مدمنة مكياج مثلي؟؟حياج.....متجدد

[emankuwaiti]

اختي ناتشووو

هاذيل لشنو؟؟؟

فرش ماك احسن ولا بودي شوب؟؟؟

وشلون نستخدم اللوز باودر؟؟؟ وشلون اعرف اذا حطيت زين ولا هببت

و اسفة عالطوالة ومشكورة

 

[emankuwaiti]

مبروك التثبيت اختي ميلك شيك

موضوعج اكثر من رائع والله يوفقج انشالله

 

[ناتشوو]

بااااااااااااااك... حبيت اصورلكم بلشراتي من ماركت سكوت بارنز..
الصور موجوده بموضوعي المثبت تقدرون تجيكون ..

ولي رجعه انشالله

تدرين حفظت شغلات من صور هالماركة
على راسها البخاخ مدري شنو اسمه
والفونديشن الكريمي
علشان لي تيسرت لي سفرة لدبي اخذ منهم ان شاء الله

 

[emankuwaiti]

هلا الغالية..يعني نفس حالتي ..
شوفي حبيبتي في جم شغلة بانصحج فيهم..
اول شي حاولي اتعالجين بشرتج اول تشترين كريمات اتغذي بشرتج وتجددها..او حتى تقدرين اتفكرين بالتقشير الخفيف عند عيادة معروففة وثقة..
انا بشرتي فيها اماكن غامجة واماكن عادية اضافة الى النمش واضافة الى سواد تحت العين..وكانتدهنية في اماكن ومتقشرة في اماكن..المهم اني اعتنيت فيها والحمدلله الحين احسن..سويت فيشيل واستخدمت كريمات ومقشرات خفيفة من ماركة ديرمالوجيكا وهذي ماركة وايد زينة..وكنت ابي اسوي تقشير بالليزر بس للحين خايفة..المهم وجربت كريمات وايد فادتني منها من ماركة ايستي لودر وايد حبيتها ومن ماركة كلينك..واذا تبين اعطيج اسامي الكريمات اللي فادتنتي خبريني..
المهم..وصلنا الحين لكريم الاساس..انا استخدم من ايستي لودر كريم اساس اسمه "دبل وير" ايبين طبيعي ويدوم لفترة طويلة ويغطي العيوب..حتى البنات يقولون شكله وايد حلو على بشرتي ويبين طبيعي..وللحفلات او الاعراس تقدرين تستخدمينه +فاونديشن بعد من ايستي لودر شكله مثل المعصار واعتقد اسمه ماكسيمم كفر..وبيعطيج تغطية احلى..
وطبعا فوقه تستخدمين لوز باودر او كومباكت باودر وانا انصحج بكومباكت باودر من كلينك وايد فضيع وبيخلي بشرتج اتبين طبيعية اكثر..
واي استفسار ثاني انا حاضرة حبيبتي..



..

ممكن اسامي الكريمات و البودر و مشكورة

 

[ناتشوو]

اختي ناتشووو

هاذيل لشنو؟؟؟

هذولة لتهيئة البشرة للمكياج وتثبيته بطرش لج رابط موضوع صاحبة الصور الله يحفظها عالخاص

غلوسات

بيجمنت - شدوات سائبة

ينحطون قبل الشدو علشان يثبت اللون مو شرط تشترين هذيلا اي نوع كريمي
او حتى كونسلر حطي منه عالجفن وفوقه حطي الشدو بيثبت
قريت مرة وحدة تستخدم الفازلين قبل الشدو وتمدحه.
​

فرش ماك احسن ولا بودي شوب؟؟؟

بدي شوب عندي من اكثر من6سنوات وعاجبيني
ماك الكل يمدحه بس ماعندي منه
كذا مرة اروح للمحل وانا ناوية ع الفرش
بس ارجع بدون مااشتري ماادري ليش
اكثر المدح لفرشة الاساس والثانية رقمها 187 او 178
اكثر ثنتين عليهم مدح
​

وشلون نستخدم اللوز باودر؟؟؟ وشلون اعرف اذا حطيت زين ولا هببت

اترك هالسؤال لغيري يجاوب عليه لأني مو خبيرة باللاوز باودر
رغم ان اكثر من نوع منهم حاطة العين عليهم وناوية اشتريهم باقرب فرصة
​

و اسفة عالطوالة ومشكورة

حياج الله كلنا ودنا نفيد ونستفيد
​

 

[emankuwaiti]

مشكورة اختي ناتشوو

 

