مدرسه الرؤيه ثنائيه اللغه

[ام مدعج]

قوه بنات حبيت اسالكم شرايكم بالرؤيه اسجل ولدي فيها للسنه اليايه ولالا عفيه بنات الي مجربتها او سامعه عنها تفيدني ومشكورين مقدما

 

[Miss_Tiger79]

مشاركة: مدرسه الرؤيه ثنائيه اللغه

جان زين افيدج
بس عفيه اذا دخلتى ولدج قوليلى لانى وايد ابيها حق عيالى وريلى يقول غاليه بس انا ابيها
كافى ان مديرتها نسيبه المطوع
والى اتعرف عنها شي زين اتقول

 

[ام مدعج]

مشاركة: مدرسه الرؤيه ثنائيه اللغه

انشاء الله من عيوني بس خلي احد يرد على بالاول اشوفها زينه مو زينه ؟؟

 

[هلا]

مشاركة: مدرسه الرؤيه ثنائيه اللغه

والله يابنات أنا عيالي ال2 فيها , صراحة اهي خوش مدرسة وخصوصا من الناحية الدينية ,,,,,,,
بس انتي قوليلي شنو بتعرفين عنها بالضبط وأنا أفيدج !!!@

 

[ام مدعج]

مشاركة: مدرسه الرؤيه ثنائيه اللغه

هلا والله هلا انا ودي اعرف شلون عيالج باي مرحله اهم اولاد ولا بنات وصج واجباتهم وايد ودراستهم وايد يعني انتي وايد ادرسينهم ولا معتمده على الابلات ؟؟وشلون مستوى الدراسه ومستوى المدرسين بوجهه عام ا\ري حبيبتي اسالتي وايد

 

[حلوة الروح ^_^]

مشاركة: مدرسه الرؤيه ثنائيه اللغه

ما أنصحج فيها من الناحية البيئية بالنسبة للصبيان هناك..

3 أولاد قرااب لي حييل أعرفهم مايمدحونها .. بالنسبة للأولاد فقط.. البنات مادري..


واحد يقول ان كميه كبيرة من الصبيان رايحين فيها قليلين أدب..
و يقوللي لاتعلمين أمي تكفين !!!!!!!! ليييييش مادري !!!
و الأولاد يتواعدون بالحمامات عزكم الله علشان يسوون المنكر ..
وبعضهم ينطر بالحمام أي أحد إيي علشان يعطيه فلوس (رشوة علشان يرضى يسوي معاه )
و عدد قليييييييل جدا من الشباب يصلون .. مع إن الصلاة في مدرسة الرؤية إجبارية.. بس إييون المسيد و يضحكون ويطقون بعض و يسوون حركات استغفر الله .. ماخذين الصلاة لعب..
و المدرسة ترا هدد روحو و شوفوها الحارس حاطينه عالفاضي .. الطلبه يدخلون ويطلعون على كيفهم .



و ترا كلامي صحيح 100% و الله على ما أقول شهيد


بس من ناحية التدريس و المناهج ممتازة ..





نصيحتي أهم شي أخلاق عيالج و ترا الصاحب ساحب

 

[ام مدعج]

مشاركة: مدرسه الرؤيه ثنائيه اللغه

تسلمين اختى اما من ناحيه الاخلاق فمدارسنا حدث ولا حرج حتى الناس عند البقاله ؟؟ والله الدنيا بلاوي الله يستر على عيالنا

 

[Miss_Tiger79]

مشاركة: مدرسه الرؤيه ثنائيه اللغه

امبييييييييييييييييييييييييه
يا حلوة الروح انتى بكلامج طيحتى المدرسه من عينى صج والله وانا كل هالفترة احن على ريلى انه ايدشش عيالى هناك
انزين عيل شنو اندششهم
انا فكرت بالابداع الامريكيه الى بحولى ومايندرى

 

[Miss_Tiger79]

مشاركة: مدرسه الرؤيه ثنائيه اللغه

جان زين اى وحده اتعرف عن الرؤية شي او الابداع اتقول
جنى اخر شي بدخلهم حكومه مع انى ما ودى كلش وشايلة الفكره من بالى

 

[هلا]

