيه مدمنات الميكاب ^

[عسوله ودلوعه]

شوكلليت حبيبتي شسم الروج الفاقع اللي حاطته سواتش على ايدج ياليت تصورين الروج اذا ممكن

 

[حشمه]

ادمان المكياج

http://www.youtube.com/watch?v=-9Elfu5vleM&context=C38a97d8ADOEgsToPDskJPZM2A63cWzE5kNZPjAUiv

 

[ام سعود ديكسون]

شوكليت أنا بعد عجبني الفوشي >>> شنو هالحمرة ؟؟؟

حشمة مجموعته تبرد القلب تحسسني ان مو بس أنا المدمنة بروحي
أنا سيفته بالفيفورت برد اشوفه >>> حالتي صعبة ما تنوصف ههههههه

 

[حشمه]

هههههههه عاد تصدقين شفته شلون يرسم عيونه

ياختي يتمكيج احسن مني

 

[Dloool_q8]

والشحن كل ماله ويزيد ان شاء الله تنحل هالسالفه الخايسه

 

[Dloool_q8]

لوووول توني اشوف البدليات ملوتي طوفو دازه من الايفون

كيفكون؟

 

[ام سعود ديكسون]

بالعافية دلول
بروحي متشيشة ابي الكابوكي و ست العيون
اتوقع راح يعجبونج

ناطرة رايج بست الفرش

 

[LA TROO7]

مساء الخير جميلاات

اخذت هالشي الجميل جداااا من بوبي بروانfoundation oil free مبسووطه فيه اخذت درجه البرونز

شرايكم فيه هل فعلاا يناسب البشرة الدهنيه ؟؟ جربته اليوم اغرمت بدرجه اللون

 

[شذونه]

سلام عليكم

كنت بنزل موضوع عن مشكلتي بس قلت التجمع احسن وياارب تفيدوني
كلكم بسمله عليييكم تهبلون وخبيرات


انا عقدتي المكياج مع اني اموت علييه

بشرتي مختلطه اذا حطيت مكياج تقشرة مع اني ارطبها بمرطب ستيفز بلكولاجين


المطلوب


ابي كريم اساس يثبت ويطلع كنه طبيعي وتغطيته حلوووه مابيه يتقشر ولايتكتل

وابيه حق مناسبات
لون بشرتي مايل ع شوي سمار مو كثيرر لا انا وسط لاسمرا ولابيضاء ولاحتى برونز مدري كيف


وابي من تجاربكم كريم اساس للجسم يثبت ساعات طويله

الله يعافيكم ابي مكياجي يطلع مثل حق الصالونات
بدون مايراعون لون البشره يجيبون كريم اساس ويحطونه لي انا وخواتي مع ان كل وحده بشرتها غير

يطلع ثابت وصاافي ويهبببببببببل

وانا ارطب واحط واشيل وبلاخيرر متكتل ويسد النفسس


وشرايكم بكريولان حلوه

وربي يوفق كل وحده تساعدني

وانا من السعوديه يعني ابي شي متوفر عندنااا

ام سعود شانيل حلوه للوجه والجسم ياليت تحطين الصوره فديتك

 

[PuPa^^SWeeT]

^^^



حبيبتي

التقشر ماله علاقة بالبشرة المختلطة


دام الكريمات المرطبة مو نافعة وياج


روحي الطبيب اخاف اكزييما


واستخدمي صابون سائل للبشرة من abc بالصيدلية



و خلي الدكتورة اتنقيلج حماية من الشمس و كريم مرطب يومي


<<< خبرة ههههه



من تطلع حبة ولا تقشر بسيط اروح طبيبتي على طول من عمري 14 سنة و الحمدلله بشرتي للحين بخيير اللهم بس قبل الدورة بشوي


تخترب مادري ليش

 

[كويتيه احب الكشخه]

ام سعود ديكسون
لا مو بخار بالبيت مسويته بعيااده
من صجج اسوي حق نفسي
مالي خلق ابي احد يدلعني يخليني الق 

 

[كويتيه احب الكشخه]

دلوووول
عليج بالعافيه




شوكلاته
شنو ماركه صبغ الاظافر

 

[ام سعود ديكسون]

هلا لا تروح اتوقع بوبي براون حلوة اساساتهم بس تعرفين تختارين اللي يناسب بشرتج لان خبيرتنا ام علي مدحت الأساس بكذا مناسبة