[SeDuCTive]

تدرين حفظت شغلات من صور هالماركة
على راسها البخاخ مدري شنو اسمه
والفونديشن الكريمي
علشان لي تيسرت لي سفرة لدبي اخذ منهم ان شاء الله

عليج بالعافيه مقدما حبيبتي.. وانشالله اذا رحتي يكون كلشي متوفر لأني لما رحت الستاند كان فاظي..
بس حصلت ال Mist وجم شدو... بس البلشرات ! قاظين عليهم ماكو ولا شي :0bee2e8d89:
وقالتلي انشالله على اخر شهر 1 بيحاولون يكملون النقص اللي عندهم..
بس ما قلتيلي عجبوج البلشرات:eh_s(6):

 

[ناتشوو]

عليج بالعافيه مقدما حبيبتي.. وانشالله اذا رحتي يكون كلشي متوفر لأني لما رحت الستاند كان فاظي..
بس حصلت ال Mist وجم شدو... بس البلشرات ! قاظين عليهم ماكو ولا شي :0bee2e8d89:
وقالتلي انشالله على اخر شهر 1 بيحاولون يكملون النقص اللي عندهم..
بس ما قلتيلي عجبوج البلشرات:eh_s(6):

اكيد عجبوني
الواحد لو بيخلي نفسه على راحته مايخلي شي من المكياج ما ياخذه
خاصة ماصار لي شهر شارية 3الوان جديدة من ذتولز
هم اساسا شدوات بس الوانهم عجبوني كبلشرات
الصورة ماوضحت الالوان نهائيا
(انا مصورتهم اول ماشريتهم على اساس احطهم بموضوع المشتروات بس ماحطيتهم)






بني- طبعا هذا احبه كشدو لاني احب هالالوان
بيج
مشمشي
مشمشي فاتح

والعلبة الي موجودة من بن ناي هذي اضاءة مخملية سائبة - طبعا الوصف من عندي
بس فعلا حلوة للمسات الاخيرة او تحت الحاجب
​

​

 

[ناتشوو]

الله يحيي الجميع
طبعا انا ماخذة راحتي بموضوع ميلك شيك

لأنها طيبة واحنا نستاهل

اليوم جبت لكم موضوع منقول ويستاهل يكون بموضوع مستقل


العنوان هو"
Homemade pigment
تفضلو الموضوع

من كم سنة و في بداية شغفي بالمكياج .. شريت باليتة شدو كبيرة (انا متأكدة انكم كلكم عندكم منها ) أكيد عرفتوها اللي يصير فيها 80 او 90 لون .. لوووووووول ​

المهم شريتها و ما استخدم الا الوان محدودة .. و بعدين كبرت و تغير ذوقي و صرت اشتري اشياء ثانية و شدوات ثانية غير عن هذه .. المهم .. اللي حصل ان هالعلبة صارت زايدة عن حاجتي .. و ما استخدمها اللا نادرًا و متحسفة اني اتخلص منها .. لان كل الالوان يديدة و ما استخدمتها و لا مرة ​

لذلك فكرت و فكرت و طرت على بالي فكرة اني استغل هالشدو و اسوي منه شي ثاني ​

و الحمدلله طبقت فكرتي و نجحت !! ​

​

الفكرة اهي اني اسوي من الشدو بيجمينت ​

اي بيجمنت اللي تاخذونه بأغلى أثمانه من ماك و ميك اب فور ايفير!! ​

تنويه:
للأمانه .. انا ما نقلت الفكرة من اي موقع أجنبي .. كل الشغل من أفكاري و تصويري .. اللهم صورة الملعقة من google لاني نسيت أصورها​

الادوات المطلوبة: ​

ملعقة ​

عبوة زجاجية صغيرة (موجودين عن اسواق بو 100 فلس بالكويت) ​

قاعدة للعمل (كيس مثلا للتخلص منه فور الانتهاء من استخدامه) ​

و طبعًا الشدو القديم


​

بودرة قلتر ذهبي + فضي



مو تشترون غالي .. اخذوا من الهندي .. ترى عنده اشياء روووعة و رخيصة

بالبداية احب اقول انه اغلب الالوان اللي سويتها كانت عبارة عن خلط كل درجات اللون الوحد مع بعض ​

