مدرسه فيلكا الابتدائيه

[Om_RayooMa]

بالنسبه لمدرسة فيلكا والله عن تجربه 100 %
تطلع البنت فاهمه كل شي
وفيها معلمات قديرات وممتازات
وانا بناتي فيها والحمد لله ما فيها اي مشكله
وطبعا الشاطر شاطر ....

مشكوره حبيبتي على ردج المريح انا فعلا كنت محتاجه ردج الف شكر:tek:

 

[Om_RayooMa]

السلام عليكم انا اشهد ان مديرة المدرسة من ابدع المديرات و غيرت المدرسة و المعلمات و الحين المدرسة من احسن المدارس اللى فى سلوى كل اللي عليج تروحين و تقابلين المديرة و راح تتأكدين ان كلامي صحيح

مشكوره يالغاليه على ردج لي
:tek:

 

[Om_RayooMa]

لا يحوشك فيلكا
هههههههه انا كنت مدرسة فيها واااااااااااي قبلية بحتة والبنات شياطيييييييين وعصابات


اصلا من فتحت ماكو ادارة زينة كل سنة يتغيرون مايبونها
والمدرسات موشي بس هم اصابعج موسوي بس اا عاشرتهم سنة


والادهي ان المدرسة يمها مدرسة صبيان متوسط ويخرعون بالهدة... هم لازقة فيهم اكادمية الابداع الامريكية يعني زحمة بزحمة

















ما انصحج فيها

يعني مستوى التدريس مو زين؟
والمدرسات ما يتفاهمون؟
انا بنتي عاجل وهاديه وخوافه
الصراحه كلامج خوفني

 

[فتووون]

نصيحه والله زييييييييييييييييييييييييينه .... ولا تسمعين كلام الناس ...

واهي اكثرها قبايل بس شنو العيب في ذلك ؟؟؟؟؟؟؟؟ بس والله خوش مدرسه

من اداره ومدرسات واوراق عمل اول باول والله العظيم اكثر من اي مدرسه ...

 

[جنون العشق]

يالغاليه دقيت علي اهلنا الي بسلوي وامنتهم يسالون اشلونها من مدرسه



الناظره وايد شديده مع البنات ومدحت وايد بادارتها ومدرساتها



وحتي حيل مشددين علي الغياب وان البنات يخافون بالذات من غياب يوم الخميس الي صار موضه




وانت براحتك يالغاليه

 

[Om_RayooMa]

مشكورين والله خواتي
بتوكل على الله
ويزاكم الله الف خير

 

[*~هاجس~*]

السلام عليكم


اختي ام ريم

اخذيها مني والله العظيم الناظره والاداره بكبرها ذهب

والمدرسات ولا اروع

والله على قلب واحد .. ذوووق واحترام عكس اكثر المدارس اللي عندنا

الناظره وايد متفهمه ومستوا الدراسه عندهم قوي ،، ويسوون انشطه وتغيرات بالمدرسه حتى المدارس الخاصه مستحيل يسوونه


بناتي بهالمدرسه وانا مومن سكان منطقة سلوى بس غيرت عنواني ونقلت بناتي من كثر ما المدرسه زينه



الناظره ناديه راضي العازمي الله يجزاها الف خير على تعاملها مع المدرسات والطالبات

تخيلي حتى بالهده توقف بره الاداره مع طلعة الطالبات وابتسامتها تشرح الصدر

وتكلم البنات وتضحك مع الامهات .. الله يسعدها يارب

والله خووووش مره


عكس مدرسه الامه اللي بقطعه 12 مابي اعلق بس سألوا عنها وعن ناظرتها وباجي الاداره



اختي توكلي على الله ولاتحاتين بنتك ،، بنتك بايادي امينه ان شاءالله

 

[Om_RayooMa]

الله يبشرج بالخير
والله اني تطمنت زود من كلامج
الف شكر لج يالغاليه

 

[*~هاجس~*]

تسلمين اختي

بالتوفيق ان شاءالله

 

[أم تويو]

المدرسه ممتازه 000ومثل ما قالوا الي يدخل المدرسه ما وده يطلع منها 00أنا كنت مدرسه هناك بس ترقيت وصرت مدرسه اولى وانقلوني مدرسه ثانيه 00والله تحسفت عليها المدرسه فيها معلمات مشكلين بس السائد فيها القبليه 000وياحلو هالقبيله أنا مو منهم بس أشهد انهم طيبيييين وحبوبيين وسهلين بالتفاهم ومحترمين حيل وهذا الشي مشهورين فيه هالقبيله 000والله هذه الشهاده عن تجربه وعشره 6 سنوات الله يذكرهم بالخير 00توكلي على الله وأحسن لج من المدرسات الي نفسيتهم خايسه وما يتفاهمون 00والله راح تدعين لي وأنا ناقله بناتي هناك مع اني مو بالمنطقه 0 والنعم والله بهالقبيله والف نعم 00

