مدرسة snow angel لتعليم فن الطبخ بالخطوات المصورة ( حصرياً لمنتدى كويتيات )

[lamitaaa]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

عجيب الموضوع

ممكن انشوف ستيك الدجاج بصوص المشروم ؟

 

[امة الله2]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

والله ما قصرتي يا بنت الاجويد والله يجزيج الجنه ان شاء الله ويرزقج الذريه الصالح ويصلاح لج زوجك اللهم امين[/color]

 

[ام_يويو]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ما شاء الله تبارك الرحمن

مبروووك افتتاح المدرسة

وعسى الله يوفقج وييسر أمورج ويرزقج الذرية الصالحة ...

 

[ABEER FLOWER]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

تسلم الأياااااادي ضيوفة على الوصفات الرائعة
و الله يعطيج ألف عافية و يرزقج بالذرية الصالحة
تستاهلين كل خير حبيبتي

 

[ايمانو حلوة]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

عجيب الموضوع

ممكن انشوف ستيك الدجاج بصوص المشروم ؟

هلا حبوبة


اتفضلي

ستيك الدجاج بالمشروم



نبدا بالمقادير


2 صدور دجاج


مقادير التتبيله:


ملح
فلفل اسود
نص حبه ماجي
قطعه صغيره زبده
ليمونه
فص ثوم
صوص صويا ملعقه صغيره او اقل مو مشكله
روز ماري اذا متوفر عندك
كمون اذا متوفر عندك
رشه اورغيانو بعد اذا متوفره
نص ملعقه صغيره خل
ثم ينقع بالخلطه لمده ليله ويوضع بالثلاجه لحين استعماله



مقادير صلصه المشروم :


مشروم نص علبه او حسب ماتحبين
ملعقه جبن صغيره
صوص نقاط قليله


الطبقه الاخيره جبن تشدر فقط



-------------------------------------


الطريقه :


- تاخذي صدور الدجاج تقطعينها بالعرض وتفتحينها وبتكون بشكل الفراشه ..


- حطيها على لوح التقطيع ،، غطيها بكيس نظيف ثم بمقلاه صغيره اضربيها عشان تتسطح ضربيتين او ثلاث ،، طبعا في ناس يستخدمون مطرقه اللحم بس انا شفت هالطريقه تسويها ريتشل راي وعجبتني حسيت انها تخلي قطعه الستيك متساويه بشكل افضل ..


- حطي قطعتين الستيك في صحن ورشي عليه قليل ملح وفلفل ،، لاتكثرين لانك راح تتبلينه بالماجي بعدين ..
ابشري عليه الثوم / صبي شويتين خل ، الروز ماري ، الارغيانو والكمون والليمونه والصوص الصويا ،، وبالاخير مرررررررررره امسكي قطعه الزبده الذايبه بحراره الغرفه وليست مذوبه ع النار وامسحي فيها قطعتين الستيك من الجهتين ... مو مشكله لو تكتلت ..


- خذي المقلاه او مقلاه الشوي اذا متوفره عندك .. وحطي فيها قليل من الزبدة المذوبه وبعدها حطي شرايح الستيك عليها وقلبيها لمدة من 5 الى 10 دقائق .. بسرعه راح تنضج فخليها على جنب كم دقيقه بس .


- لما قريب تخلص خذي الماجي وذوبيه في شويه ماء ثم اضيفيه على الستيك وخليه قطع الستيك تتشرب نكهه الماجي ..


- بعدها خذي الفطر وحطيه على جنب في المقلاه جنب قطع الستيك وخليه يتشرب طعم الصلصه وبمجرد تشيلين الستيك تحطينه بالصحن اضيفي الجبنه والصوص على الفطر وحركيهم شوي ثم اضيفي على كل قطعه ستيك كميه من المشروم وابشري عليها كميه من جبن تشدر واضيفيها على المشروم وهو حار عشان تسيج الجبنه فوقه







وشوفي هالرابط سوي نفس الطريقة بس ضيفي مشروووم مع الصلصة

http://q8yat.net/showthread.php?t=386604



وحياج الله

 

[شندوخه]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ضيوفه ادري اني مصختها
وادري انج مشغوله بالطلبات الله يعطيج العافيه
بس انا حابه اغير من نوعيه الطلبات
وابي تتبيله للدياي المشوي وتكون بالفرن على ذوقج الحلو
سواء ايطاليه او سعوديه لوووووول

 

[ايمانو حلوة]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ضيوفه ادري اني مصختها
وادري انج مشغوله بالطلبات الله يعطيج العافيه
بس انا حابه اغير من نوعيه الطلبات
وابي تتبيله للدياي المشوي وتكون بالفرن على ذوقج الحلو
سواء ايطاليه او سعوديه لوووووول

