مدري شقول بس تعالوو

[@mr.nadrh@]

السلام عليكم ..
بنات انا تعبت من نفسي..
انا ب11 ادبي .. زين بالبدايه او بدايه الكورس كنت شاطره
والشهاده كانت درجاتي فيها حييل حلوه..:eh_s(1):
الفصل الثاني قلت لنفسي : لمتى وانا مصيريه ادرس واحظر الحصص
... بدا الفصل الثاني والله ي بنات باليوم مااحظر الا حصتين
وتقريبا كل اسبوعين بالادارهه .. ي استدعاا << بس ماجيب ابوي اسحب عليهم
ي فصصل ثلاث ايام < بس اداوم ماغيب
.
وكل هذا محد يدري عنه .. بس انا والمدرسهه .. اهلي مايدرون
الزبدهه امس كنت مهربه وامسكتني الناظرهه شخصياا
ودتني الاداره وعطتني فصصل >< طبعا احنا اللحين فتره امتحانات
المهم عطتني فصل وسحبت عليهم ودااومت عشان الامتحاان
واليوم جيت لحصهه الحاسوب بس متاخره
وودتني بعد للاداره .. وشافتن الناظره قالت انا امس مو عطيتج فصل شحقهه
تداومين "(
بسس خلاااص بناات احس راسي بينبط كل يوم اقول بتغير ومااتغير ><"
واحسس اني بسسقط ...<~
وانا تعبت من نفسي كل يوم اقول بتعدل واصيير اردى من اول=((
بنات ابي حل اخاف اسقطط؟؟

 

[ms_kakawa]

الله يهديج والشاطر نقول عنه مصري يعني؟ انتي خربتي على نفسج حاولي تصلحين نفسج

وانتي باقيلج سنه وتتخرجين حاولي تصلحين كل هذا بإيدج

 

[Daisy chain]

الحل بايدج حبيبتي وقفي هالسوالف هذي وردي نفس قبل ،،،،، ترى انت محد خربج غير نفسج،،،،،،،، أهم شي دراستج وشهادتج تلاحقي على عمرج،،،،، تعجبيني انج عارفة غلطج وهذا نص العلاج والنص الثاني انج تردين نفس قبل شطورة ومو صعب إن شاء الله لانج قبل كنتي جذي،،،،، يلا شدي حيلج ماباقي لج شي و تتخرجين من الثانوية ،،،،،، اعطي لنفسج حافز ان عقب هالتعب وراها نسبة حلوة وجامعة ترفعين راسج وراس أهلج بتخربينها على آخر شي و إن شاء الله تتخرجين بأعلى نسبة وتدشين التخصص اللي تبينه بالجامعة

 

[queen92]

اي صح حبيبتي الحل مو عندنا عندج انتي !!! شكو مليت من كثر ما احضر جني مصريه و ليش شقالولج بس المصاروه شطار؟؟؟ حبي جابلي دراستج و بلا هالخرابيط تضيعين مستقبلج بايدج لييش حرررام باجر تندمين و تتحسفين ،، مثل ما قلبتي فوق تحت و تغيرتي للاسوء هم تقدرين تردين مثل اول مره ثانيه مافي شي يمنع يعنييي

 

[M!SS.LOBY]

الله يهديج

 

[Princess noor]

كتبت رد وطار بس بحاول أعيد عشاني حاسسه فيك

أسمعي بقولك حاجه (أنتي متميزه ) كلمه مصيريه وغيرها هذي أتوقع سمعتيها من صاحباتك أو غيرهم عشان ببساطه ماقدروا يكونون مثلك !! ترى عادي تصيرين شاطره ومهتمه بدراستك بنفس الوقت دمك خفيف وفله بس بشرط كل هذا يكون بعد الحصه والوناسه مالها علاقه بأني أصير مزعجه وكل يوم تعهد أحنا ماراح نعطيك حل الحل بأيدك أنتي تبين ترجعين متميزه وتفرحين أهلك فيك او ترسبين وغيرك يلحقك ويتعداك وقتها ما أدري أيش راح يكون شعور ,( القرار لكك )

 

[((shoOoshoOo))]

لحقي على عمرج

لاتخربين ع نفسج

 

[شــــــــــــــوقــــه]

وخري عن البنات الكسالة

 

[مدّهره !]