مشاركة: مدرسه الرؤيه ثنائيه اللغه

اختي تاج الوفا ,,,,,
أنا بنتي في أولى ابتدائي وولدي في صف رابعه ابتدائي, صراحة مناهجهم نفس الحكومة ماعدا الe والعلوم بE بس التدريس يختلف بتاتا عن الحكومة,,,,, المدرسات ملوت أول يدرسون من قلب ويخلون الياهل يطلع من عندهم فااااهم , يعني انتي ماتتعبين معاه وايد بس مراجعه خفيفه.
وعندهم مادة "قرآن كريم" يحفظون فيها الطالب, هاذي المادة تقريبا كل يوم ,, وكل مرحلة ولدج يحفظ جزء كامل " صراحة هذا شي وااايد زين"
بس حبيت أعلق على كلام"حلوة الروح".............الله يهديج سويتي المدرسه حشاكم منحطة مرة وحدة!!!!!!!
الحمد لله أنا ولدي صار له 6 سنين في هاذي المدرسة ماشفت ولا سمعت عن هالأشياء !!!!
وانا مرة دخلت المدرسة حزت الصلاة شفت الاولاد كلهم يصلون ووياهم مدرسهم ...
وعموما ترى كل مجتمع فيه الزين والشين, وكل واحد وتربيته.......
أدري طولت عليكم ........وحياج الله يا تاج الوفا.......

 

[Miss_Tiger79]

مشاركة: مدرسه الرؤيه ثنائيه اللغه

انزين يا (هلا) اشلون رسوم المدرسه ياخذون منج بالاقساط او كاش وجم تقريبا بالسنه اذا عندج اسعارهم يا ريت اتحطينه لنا
لانى ابى ادشش عيالى الاثنين واحاتى الرسوم مالوت الدراسة
والروضه اشلون عندهم
والانجليزى وايد زين يعنى عيالج يتكلمون انجليزى عدل
وصج الصبيان من الروضه لين الثنويه مع بعض والا كل مرحلة بروح يا ريت اتفيدينى الله يعافيج

 

[^^رغد^^]

مشاركة: مدرسه الرؤيه ثنائيه اللغه

انا ناوية ادخل ولدي بالتكامل العالمية وايد يمدحونها

 

[هلا]

مشاركة: مدرسه الرؤيه ثنائيه اللغه

ميس تايجر حبيبتي أجيك على الأسعار وأقولج بالضبط اشكثر,,, بس أتوقع الروضه1150د.ك وطريقة الدفع تكون أقساط بس على 3 دفعات يعني بداية السنه تدفين أول دفعة بعدين شهر 12 وبعدين شهر2 .
بالنسبه حق الe شوفي كل مدرسة ثنائية اللغة دايما التركيز يكون على العربي, عيالي يتكلمون ويفهمون E واذا أحد كلمهم E يعرفون يردون , بس مونفس المدارس الأجنبيه الي " يرطنون" على طول.
والصبيان من الابتدائي مع بعض وكل مرحلة بروح , يعني الابتدائي غير المتوسطة والثانوي,,,,,,
ترى المدرسة بالنسبة حق المدارس الخاصة تعتبر زييينة وما فيها بنات وصبيان مع بعض لما الثانوية و"سوري على هالكلمه" يعني مسخره!!!! وبوي فريند وجيرل فريند.....الحمدلله من هالناحية اطمني.
وأي استفسار ثاني ترى حاضرين

 

[حلوة الروح ^_^]

مشاركة: مدرسه الرؤيه ثنائيه اللغه

هلا يمكن لأن ولدج بالابتدائي ..


أنا المشاكل اللي قلت عنها بالثنوية
حدث ولاحرج..
وترا مو من مصلحتي أو مصلحة عايلتي إني أتكلم عن المدرسة بهالشكل لأن أكثر من شخص قراب حيل من عايلتنا مساهمين فيها.


بس الصج ينقال..
تدريسها ممتاز و يريحج وايد


بسسس
بيئتها منحططططه..


