مدمنة مكياج مثلي؟؟حياج.....متجدد

[milkshake]

شنو احسن اضاءه حق الويه ؟ عيزت وانا ادوور تعتبت

وانا منطقة الخشم حيل دهنيه شنو الحل ؟؟

هلا حبيبتي ..شرفتي موضوعي ..
شوفي حبيبتي اذا بشرتج دهنية معناها مو اي اضاءة بتناسب بشرتج ..لان بعضها بيبينها دهنية زيادة ..بس لاتحاتين بنصحج بجمن شي انا نفسي استخدمهم واعجبوني..
اول شي بالنسبة للافرازات شوفي مرطبج اليومي يمكن وايد دهني ..اختاري شي لوشن خفيف، وبعدين استخدمي بيسات او كريمات تخفف من الافرازات الدهنية وتقبض المسام، مثال:

بيس All Mat من ميك اب فور ايفر



MAT Touch هذا بيس من YSL



antishine من ماركة جريماس



Pore minimizer من ايستي لودر حلو لقبض المسام وللافرازات الدهنية انا مجربته من قبل



من ماركة no 7 صيدلية بوتس واسمه Mattifying Makeup Base



اما بالنسبة للإضاءة ..في شغلات حلوة ان شاء الله اتلاقين منها اللي يعجبج بس اهم شي انج ماتحطين منها على منطقة الانف لانها مصيبة بالنسبة لنا (ذوات البشرة الدهنية)، أمثلة:

عندج هذا من ايستي لودر اسمه spotlight تحطينه على بشرتج قبل المكياج ويعطيها توهج حلو ..



ممكن تخلطين مع الفاونديشن مالج اي نوع هايلايتر تحبينه بكمية بسيطة عشان يعطي لمعة لبشرتج كلها بس انتبهي لاتحطين وايد، أمثلة:

DIAMOND CREAM من ميكب اب فور ايفر وتقدرين تختارين اللمعة اللي تحبينها



وهذا اللي تكلمت عنه من قبل من ماركة موديل كو



وعندج خيارات وايد في بودي شوب وغبرها

اما اذا كنتي تبين شي تحطينه عقب ما تخلصين المكياج ..فممكن تستخدمين من ماك بيوتي باودر وتحطينه بالفرشاة بحركة سريعة على كامل الوجه .. وفي نفس الفكرة من ماركات ثانية انا شفت عند كاراجا وايستي لودر ..اهم شي انه نفس الفكر..مو غلتر وايد لاء ..لمعة نعومة وراقية وحطي شوي كلش ..

او ممكن تستخدمين اللمعات اللي تكلمت عنهم قبل وتحطينهم على عظمة الخد بس وهذا بيعطي ويهج كله اشراقة حلوة..وفي شغلات تحطينها فوق البلاشر اليومي مالج او تحطينها لوحدها ..مثال MSF من ماك والبريك شيمر من بوبي راون..الهاي بيم من بينيفت ..وشغلات مشابهة تلاقينها عند كاراجا وفلورمار..والطريقة اللي انا هابة فيها الحين اهي استخدام الشدوات المخملية واحط منها عقب البلاشر تحت العين وعلى عظمة الحاجب طبعا اختار الدرجة المناسبة للبلاشر اللي حاطته وهذي الطريقة تعلمتها من العضوة الفاضلة قطاوي ..وايد طريقة ارخص وحلوة ..بس اهم شي انج ماتكثرين منه..

ميلك شيك تسلم ايدج على الموضوع واللي تبينه حطي بمووضوعي كله تحت امرج

فديتج والله ..ان شاء الله اليوم اضيف مشاركاتي .. بس جد موضوعج وايد حلو ومهم ..

 

[milkshake]

HASB_83


العفو ياقلبي وماعندي اغلى منج ..


SeDuCTive


فضيع الكولكشن ..تسلم يدج ..اففف متى ينزل ..



شوفواشموخي


نورتي موضوعي ياقلبي



العصيمية


من ذوقج ياقلبي والله احرجتيني ..موضوع النصايح اندفن بين الصفحات ..بإذن الله ناوية ازيد عليه جمن شغلة قريب ..وعن احمد القبيسي والله فضيع الصراحة ..خاطري اسوي نفسه ..ماتقصرين حبيبتي ..