أنا شخصيا جربت الشيمر بريك >> اضاءة
و باليتات الشدو والبلاشرات اللي تنزل ليمتد و مرتاحة من النتيجة
البغمنتد احلي من لاين بوبي الدايم
بس الأساس ما جربته كلش

و معروفة بوبي فنانة مكياج تحرص علي انها تبدع من ورا الكواليس مالت عروض الأزياء يعني اللاين بروفشنال و الأساسات مائلة للصفار اكثر من الوردي

انصح البنات السمر و ذوات الجمال الافريقي يبرزون جمال بشرتهم بكريمات اساس بوبي
لان حرام نغطي جمال البشرة ما نبرز لونها
رفيجتي من اصول إفريقية ماخذة اللاين كامل
من الكونسيلر لي الأساس واللوز باودر
بس بمساعدة الخبيرة تقول طلعت لي اللون مضبوط

 

[manoooram]

شذونه حبيبتي

بالنسبه للتقشر انا بشرتي مختلطه يصير معاي هالشي بس الله يخليه السكرابز
ويصير شحلوه ويهي
بس اذا مافاد معاج لا قلبي راجعي الطبيب على شان بشرتج
توصف لج علاج او يمكن تطمنج ان مافيج شي
افضل كريم اساس كتغطيه كريولان رووووعه شوي عليه اهو وبودرته وفوقه الفيكس رهيب الويه يصير
وكريم الجسم عندج انواع وايد كريولان - ماك - شارمل
هالي هانسن في من يستخدمه للجسم

 

[Makeup-Story]

هااااي



شلوووونكم




شلوون الميكاب معاكم




واااي سكتوووا بخااطري شغلاااات وااايد


ابي باليتات ديور اليدد و الشيمير بريك اليديد و ابي بي بي كريم


بس المعااااااش طااااااار


ماكو الا اتسلف من امي بس مشكله ليه درت حق الميكاب ماراح ترضى تقوولي اعطيج حق خلاجيين اوكي ميكاب انسي

 

[رورو 88]

ام سعود اليوم تذكرتج لووووول قمت حيل متاخره وعندي كويز

بس غسلت ويهي وحطيت كل شي بالسياره وسباااق مع الزمن كنت هههههههه

اول مره اسويها سيدا طريتي علي



خذيت من كارلا صبغ هاللون عندهم الوان تونس

 

[Chocolate.]

ام سعود وعسوله
الحمره من برستيج تحصلون هالماركه بسنتر بوينيت
اكيد الكل يعرف هههههههههه
وهذا لينك في صور وارقام الارواج الي عندي

http://www.q8yat.com/t1015179-2.html


مادري اذا كنت تقصديني كويتيه احب الكشخه
اذا قصدج على صبق الاظافر
انا اخذتهم من كليرز مجموعه مع بعض مجموعه صيفيه
تقريبا خمس اصباق بس صغار
الالوان طير العقل 3500 تقريبا
لا وعطوني معاهم هديه مجموعه ما اصباق الغلتير المائي

ولي سالت عن كريم الجسم
مافي على مال انور ثابت ويعطي ريولج لون واحد وخملي رهييييييب
بس انا رحت من اسبوعيين لقيته مخلص
وسالي هانس حليو بس ترى يقمج البيضا

 

[رورو 88]

لا تروح ماجربته بس عموما بوبي براون درجاته بالفاونديشن اتيييينن




كويتيه وناسه عاد انا اختي حيل تمدح كوزمو اللي بالمهلب اتقول مال ال acne مو صج

واجهزتهم اتهبل واذا طلعتلج حبه سيدا تصغر

 

[manoooram]

اهلين makeup story
شلونج ؟؟
بعد قلبي اغلبنا ودنا بشغلات وااااااايده بس لا يكون اللي بخاطرج فيهم ليمتد؟؟
لأن اذا جذي فهذي تحتاج السلف من الوالده مع التكتم بالمشتروات المطلوبه


La Tro7
حلو اساس بوبي براون يكفي ان يستخدمونه لعارضات الازياء مع الاضاءات القويه اينن
واتفق مع أم سعود ان درجاتهم للاساس مايله للصفار حلو حق البنات السمر
روعه يطلع

 

[manoooram]

صج chocolate عليج بالعافيه الحمره شحلوها ما شالله
وحمر بريستيج يهبلون اذكر كنت اشتريهم من الشايع مال البخور والعطورات
تتهنين

Daloool الفرش حلوين كاستخدام عليج بالعافيه