مدرسه الرؤيه ثنائيه اللغه

[baskotah]

مشاركة: مدرسه الرؤيه ثنائيه اللغه

التكامل حلوه بس مركزه عالانجليزي والعربي ضعيف اخوي كان فيها وثاني شى الابتدائي كله مختلط تخيلى بنات 4 و5 و6 ابتدائي مع الصبيان صعب صراحه . مديرها د. الخليفي واعتقد اهيا من اغلى المدارس الخاصه بالكويت يعنى الابتدائي قريب ال2000

الرؤيه حيل يمدحونها بالنسبه للبنات اما الصبيان ما ادرى !!!!

 

[123kdd]

مشاركة: مدرسه الرؤيه ثنائيه اللغه

السلام عليكم
يسعدني ان تكون هذى اول مشاركه لى معاكم في هذا المنتدى الرائع

والله يا اختي عن مدرسة الرؤيا تختلف الاراء انا اقول لج ليش
اللى مجرب مدارس ثنائية لغه غيرها فراح يشوف انجليزية الرؤيا اضعف اشوي من الثنائيات الثانيه وهذا عن تجربة شخصية اقولج هالشي في مدارس ثنائية عندنا بالكويت انجليزيتها جدا قوية مع اللغة العربية والرؤيا بالنسبة حق هالمدارس اقل انجليزية واذا ولدج اول مرة يدخل مدرسة فعادي ادخلينه الرؤيا اذا حابتها خصوصا دينها زين اختي ولدها بالرؤيا من الروضه وماشي تمام واختي الثانية طلعت اعيالها من ثانئية ودخلتهم الرؤيا وما مشو فيها مع انهم كانو الاوائل عالمدرسة بس حست انها ظلمتهم لان انجليزيتهم اقوى فردتهم لمدرستهم الاولية وكملو فيها

وانتى استخيري قبل اى قرار تقررينه والله يختار لج الخيرة

تقبلي تحياتي

 

[Miss_Tiger79]

مشاركة: مدرسه الرؤيه ثنائيه اللغه

مشكورين يا بنات على الرد بس يا 123kdd عيال اختج باى ثنائية
يعنى انجليزيهم مو ذاك الزود ؟؟؟
انا بشيلهم من الحكومه عشان الانجليزى والدين ابيهم ببهالشيين زينين
يقولون الباكستانيه قويه بالانجليزى والدين وما يندرى

 

[123kdd]

مشاركة: مدرسه الرؤيه ثنائيه اللغه

مس تايغر ما اقول لج انجليزتهم مو شي انا قلت لج عندي اخت دخلت ولدها من الروضة وكمل الابتدائي فيها تمام بس في مدارس ثانية انجليزيتها اقوى واللى كانو فيها اعيال اختي وولدي ونقلتهم سنه عقب للرؤيا وشافت انه مستواها فوق الرؤيا وردتهم لمدرستهم الاوليه واللى اهي الغانم بسلوى الكلام مع المدرسة كله بالانجليزي حتى ولى الامر المدرسة ماتكلمه الا بالانجليزي حتى لو كانت عربية بس موادها انجليزى عشان الطفل من يعرف انها تعرف عربي يكلمها عربي وصعب جدا اذا بتنقلين ولدج من مدرسة حكومية الى ثنائية لغة لان لازم تكون عنده لغة ويسوون له اختبار انا ولدي كان مخلص اولى روضة بالحكومة سجلته بمدرسة ثنائية حق ثانية روضة وسوو له اختبار ورسب ماقبلوه وسجلته بالغانم وسوو له اختبار والحمدلله نجح اتخيلي رووضه يسئلونه عربي وانجليزي والحمدلله الحين بثانية ابتدائي وماشي بس مشكلة هالمدارس مدرسين مواد الانجليزية مايكلمونج يا وليه الامر الا بالانجليزي وكيفج انتى دبري نفسج الحمدلله انا امشي حالى بس غيري الله يعينه

الله يبلغج بعيالج ان شاءالله ولايضيع تعبج عليهم

 

[Layz]

مشاركة: مدرسه الرؤيه ثنائيه اللغه

في بنات اعرفهم بالرؤية يقولون مو زينة وبيطلعون منها !