مثلا: كل درجات اللون الرصاصي + قلتر فضي = شدو بيجمينت رصاصي لامع ​

نبدأ بالخطوات بسم الله ​

الخطوة الاولى ​

كسري الوان الشدو اللي تبينها بمكانها بالملعقة



لخطوة الثانية

قلبي الباليته على القاعدة اللي انتي حاطتها ​

الخطوة الثالثة​

جمعي الالوان مع بعض و خلطيهم عدل .. و احرصي ان تزيلي كل التكتلات و الشدو اللي ما تكسر عدل لضمان خلط الالوان عدل

الخطوة الرابعة ​

اضيفي القلتر بالكمية اللي تحبين (اذا تبينه لامع عالخفيف حطي شوية و اذا تبين العكس كثري قلتر)



خيرًا فرغي الخليط اللي عندج بالقرشة و تأكدي من اغلاقها عدل
و هذه النتيجة

و شوفو هذه الوان ثانية سويتها غير الرصاصي ​

السطر الاول من اليمين: ​

بني + غلتر ذهبي ​

أخضر + غلتر ذهبي ​

درجات الوردي الطبيعية + غلتر ذهبي ​

السطر الثاني من اليمين: ​

رصاصي + قلتر فضي ​

درجات البنفسجي + قلتر ذهبي و فضي ​

أسود + غلتر ذهبي

و هذه نهاية موضوعي البسيط .. أتمنى يكون عجبتكم تجربتي المتواضعة مع صنع الـ pigment eye shadow ​

و ما أبي منكم الا طلب واحد ... اذا حبيتي تنقلين الموضوع انتي محلله لنقله لكن كتبي بنهاية الموضوع "منقول"

​

وهذي هي ياميونة كلمة
منقووووووووووووووول

عجبتني الفكرة حييل لان عندي شدوات مااستعملها
بس يبيله ادور نفس العلب - البطول الصغيرة
شكلهم حييييل حلو

​

 

[Shiny Star]

بنات PLEASE أحتاج أحد يفيدني

من وين أحصل ماركة Penefits ؟

اللي تعرف تطرشلي عالخاص

 

[ناتشوو]

بنات PLEASE أحتاج أحد يفيدني

من وين أحصل ماركة Penefits ؟

اللي تعرف تطرشلي عالخاص

بالافينوز

 

[Shiny Star]

مشكورة ناتشوو بس وين بالأفينيوز ؟

 

[ناتشوو]

مشكورة ناتشوو بس وين بالأفينيوز ؟

اسمحيلي كنت ادزلج عالخاص ونسيت
المهم
الماركة شوفيها في وجوه او فافافوم

 

[Mrs_Orchidia]

الله يعطيج العافيه ناتشو عالنقل ... و مشكوووورة على أمانتج

الله يكثر من أمثالج ياا رب


و الله يعطيكم العافيه علة هالموضوع .. ماشاءالله عالم مكياج



تحياتي للجميع
:aha:

 

[milkshake]

بااااااااااااااك... حبيت اصورلكم بلشراتي من ماركت سكوت بارنز..
الصور موجوده بموضوعي المثبت تقدرون تجيكون ..


ولي رجعه انشالله

روووووووووووووووووعة اختي روووووووووعة وايد صار خاطرياجرب هالماركة من حطيتيها..وباجرب اطلب من الانترنت لان ماعتقد اقدر اسافر الامارات ..بس اختي الاسعار موجودة بموضوعج ولا اكلف عليج اتقولين لي اسعارهم عشان اعرف اذا اغلى من على الانترنت ولا من دبي؟

مبروك التثبيت اختي ميلك شيك

موضوعج اكثر من رائع والله يوفقج انشالله

الله يبارك في حياتج الغالية ومن ذوقج

ممكن اسامي الكريمات و البودر و مشكورة

من عيوني الغالية ..لي رجعة بالصور والاسامي..

الله يحيي الجميع
طبعا انا ماخذة راحتي بموضوع ميلك شيك

لأنها طيبة واحنا نستاهل

اليوم جبت لكم موضوع منقول ويستاهل يكون بموضوع مستقل


العنوان هو"
homemade pigment
تفضلو الموضوع

من كم سنة و في بداية شغفي بالمكياج .. شريت باليتة شدو كبيرة (انا متأكدة انكم كلكم عندكم منها ) أكيد عرفتوها اللي يصير فيها 80 او 90 لون .. لوووووووول ​

المهم شريتها و ما استخدم الا الوان محدودة .. و بعدين كبرت و تغير ذوقي و صرت اشتري اشياء ثانية و شدوات ثانية غير عن هذه .. المهم .. اللي حصل ان هالعلبة صارت زايدة عن حاجتي .. و ما استخدمها اللا نادرًا و متحسفة اني اتخلص منها .. لان كل الالوان يديدة و ما استخدمتها و لا مرة ​

