مدري وش اكتب صراحه

[الشيخه رؤى ~]

السلام عليكم انا بنت عمري 16 ابوي غني ولله الحمد وعندي اخت موظفه..واختي هذي هي اللي تشتري لي كل شي كل شي حتى اثاث غرفتي وابوي بس يتكفل بحاجات البيت الاساسيه مثل الكهرب والمويه والاكل وغيرها.. واختي هي اللي تشتري لي اغراض المدرسه وكل شي وابوي مثل ماقلت لكم مايعطينا مصروف ابدا انا وامي..وانا انقهر ابكي لييه ابوي مايدللني ليه يخليني احتاج لغيره وهو حي صديقاتي وهم اقل مني مستوى مادي الا انهم ماشاء الله احسن مني ! اقسم بالله شي يقهر معاهم جوالات وانا مامعي الا هذا الجلاكسي حق امي بعد وانا بموت على شي اسمه جوال وقلت لاختي ابي اشتري لي جوال قالت لا خذي جوال امي هذا وانا بشتري لامي جديد .. وربي قعدت ابكي الله يلعن الحاجه تبي تعطيني هذا القديم منتهي عمره الافتراضي ، انا ابي اصيييح ليه ابوي مايعطيني فلوس ياعالم ليه نفسي انه يعطيني بالشهر لو مره الحين انتوا بتقولون حاولي وقولي له لكن ابوي بخيييل وانا اعرفه اكرهه اكرررررهه .. مره من المرات وانا بالسوق انا وامي واختي وتهاوشت انا وعيالها وجلست وانا جوعانه وهي وامي بيطلبون عشاء..وماقلت لها عطيني لاني متهاوشه مع عيالها عطتني فلوس قالت روحي اشتري لك اقسم بالله رحت وانا ابببكي مدري وش اسوي انا مجبره اني اخذها اكره ابوي في كل لحظه احتاج من اختي شي وامي دايم تزعجني وتزيد علي وتقول طيعي اختك كل شي عندك منها ياأنها تقهرني هالكلمه احس بالذل بس مالي حل ؟ اما اخذ منها ولا اقعد كذا .. متى اكبر اتوظف اصرف على نفسي يارب لاتحوجني لاحد غيرك.. ابي حل ؟

 

[زوجة حياتي]

الله يفرجها عليك حبيبتي الله يعينج البخل صعب الله أهدي أبوج ياارب ويرزقج من حيث لا تعلمين

 

[Tom ♥ Jerry]

,

و الله مادري شقولج حبيبتي
البخل ماله حل غير الدعاء ..

بس برايي آمج لها تاثير كبير لو كلمت ابوج آكثر من مره
و على قولتهم كثر الدق يفج اللحام

 

[مدى.]

الله يفرج همج ياقلبي
ان شاءالله انتي بعد سنه تتوظفين وماتحتاجين لااحد
ادعيله والله يسخره لكم

 

[مدى.]

الله يفرج همج ياقلبي
ان شاءالله انتي بعد سنه تتوظفين وماتحتاجين لااحد
ادعيله والله يسخره لكم

 

[الشيخه رؤى ~]

امي ان شاء الله انها من اهل الجنه اللي صابره عليه من 30 سنه
ابوي مستحييييل يتغير لو تنطبق السماء على الارض

 

[tolay]

ادعيله البخل حله صعب


واختج مسكينه ماقصرت وانتي ان شاءالله تتوظفين يعني مسأله وقت صبري اذا ابوج مانفع معاه شي

 

[شندوخه]

ياغمري انتي يمكن ابوج ماعنده
ويالله يلحق يصرف عالاشياء الاساسيه ومخالف هذي اختج مهما يصير هي سترج وغطاج