 

[hayoona]

مشاركة: مدرسه الرؤيه ثنائيه اللغه

السلام عليكم بنات . انا عندي ولدفي 4 وبنتفي 3 في الابتدائي .الرؤية أكثر من رائعة المدرسات والمدرسين متدينين واصلا انا حتي الانشطة الصيفية ما اامن الا بالرؤية وبالنسبة للصلاة اجبارية والمراقب يتابع دائما وانا يتم تبليغي اذا الطفل لم يصلي....زالمدرسة اكثر من ممتازة ولكن تكلفتها غالية وفي المقابل هو استثمار للابناء

 

[كيكة كاكاو]

مشاركة: مدرسه الرؤيه ثنائيه اللغه

انا خواتي معاهم بنات في الجامعه متخرجين من مدرسة الرؤيه وبصراحه ممتازين وشطار في الكلية

 

[كوييتييه]

مشاركة: مدرسه الرؤيه ثنائيه اللغه

انا الصراحه سمعت عن المدرسه كل خير وبالذات للطالبات اكثر واكثر

 

[bedour18]

عمري بنوتات بغيت احد يدليني مدرسة الرؤية

 

[سيدة الكويت]

بنات محد سمع عن مدرسه بالنقره ثنائيه اسمها أنجلو آرب أكاديمى

 

[مشغوله و محتاسه]

حبوبه اذا ابو العيال مو راضي بالرؤيه ..وما لج الا الباكستانيه ... فآنا اقول الحكومه ابرك ..

الباكستانيه ضغط بزياده .. واسلوبهم تقليدي .. حشو وبس ..
دخلت ولدي اولى روضه وطلعته .. ما فيها وناسه .. من يدخل الين يطلع واهو متيبس ظهره على هالكرسي .. الا يوم الاربعا اللي يكون اغلبه ترفيهي .. رسم و موسيقى و يطالعون التلفزيون
وواجبات يوميه ..باولى روضه يكتب من 1 الى 20 و من a-z يوميا .. ملل ..
وما مر علي وحده مدخله ولدها الباكستانيه الا و حاطه مدرسه العصر تساعده بالواجبات و الامتحانات .. يعني فلوس الصبح و فلوس العصر .. ماصارت


وترا منهج الانجليزي بالحكومه تطور و تسنع .. خاصة اولى وثانيه لانهم صححو الاخطاء اللي فيه و ضبطوه <--ابلة انجليزي معاج ..كلامي ثقه


يا جماعه مشكلة اغلبنا .. اننا لما ندخل عيالنا للخاص .. نجابل ونتابع ونهتم .. اما بالحكومه فنخليه على راحته و عقب نقول الحكومه مو شي !

موفقه يارب انتي ووليدج

 

[Laymo0ona]

ادري الموضوع قديم بس بعرف مستواها بالانجليزي شلونه؟ اكيد من 2006 تغيرت وايد اشياء
بليز اللي تعرف عنها شي حاليا تفيدني

 

[almazyoona]

هلا والله

انا عيالي من الروضة والحين ولد وبنت بالثانوية

المدرسة اكثر من ممتازة
انا ولية امر واشهد انها قمة
من ناحية البنات : حريصين عليهم واي مشكلة تنحل على طول
من ناحية الاولاد: المدرسة شديدة واي اخلاق سيئة فصل على طول وهذا من تجربة
من ناحية الصلاة الكل يصلي واللي ما يصلي يدقون على ولي الامر

المناهج قوية سواء عربي او انجليزي

انتي بس القى نظرة على الطلبة والطالبات ما شاء الله احترام وادب وخلق
كفاية انج تطمنين على عيالج بالمدرسة : اخلاق وتعليم

كل شيوخ الدين ودكاترة الشريعة عيالهم فيها ( اشوفهم باجتماع اولياء الامور)

اصلا انا اعرف طلبة انطردوا من الرؤية وراحوا التكامل

 

[Dana2012]

ممكن احد يفيدني
جم رسوم الابتدائي
وخلط ولا فصل النات والاولاد؟؟


وشكراا