و أعيد و أذكر(((( بالنسبة للأولاد)))))


و خصوصا (((((المرحلة المتزسطة و الثانوية)))))

 

[Q8-Lady]

مشاركة: مدرسه الرؤيه ثنائيه اللغه

بنات مدرسة الرؤيا من العام وانا بسجل ولدي اولى ابتدائي فيها و ما قدرت كله يقولولي طافج التسجيل ماكو مجال نحطكم انتظار ولا يدقون يعني اذا ما سجلتوا في مواعيدهم اعتقد شهر فبراير انسي يسجلون عيالك لان على طول ما كوا مكان لان هم هالسنة بغيت اسجله سنة ثانية ابتدائي قالولي نفسي الحجي انا ولدي يدرس في المعالي زينه مدرسته بس قلنا الرؤيا اقرب .

 

[Miss_Tiger79]

مشاركة: مدرسه الرؤيه ثنائيه اللغه

مشكوره هلا على الرد بس انا قصدى ما حسيتى انه فلوسهم وايد عليهم وما حسيتى بضغط مادى بالنسبه حق رسومهم
وترى انا ابى ادشش عيالى بس لين المتوسطه من يروح اولى متوسط اودى حكومه لانه الصبيان احسن لهم الحكومه من المتوسط يكون عارف الصح من الغلط
بس البنات لاء عاد حلاتها اتخلينها بهالمدارس الخاصة احسن

وانا بغيتها لانها قبال قطعتنا يعنى واااااااااااايد اقرب
انزين الروضه تدريسهم زين لهم ؟؟؟؟؟؟؟؟

انزين تنصحونى بالرؤية والا الباكستانيه لانى ما اواطن الباكستانيه كلش بس ريلى يبيها وانا ابى الرؤيه

 

[هلا]

مشاركة: مدرسه الرؤيه ثنائيه اللغه

ميس تايجر.... بالنسبه حق الفلوس أنا أشوفها مناسبه ومعقوله مقارنة بباقي المدارس الخاصة , يعني السعر من أولى ابتدائي لما رابعة ابتدائي مايتغير ....اهو تقريبا 1500د.ك........... أنا افتريت على المدارس الثانيه قبل لا أدخل عيالي فيها أسعارهم مرتفعه ............
وبعدين مس تايجر أنا عكس الي تقولينا , أنا أقول أخلي الولد يكمل في المدرسة الخاصة والبنت تروح الحكومة ,,,,,, لأن الولد لازم تتعبين عليه وتخلينه يوصل أحسن المستويات باجر بيتزوج ويفتح بيت , ويكون مسؤول عن أسرة "عشتوا" !!!!! يعني مو نفس البنت باجر تتزوج وريلها يصرف عليها...........
بالنسبه حق الروضه تدريسهم واااايد زين , تحسين انا الياهل يكون متهيأ لما يروح الابتدائي ,,,,,,,
أحسن شي صلي استخاره عشان ترتاحين والله يوفقهم وين ما يروحون.......

 

[aloyaa]

مشاركة: مدرسه الرؤيه ثنائيه اللغه

السلام عليكم
شوفو يا جماعة آنا عندي أثنين من عيالي هناك، من الحضانة لي اليوم.
بنتي الحين ب 3 ابتدائي وولدوي ب 2
بس الصراحة المدرسة قوية وتدريسهم وايد حلو، واهم شي انهم يعلمون الطالب الاعتماد على النفس والجرأة، والأهم من هذا كله الناحية الدينية..
أما الكلام عن الأولاد والخرابيط اللي عندهم فهذا للأسف بكل المدارس مو بس بالرؤية. واتوقع انه لفئة قليلة مو معقوله كل صبيان المدرسة.....والله أعلم

 

[Miss_Tiger79]

مشاركة: مدرسه الرؤيه ثنائيه اللغه

مشكوره هلا على الرد وانا اصلا وااااااااااااايد مقتنعه بهالمدرسه حتى الحين ولدى حاطته بحضانه الابداع واهيه بعد وايد يعتمدون على الدينيه يعنى نفس منهج الرؤيه تقريبا
بس ريلي الله يهده يبى الباكستانيه وانا مو بالعتها
والله يكتب الى فيه الخير وانشالله ادششهم الرؤيه

 

[Miss_Tiger79]

مشاركة: مدرسه الرؤيه ثنائيه اللغه

حتى انا على فلوسهم قاعده اقول حتى لو بخلص معاشي على فلوسهم وافلس بس ابى عيالى يدرسون هناك لانه سمعتها وايد قويه ويم بيتنا ومستوى زين وتدريس ممتاز