لذلك فكرت و فكرت و طرت على بالي فكرة اني استغل هالشدو و اسوي منه شي ثاني ​

و الحمدلله طبقت فكرتي و نجحت !! ​

​

الفكرة اهي اني اسوي من الشدو بيجمينت ​

اي بيجمنت اللي تاخذونه بأغلى أثمانه من ماك و ميك اب فور ايفير!! ​

تنويه:
للأمانه .. انا ما نقلت الفكرة من اي موقع أجنبي .. كل الشغل من أفكاري و تصويري .. اللهم صورة الملعقة من google لاني نسيت أصورها​

الادوات المطلوبة: ​

ملعقة ​

عبوة زجاجية صغيرة (موجودين عن اسواق بو 100 فلس بالكويت) ​

قاعدة للعمل (كيس مثلا للتخلص منه فور الانتهاء من استخدامه) ​

و طبعًا الشدو القديم


​

بودرة قلتر ذهبي + فضي



مو تشترون غالي .. اخذوا من الهندي .. ترى عنده اشياء روووعة و رخيصة

بالبداية احب اقول انه اغلب الالوان اللي سويتها كانت عبارة عن خلط كل درجات اللون الوحد مع بعض ​

مثلا: كل درجات اللون الرصاصي + قلتر فضي = شدو بيجمينت رصاصي لامع ​

نبدأ بالخطوات بسم الله ​

الخطوة الاولى ​

كسري الوان الشدو اللي تبينها بمكانها بالملعقة



لخطوة الثانية

قلبي الباليته على القاعدة اللي انتي حاطتها ​

الخطوة الثالثة​

جمعي الالوان مع بعض و خلطيهم عدل .. و احرصي ان تزيلي كل التكتلات و الشدو اللي ما تكسر عدل لضمان خلط الالوان عدل

الخطوة الرابعة ​

اضيفي القلتر بالكمية اللي تحبين (اذا تبينه لامع عالخفيف حطي شوية و اذا تبين العكس كثري قلتر)



خيرًا فرغي الخليط اللي عندج بالقرشة و تأكدي من اغلاقها عدل
و هذه النتيجة

و شوفو هذه الوان ثانية سويتها غير الرصاصي ​

السطر الاول من اليمين: ​

بني + غلتر ذهبي ​

أخضر + غلتر ذهبي ​

درجات الوردي الطبيعية + غلتر ذهبي ​

السطر الثاني من اليمين: ​

رصاصي + قلتر فضي ​

درجات البنفسجي + قلتر ذهبي و فضي ​

أسود + غلتر ذهبي

و هذه نهاية موضوعي البسيط .. أتمنى يكون عجبتكم تجربتي المتواضعة مع صنع الـ pigment eye shadow ​

و ما أبي منكم الا طلب واحد ... اذا حبيتي تنقلين الموضوع انتي محلله لنقله لكن كتبي بنهاية الموضوع "منقول"

​

وهذي هي ياميونة كلمة
منقووووووووووووووول

عجبتني الفكرة حييل لان عندي شدوات مااستعملها
بس يبيله ادور نفس العلب - البطول الصغيرة
شكلهم حييييل حلو

​

فديتج اختي مافي فرق بينة بالعكس استانس لما اشوفج ضايفة شي على موضوعي..انتي محل النفس..

بنات please أحتاج أحد يفيدني

من وين أحصل ماركة penefits ؟

اللي تعرف تطرشلي عالخاص

الاخت ناتشو ماشالله ماقصرت..انا الاقيها في محل سيفورا بالبحرين واتوقع بعد اكيد في الكويت نفس الشي

 

[milkshake]