 

[HASB_83]

ميلك شيك

حبي شخباارج

واي خلاص انا ماقدر ادش المنتدى بدون لا اطل بموضووعج وارد هههه

 

[milkshake]

بنات يعطيكم العافية على معلومات الحلوة وخاصة ميلك شيك
بغيت أسالج شنو يعني ( البيس ) ؟ وشنو فايدته ؟ وشنو أحسن بيس ؟
وايستي لودر وين ألقاليه يمدحون فاندويشن ماله لأني أبيه واحد حلو وطبيعي موثقيل ؟ أنتي شرايج
بما أنج مجربه شغلاتهم
أدري طولت عليج بالأسئلة

هلا حبيبتي وحياج الله..
البيس أو البرايمر Primer حبيبتي هو مثل الجل تحطينه على بشرتج بعد المرطب اليومي مالج وقبل وضع المكياج
يخلي البشرة مخملية ويساعد على توزيع المكياج ويحافظ على ثباته ويخفف من وضوح خطوط الوجه التعبيرية..
هناك انواع من البيس ومن ماركات مختلفة .. بعضها Mattifying يعني يساعد البشرة انه تبين مات وماتلمع وينفع للي بشرتهم دهنية ..وبعض البيسات تجي ملونة مثل اللي من ماركة ميك اب فور ايفر او YSL او جيفينشي وكل لون له فايدة يعني بعضها يعطي اضاءة للوجه وبعضها يعطي لوك برونز وبعضها يخفف من وضوح بقع الوجه والنمش وغيرها ..
انتي تقدرين تحكمين شنو البيس اللي يناسبج ..ممكن تجربين بي YSL الوردي اختي تستخدمه وايد فضيع ..وانا حاليا استخدم بيس من ماركة INGLOT يخلي بشرتي مخملية ويسهل علي توزيع الفاونديشن..
جربت بيس ميك اب فور ايفر HD اللي لونه ابيض ماعجبني ..بس في بنات يمدحون هذا الكوليكشن الظاهر يعتمد من بشرة لي الثانية وفي منه الوان مختلقة ..
العضوة "انا قلب بدر" جربت بيس جيفينشي الوردي وتمدحه ..
وجربت في المحل بيس ايستي لودر وكان فضيع بعد يعطي لمسة مخملية وناوية اشتريه بإذن الله .
اما عن ماركة ايستي لودر هذي الماركة ترا حدها فضيعة وكل شي جربته من عندهم كان فضيع سواء مكياج او كريمات ..تلاقينه في سيفورا وفي دبنهامز وفي فافافووم ..يمكن في اماكن ثانية بعد بس انا مادري عنها..
انا جربت نوعين من الفاونديشن من عندهم "دبل وير" و "فل كفرج" والاثنين يستخدمان للتغطية الثقيلة ولاخفاء عيوب الوجه ويدومون لفترة طويلة ومايسيحون ويبينون طبيعيين وايد.. وايد احبهم ..
بس اذا انتي بشرتج مافيها عيوب او تبين تغطية خفيفة ماعتقد بيعجبج..واصلا حرام اذا بشرتج حلوة تحطين فاونديشن ثقيل..ممكن تاخذينه للمناسبات مابتندمين عليه ..بس للاستخدام اليومي ..يا اما اتجربين فاونديشناتهم الاخف ..او جربي شيسيدو وايد حلو .. او حتى جيرلان ..
وحياج الله في اي وقت ..

 

[milkshake]

واااااااااااااااااااااااااااااااااااااااااااااااااااااااااااااااي سيداكتيف حرام عليج وربي عوار قلب يسلموووووووووووووووووووووو ميلك شيك روووووووووووووعه

اي والله عذبتنا سيدكتف ..ابيههههههههه كله ماقدر اصبر ..