اهلين شندوخة اسمحيلي باخذ مكان ضيوفة بما انها مو متواجدة حاليا

اذا بغيتي تتبيلة ايطالية حللوة شوفيي
اذا عندج صدور دياي كبار نظفيهم وخليهم على كتر وجهزي تتبيلتهم( ملح وفلف اسود وفلف حار المجروش وزيت زيتون وثوم مهرووس وزعتر فريش مفروم وروزماري فريش مفروم وريحان فريش مفروم وخلطيهم مع بعض وتبلي فيهم الدياي ودخليه الفرن وبعد مايتحمر طلعيه وحطي عليه اشوي من صلصلة المارينارا تنباع جاهزة ابدين اند دولكا واذا تقدرين سويها بالبيت تطله الذ وانطع وحطي على كل صدر مقدار قفشة عودة ورديها الرفن بس 10 دقايق وطلعيها وقدميها مع رشة بقدونس مع خضار سوتيه وبالعافية( تقدرين تستخدمين الدياي الكامل مع نزع الجلد)





مارينارا صوص

حمسي بصل وثوم وجزر مفروم وكرفس امريكي وحركيهم مع تتبيلهم ملح وفلفل اسود وبعدين حطي طماط مفرووم او مطحون بالبروسيسر او طماط معلب مع معجون طماط ومااي اشوي وخليها تطبخ نص ساعة تالي حطي عليها ريحان مفرووم وحركيها وطحنيها بالخلاط واستخدميها حسب الطلب والباجي تقدرين اتفرزنينه





وانا طريقتي حق الدياي المشوي

اتبله ملح وفلف اسود وعصير ليمون وثوم وروب وشوي معجون طماط وكزبرة ناشفة وكمون وبابريكا وكاري وكركم وفلفل حار وزيت زيتون اخلطهم مع بعض واتبل فيه الدياي يوم كامل تالي احطه بالفرن

انا وااايد احب هالطريقة حق الدياي المشوي بالفرن واقدمه مع بطاط مشوي





وحياج الله:klhfl:

 

[mi$$ no0of]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

:nbvppw:

يـــــــــاحي زول (ن) مرنــــي ياحيـــهـ

الزيــن نجــدي والدلــــع شرقــــــــــاوي

:nbvppw:

ربي يحفظك ضيووفة .. ماشاء الله تبارك الله ..

متعودين الزين مايجي منه إلا الزين :eh_s(15):

أنا ماعندي طلب معين كل شي يجي منك روعة .. بس امممم لو ودك تسوين أكلات غربية ممكن تورينا إبداعاتك في الستيك والسكالوب والدجاج الرول وهالسوالف _03BA: << كل هذا وماتبين تطلبين :krkrkr:


امممم صح خيتووو بغيت أسألك عن التوست الملون ..

أخذتيه من الشرقية ؟؟ :eh_s(1): << ماظنيت

والا من الرياض والا من البحرين؟؟:080402ask_prv:

 

[سـاكـــورا]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

الله يعطيج العافيه

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

أنا حق المطبق

استخدم



عجينة السمبوسة



مشكوووووووووووووووره




وتسلم هالأيادي



حبييتي

صح ياقلبي المطبق نفس عجينة السنبوسه بس كبار
يسلمك ربي ويخليك

تسلمون حبيباتي ماقصرتو

وناطرة طريقة المفروكة

من اليوم ورايح بسميك مفروكه :tomato2:

ماشاءالله تبارك الرحمن

توني اشوف الموضوع وحييل استانست الصراحه لاني احب وصفاتج وطبخج

وعندي طلب ماعليج امر بغيت اكله ايطاليه غريبه

ويعطيييج العافيه حبيبتي والله يرزقج ان شاءالله بالذريه الصالحه يارب

ايه هذي الطلبات فديتك :eh_s(6):

من عيوني تامرين امر ياقلبي

اللهم آمين

عجيب الموضوع

ممكن انشوف ستيك الدجاج بصوص المشروم ؟

من عيوني ياقلبي

والله ما قصرتي يا بنت الاجويد والله يجزيج الجنه ان شاء الله ويرزقج الذريه الصالح ويصلاح لج زوجك اللهم امين[/color]

اللهم آمين اجميعن ياقلبي

ما شاء الله تبارك الرحمن

مبروووك افتتاح المدرسة

وعسى الله يوفقج وييسر أمورج ويرزقج الذرية الصالحة ...