وشلون نستخدم اللوز باودر؟؟؟ وشلون اعرف اذا حطيت زين ولا هببت

و اسفة عالطوالة ومشكورة

اسمحيلي اختي ارد عليج ..
اهم شي في استخدام اللوز باودر اهو نفس الطريقة اللي انا حاطتها في موضوعي على الرابط التالي

http://q8yat.net/showthread.php?t=252826&page=3

وهذي الطريقة متنطبق بس على المينيرال لوز باودر لكن يجب استخدامها لكل انواع اللوز باودر..والطريقة باختصار للعجازات انهم يفتحون الرابط اهي:
بعد ماتنظيف ويهج وترطبينه وتخلين بشرتج تتشرب المرطب حطي الفاونديشن (او اذا في حالت بتستخدمين المينيرال فلا داعي للفاونديشن)..اخذ الفرشاة الكابوكي (انظري الصورة) واخذي شوي من البودرة ويستحسن انج اتحطين اشوي من البودرة في اناء خاص وتاخذين منه بعدين بالفرشاة,,اخذي كمية بسيطة بصورة دائرية وانفضي الباقي عن الفرشاة وابتدي وزعي على بشرتج بصورة دائرية ..وتقدرين اتحطين بعدها طبقة او طبقتين زيادة من البودرة على حسب رغبتج في التغطية. يعني حطي شوي وزيدي حسب الرغبة على شكل طبقات..









والبعض يستخدم ويشتري إناء مثل هذا عشان العملية اللي فوق واسمه Buff Palette




طبعا لاتخافين اذا استخدمتي البودر السائب انه ماراح يتثب على بشرتج..بالعكس..اذا رطبتي بشرتج زين راح يثبت البودر وله خصائص تساعده على التغطية الكاملة وانه يظل ثابت لفترة ..بس بعد اذا حبيتي ممكن تحطينه بالماي ..(وهي الطريقة للبودر المينيرال)
الطريقة: تاخذن بالفرشاة اشوي من البودرة بشكل متساوي على الفرشاة كلها وانفضي الباقي..وبعدين رشي على الفرشاة ماي او حتى مثبت المكياج الـ fix بصورة قليلة ومن على مسافة بعيدة وتوزعينه بعدين على بشرتج..وفوقه تحطين المينيرال فيل..
لتثبيت البلاشر: اخذي اسفنجة ورطبيها بالماي وامسحي مكان اللي بتحطين البلاشر (الخدود طبعا) وبعدين حطي البلاشر..او ممكن تاخذين من البلاشر بالفرشاة وتنفضين الباقي وترشين عليه مثبت المكياج او الماي وبعدين حطيه على خدودج وبجذي بيثبت عندج فترة طويلة..

واذا تبين اتعرفين اذا حطيتي اللوز باودر بطريقة صحيحة او غير صحيحة..انج اتشوفين نفسج في مراية تحت نور ساطع او تحت الشمس وتشوفين اذا لون ويهج كله موحد او لاء..وشوفي اذا في تراكمات ناحية الانف مثلا او الفم (وهذا معناته ان طريقتج غلط)..اهم شي انج ماتاخذين كمية كبيرة من اللوز باودر..

واتمنى اكون افدتج..

 

[milkshake]

ممكن اسامي الكريمات و البودر و مشكورة

اختي الغالية..هذي مجموعة من الكريمات والصابونات اللي استخدمتها ورأيي فيها:

هذي كريمات وصابون وسكراب وفيتامينات وكريم عيون وغيرها من ماركة ديرمالوجيكا..للحين ما بطلتهم لاني ماخلصت اللي عندي..كنت مرة رايحة اسوي فيشيل بديسانج البحرين ووايد حبيت الماركة لانهم استخدموها على بشرتي..انصحوني اشتري الشغلات ذي كلها وسعرها كلها 100 دينار..هذي ماركة وايد مشهورة وانصح اللي تحب اتجربها اتروح للمركز المتخصص لها في ديرتها عشان الخبيرة تفحص بشرتها وتنصحها بالمنتجات اللي تناسبها..






هذي مجموعة صابونات..اللي من شيسيدو الابيض وايد حلو..ماينشف الوجه أبد..الازرق ما انصحكم فيه من اولاي لتفتيح البشرة..لايفتحها ولاشي واكاني مخليته لي اجل غير مسمى..الابيض العصار الكبير من روك وايد حلو بعد..اما الاخضر العلبة فهذا من كلينك لااااااااتستخدمونه نصيحة خرب بشرتي..حتى التونك مالهم ما ينفع حرق ويهي واكاني مخليتهم من فترة ومب عارفة شاسوي فيهم شكلي باسوي فيهم خلطة لاغسل فيهم جسمي (طريقتي للي فيها فضول وانا اسويها وايد في الصابونات اللي ماحبها لوجهي اني اخذ الصابونة اذا كانت صلبة مثل كلينك وابشرها واخلطها او اذوبها مع ماي ورد في علبة او مغلقة واخليه لمدة يوم او يومين وممكن احط معاهم ملح خشن اذا حبيت انه يقشر جسمي وبس).