حطي ببالج عوااقب السقووط تلاقين نفسج تعدلتِ


والأهم إعتذري من الإداارة وأوعديهم تردين مثل قبل ...~

 

[@@نور الدنيا@@]

يالله هانت مابجى شي ع تخرجج و ليش ما تميتي ع نفس مسستوااج ف الفصل الاول ؟؟
شيلي عن بالج هالافكاار اللي مالهاا معنى ..فكري بمستقبلج واحضري الحصص بوقتهاا ولاتغيبين والله بعديين بتندمين اذا تميتي ع هالحال بعيد الشر يعني .. دعواااتي لج بالتوفيق والنجااح ويارب يرجع مستوااج يرتفع واكثر عن قبل بعد .. و طوول الوقت استغفري ربج تراا والله ماياخذ منج شي بالعكس يعطييج رااحه نفسيه ..

تقبلي مرووووري ..

 

[attoosh]

انتي يا ينيتي او احد ناظلج شسالفه مليت كله احضر ايي حضري قاعده من الصبح وييايه المدرسه عشان شنو بالله عشان تلعبين حبيبتي شدي حيلج لاحقه على الوناسه وترى اذا ما عدلتي روحج فورا را تاحسفين طول حياتج راح تتخرجين بنسبه خايسه ودشين تطبيقي واماكن مو زينه وخصوصا الحين القبول بالجامعه صار حلم كلشي تعقد ودنيا مو مثل قبل سهالات ديري بالج وانا حذرتج كلنا مرينا بمرحلتج زفيجاتنا اثرو علنا وعفسو حياتنا ربالاخير كل وحده راحت بسبيلها وما بقى معانا غير شهادتنا شدي حيلج عشان تدخلين جامعه سنعه وتخرجين وتشتغلين باحسن مكان ومعاشج قوي وحياتج سعيده احسن من تقصص حصص واداره ومشاكل وعوار راس انتي بغنى عنه طيعيني

 

[F.Strawberry]

انا اقول تعوذي من ابليس
و ابدي داومي و التزمي حرام تضيعين عليج السنه ولا ينخسف معدلج
غصبي روحج تداومين ,
انتي ما بقالج شي و تتخرجين ان شاءالله ..

 

[قوس قزح]

لما تسقطين ذيج الساعة ينفعج الاستهتار
وتشرفين كل اللي بصفج صاروا ب ١٢
وبتندمين الله واعلم

 

[قوس قزح]

وبعدين يمكن التميتي ع طالبات كل يهربون وفاشلات بالدراسه وغيروج
الصاحب ساحب

 

[جوري الصالح]

لحــــــــقي على عمـــــــرج لا تخــــربين مستواج

 

[سندس 90]

الحل بيدج


لا تصيرين خبله وتضيعين على آخر سنه وباقي سنه وحده وتتخرجين نصيييييحه عيدي حساباااتج


ربي يهديج

 

[فتوشه كويتيه]

غلطانه شدي حيلج ترا مالج الا شهادتج اهي اللي بتعينج على الدنيا حرام تخربين مستواج وانتي اصلا شاطره

 

[Dr.rooz]

بطلي هالحركآت و الله تندمين أنا الحين ب 12 بس ب 11 خربت الدنيآ و لعبت بس وربي خفس ب معدلي عدل و أنا كنت ب 10 من الاوائل و الله شديت حيلي ب 12 و الحمدلله رجعت ل مستوآي بس شنو متحسفه على الي ب 11 وربي اتمنى السنين ترجع عشان م اسوي سوآتي و الله يوفقج و يوفقنآ

 

[ليدي بجد]

ببساطه الحلانك تشوفين شنو الشي الي دخل بحياتك وغيرها
. وطلعيه منها
خلك واضحة مع نفسك. موشرط. تقوليين لنا

 

[مو صج ~]

لحقي علا عمرج وارضي بالذل دامج غلطتي وتأسفي من الناظره ويوزي عن سوالفج شوفي الانسان الي يمشي صح ومايغلط ولا يتعدى قوانين المكان الي اهوا فيه عمره ماينذل فا انتي اختاري تبين تعيشين بذل ولا بكرامه ؟؟ وترا البنات الي يهربون وهسوالف لا يغرج تراهم مو مرتاحين انهم مهربين بالعكس هذيلا محتاجين الي يعالجهم فا لاتكونين نفسهم دامج تبين النجاح وخري عن المشاكل وسمعي قوانين المدرسه لين تتخرجين ترا اخيس شعور لما تسقطين