ميلك شيك

حبي شخباارج

واي خلاص انا ماقدر ادش المنتدى بدون لا اطل بموضووعج وارد هههه

هلا اختي الغالية ..
انا بخير دامج بخير وعسى ربي مايحرمني منج ..
ماقلتيلي شنو تبين من الكولكشن اللي حطته سيدكتف ؟؟

 

[HASB_83]

دووم حبيبتي
انا طبعاااا راح اخذ المينيرالز السكين فنيش يمكن اخذ من الـ brunette و redhead اتوقع مايفرق مينيرال الـ redhead عن blonde???


وواايد حمر عاجبيني ان كان البنفسجيه من برونيه او الورديه
والقلوساااااااااااااااات عاجبني red devil اكثر واااحد
وراح اخذ قلوس ستروبيري
ان شاءالله عاد الحق
اخر كولكشنين مادقوا علي :////
رحت كلمتها وخليتها تسيف رقمي بموبايلها جدامي لول

والشدوات والبرشز واقلام الكحل مراح اخذ منهااا

وانتي ميلك شيك شنو بتاخذين؟

 

[milkshake]

شكلي بس باخذ الـ msf ثلاثتهم ..كان في بالي كمن غلوس بس هونت..

 

[HASB_83]

اييي احلى شي المينيرالز




ميلك ماكو شي يديد؟؟؟

ماعندج swatches حق اي كولكشن؟؟


_03BA:

 

[زبدة و عسل]

الله يعطيج العافية يا قلبي على هالمجهود ..

عساج ع القوووة ..

 

[milkshake]

عندي بس مادري شفيه الانترنت مخرف حده

 

[HASB_83]

عااد ياكرهه اذا صار بطيء ://

 

[milkshake]

الله يعطيج العافية يا قلبي على هالمجهود ..

عساج ع القوووة ..

الله يعافيج ياقلبي ماقصرتي ..

 

[milkshake]

هذي مقارنة بين ثلاث الوان متقاربة..
من اليمين لي اليسار ..
ستار باودر من ميك اب فور ايفر رقم 929
بيجمنت ماك coppersized
شدو من ارتديكو رقمه 40

شوفو التقارب بينهم ..اي لون عجبكم اكثر ؟؟





هذلين شدوين من تو فيسد ..
من اليمين لي اليسار
ديرت باق ..وليبل هور ..
وطبعا مثل ماتعرفون الثاني طبق الاصل شدو ماك كلب ..

 

[HASB_83]

الامبيه شدو تو فيسد جنه مااااااااك بلو براون!!!

 

[milkshake]

ترا شدوات تو فيسد وايد حلوة ..وبعضها نفس ماك .. مثل ما لاحظتي ..

 

[HASB_83]

اي والله حلويين ونفس طقت ماك

انا من كثر المقارنه بين شدوات ماك وفور ايفر لاحظت ان فور ايفر اوضح!!! صح

 

[HASB_83]

ميلك حبي ابيج شويه على الخاص

 

[SeDuCTive]

شكلي بس باخذ الـ msf ثلاثتهم ..كان في بالي كمن غلوس بس هونت..

اي اخذيهم كلهم حبيبتي ولازم تاخذين معاي القلوس Red Devil مالي شغل ميلك شيك
:lkmnkl::lkmnkl::lkmnkl::lkmnkl::lkmnkl:

 

[milkshake]

اي والله حلويين ونفس طقت ماك

انا من كثر المقارنه بين شدوات ماك وفور ايفر لاحظت ان فور ايفر اوضح!!! صح

في بعض الالوان اي..حتى شدوات نارس بعضها اقوى من ماك

ميلك حبي ابيج شويه على الخاص

رديت عليج ياقلبي ..

اي اخذيهم كلهم حبيبتي ولازم تاخذين معاي القلوس red devil مالي شغل ميلك شيك
:lkmnkl::lkmnkl::lkmnkl::lkmnkl::lkmnkl:

شكلج بتخليني اشتري الكوليكشن كله

 

[SeDuCTive]

ميلك شيك.. لوووول لا مو كله بقولج شنو اللي يستاهل ناخذه من اشوف الكوليكشن ان شاء الله حبيبتي..
وجيكي الخاص حبي