هذي صورة لتونك من شيسيدو ..روعة..وكريم النهار بعد من شيسيدو بس ما انصح فيه لان عامل الحماية من الشمس بس 10..وممكن اتلاقين كريمات نار فيها عامل حماية اكثر (في جونا الحار ينصح عامل الحماية لا يقل عن 30)..اما المعصار الازرق فهذا وايد حلو من شيسيدو مثل السكراب للوجه يستخدم مرة في الاسبوع فيه حرارة قليلة واسمه Idealist Micro-D



هذي صورة لكريمين من كلارنس الاول هو بيوتي فلاش بالم اللي تكلمت عنه سابقا..وايد حلو..والثاني كريم للعين حلو بس مافتح السواد مع اني استخدمه من شهرين تقريبا..الا انه رطب المنطقة بطريقة حلوة ..والثالث هذا كريم من روك اسمه enydrial extra emollient for very dry and atopic skib طبعا انا بشرتي دهنية وليست جافة ولكني استخدمه لما بشرتي تتشقق خاصة في الشتا جانب الانف ..احطه في الليل ما شاء الله ثاني يوم بشرتي مافيها شي..وايد روعة..



يتبع

 

[milkshake]

هذا كريم من جيرلان من مجموعة هابيلوجي..خلص عشان جذي ماصورت علبته الاصلية..رائحته حلوة,,يرطب البشرة كأنه ماي ..بس ماحس فيه شي مميز..يازعم يخلي بشرتج مرتاحة بس مادري .



هذا كريم من ايستي لودر اسمه آيديالست سكين ريفينيشر..وايد فضيييييييييع ملمسه على البشرة مثل المخمل..تستخدمينه في الليل وفي النهار قبل مرطب بشرتج المعتاد..ويعمل على ازالة الخطوط الرفيعة وينعم البشرة ويخيل التقشر فيها ما يبين ويزيل الاحمرار..





هذي مجموعة من كلينك اسمها فيسيفل تيرن اراوند..تتكون من ماسك يستخدم مرة في الاسبوع او جسب الحاجة..تخلينه 15 دقيقة..يخلي البشرة نااااعمة حدها..اذا بشرتج تعبانة استخدميه فيقلب بشرتج فوق تحت ويخليها اتبين مرتاحة..اما العصار الطويل فهو يستخدم يوميا نهارا وليلا قبل مرطبج المعتاد وملمسه نفس كريم ايستي لودر كأن بشرتج مخملية..بعد روعة وانصحكم فيه..



هذا فاونديشن ايستي لودر دبل وير..والدرجة اللي انا استخدمها اسمها 2c1 pale almond نفس لون بشرتي بالضبط..والثاني هذا بيس من انجلوت وايد حبيته ويخلي بشرتي نااااااااااعمة..لكنه وايد صغيررر

استخدم حاليا لوز باودر من ايستي لودر..بس انصح بالكومباكت باودر من كلينك بس خلص من عندي..


وسامحيني على تصوير التلفون وايد كجرة..واذا حبيتي شغلات زيادة خبريني لاني اختاريت مجموعة بس..

 

[milkshake]

هذلين روجين احبهم ..الاول مات مشمشي من سيلفر ليدي رقمه 109 والثاني مو مات عادي من نيفيا رقمه melon 17 لونه برتقالي على احمر مو وايد غامج..



هذي مجموعة غلوسات..اللي فوق من سيلفر ليدي مشمشي غامج رقمه 60
اللي تحته من نيفيا نفس درجة الروج اللي فوق ورقمه مانجو 29
اللي تحته من نارس لونه احمررررررررررررر روعة وغني مو خفيف من الكولكشن الجديد واسمه bloodworks
اللي تحته من ماركة تيرا..ما انصحكم فيه ترا وايد خفيف لين حطيتيه مو مثل شكله في علبته



هذي مجموعة من كريولان آي لاينر..ما انصحكم فيه وايد باهت ..الحين استخدم الازرق والاخضر لتحت العين..اما الاسود فلوعة..الفرشاة بعد من كريولان حلوة..



هذي ماسكرا باد جال من بينيفت..حلوة ما تلزق الرموش لكن مو بروعة ايفسان لوران

 

[هوّن على قلبي]

يامال العافيه
الله يكثر مكياجج


ماقصرتي ياقمر وعساج على القوه


بغيت اسال وين احصل ماركة سماش بوكس ؟


ولج الف شكر

على النصائح والله يجعلها في ميزان حسناتج