 

[حناين 2008]

لالالا حرام مدرسة فيلكا ممتازه
وجم مره ياخذون التميز
دخلى بنتج وانتى مغمضه
ومدرساتها من احسن ما يمكن انا مدرسه واعرف

 

[الذاهبه]

انا بنتى بفيلكا بصراحه الناظره موشي وغثيثه حدها
يعنى بتسوى المدرسه نموذجيه خلى بنتج اللى بخامسه تداول عدل بعدين تصير نموذجيه

بنتها دايم باداره وتشيحط على البنات وابوها اكثر من مره اشوفه جايبها متاخره البنت ليش علي راسها ريشه

واذا كان في عطله مثل قبل العيد بيومين عطت للبنات اوراق ممنوع الغياب في امتحان علوم وامتحان رياضيات واللى تغيب الدرجه صفر
ليش يعنى تلعبين بنفسيت امهات وامتحان وماعرف ايش؟
الامتحان نعرفه وندري انه تحديد مستوى من المنطقه وموداخل بدرجات الطالب

والعام كان يومين هم بعطله وكنا بالشاليهات حطت امتحانات بهاليومين عشان اهالى يرجعون من الوناسه ويدرسون عيالهم ليش تغثين العالم؟

مع العلم المدارس الثانيه كلهم تاجيل امتحانات لمصلحه الطالب

الناظره هذى تبي مصلحه الطالب؟ وتدور على الطالب؟ هذا اللي ابي افهمه

 

[mimo180]

:68_asmilies-com:

والله شي عجيب ام ريم تسال عن المدرسة
وكانكم دشيتوا باخلاق الناظره:flower:
بس الصراحه كل مدرسة فيها اغلاطها

بس للامانه هالمدرسة زينة ويمدحونها يا ام ريوم
يعني دخلي بنتك المدرسة وحطي بطنك بطيخه صيفي

بالاول كان اسمها وزارة التربية و التعليم
بس الحين صارت وزارة التربية والتعليب وللاسف منتهية صلاحيته:krkrkr:

وسعوا صدركم والدنيا ما تسوا
بس اهل سلوى يسوون
والكويت على راسي:33_1185028183::e3:

:33_1185028183:flower::

 

[همسات ليالي]

اللي اعرفة ان صاحبة الموضوع تسال عن الهيئة التعليمية اي بمعني النظام والمدرسات.........الخ
مو عن الناظرة وبنت الناظرة وزوجها...........
حبيبتي المدرسة تم اختيارها لنظام مفكرة الطالب من المنطقة التعليمية
وانصحج روحي وشوفي









-

 

[أميرة الحلا]

الصراااحه بنات اختي بمدرسة فيلكا ويقولون من امسكتها المديره ناديه والمدرسه صايره توب

الله يتتم عليهم

هذا اللي اعرفه

 

[Om_RayooMa]

كلامكم عدل يا بنات الناظره ذهبه
وتحب النظام
واذا عطتهم امتحانات قبل العلطه فلانها تبي مصلحتهم
والمدرسه من ضمن 7 مدارس بالكويت طبقوا عليها نظام تخفيف الحقيبه المدرسيه
فعلا قويه
والف شكر لكل وحده نصحتني فيها
وعسى ربي يريحكم مثل ما ريحتوني

 

[معلمة العلوم]

أنا أحب أضيف رد على هل الموضوع مع أنكم متكلمين عنه من زمان لكن هذة أمانة ولازم أقولكم عنها :
مدرسة فيلكا الابتدائية بنات بقيادة مديرتها الاستاذة نادية العازمي من أروع المدارس في الكويت ومستوي التدريس فيها ممتاز والمعلمات فيها كلهم على قلب واحد كأنهم خوات والمدرسة معروفة بأنشطتها وإنجازاتها المتميزة واللي قالوا أن اللي يدخل المدرسة ماوده يطلع منها هذا الكلام صحيح والدليل على هذا الكلام كشوفات النقل في موقع وزارة التربية هذا للأمانه والحمد لله والسلام عليكم ورحمة الله وبركاته !!!!! :ggdw:

 

[الوسمييه]

:s142:انا طالبه بالمدرسه احب المدرسه وايد لان المعلمات ذهب ومحترمات وانصح الجميع بان يسجلون اخواتي التلميذات بالمدرسه:s142::s142::s142::s142: فالمدرسه ابداع والناظره طيبه وايد والطالبات محترمات والمدرسه تكثر فيها الحفلات والمناسبات والتكريم وكل هذا فضل ولهم الشكر والتقدير :nbvppw::nbvppw::nbvppw::nbvppw:وتحياتي