اللهم آمين

تسلمين ياقلبي

تسلم الأياااااادي ضيوفة على الوصفات الرائعة
و الله يعطيج ألف عافية و يرزقج بالذرية الصالحة
تستاهلين كل خير حبيبتي

الروعه في مرورك ياقلبي

تسلمين حياتي

ضيوفه ادري اني مصختها
وادري انج مشغوله بالطلبات الله يعطيج العافيه
بس انا حابه اغير من نوعيه الطلبات
وابي تتبيله للدياي المشوي وتكون بالفرن على ذوقج الحلو
سواء ايطاليه او سعوديه لوووووول

لا والله يا الغاليه لا مصختيها ولا شيء على الاقل انتي جالسه تطلبين طلبات وانا متأكده انك تبينها وتطبقينها مو بس تطلبين ونتعب عليها ولا تسوينها

من عيوني يا الغاليه تامرين امر

:nbvppw:

يـــــــــاحي زول (ن) مرنــــي ياحيـــهـ

الزيــن نجــدي والدلــــع شرقــــــــــاوي

:nbvppw:

ربي يحفظك ضيووفة .. ماشاء الله تبارك الله ..

متعودين الزين مايجي منه إلا الزين :eh_s(15):

أنا ماعندي طلب معين كل شي يجي منك روعة .. بس امممم لو ودك تسوين أكلات غربية ممكن تورينا إبداعاتك في الستيك والسكالوب والدجاج الرول وهالسوالف _03BA: << كل هذا وماتبين تطلبين :krkrkr:


امممم صح خيتووو بغيت أسألك عن التوست الملون ..

أخذتيه من الشرقية ؟؟ :eh_s(1): << ماظنيت

والا من الرياض والا من البحرين؟؟:080402ask_prv:

هلا والله وغلا

تسلمين يابعد قلبي

والله اخذه من الكويت وافرزه على طول :eh_s(6):

الله يعطيج العافيه

الله يعافيك

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

هلا حبوبة


اتفضلي

ستيك الدجاج بالمشروم



نبدا بالمقادير


2 صدور دجاج


مقادير التتبيله:


ملح
فلفل اسود
نص حبه ماجي
قطعه صغيره زبده
ليمونه
فص ثوم
صوص صويا ملعقه صغيره او اقل مو مشكله
روز ماري اذا متوفر عندك
كمون اذا متوفر عندك
رشه اورغيانو بعد اذا متوفره
نص ملعقه صغيره خل
ثم ينقع بالخلطه لمده ليله ويوضع بالثلاجه لحين استعماله



مقادير صلصه المشروم :


مشروم نص علبه او حسب ماتحبين
ملعقه جبن صغيره
صوص نقاط قليله


الطبقه الاخيره جبن تشدر فقط



-------------------------------------


الطريقه :


- تاخذي صدور الدجاج تقطعينها بالعرض وتفتحينها وبتكون بشكل الفراشه ..


- حطيها على لوح التقطيع ،، غطيها بكيس نظيف ثم بمقلاه صغيره اضربيها عشان تتسطح ضربيتين او ثلاث ،، طبعا في ناس يستخدمون مطرقه اللحم بس انا شفت هالطريقه تسويها ريتشل راي وعجبتني حسيت انها تخلي قطعه الستيك متساويه بشكل افضل ..


- حطي قطعتين الستيك في صحن ورشي عليه قليل ملح وفلفل ،، لاتكثرين لانك راح تتبلينه بالماجي بعدين ..
ابشري عليه الثوم / صبي شويتين خل ، الروز ماري ، الارغيانو والكمون والليمونه والصوص الصويا ،، وبالاخير مرررررررررره امسكي قطعه الزبده الذايبه بحراره الغرفه وليست مذوبه ع النار وامسحي فيها قطعتين الستيك من الجهتين ... مو مشكله لو تكتلت ..


- خذي المقلاه او مقلاه الشوي اذا متوفره عندك .. وحطي فيها قليل من الزبدة المذوبه وبعدها حطي شرايح الستيك عليها وقلبيها لمدة من 5 الى 10 دقائق .. بسرعه راح تنضج فخليها على جنب كم دقيقه بس .


- لما قريب تخلص خذي الماجي وذوبيه في شويه ماء ثم اضيفيه على الستيك وخليه قطع الستيك تتشرب نكهه الماجي ..


- بعدها خذي الفطر وحطيه على جنب في المقلاه جنب قطع الستيك وخليه يتشرب طعم الصلصه وبمجرد تشيلين الستيك تحطينه بالصحن اضيفي الجبنه والصوص على الفطر وحركيهم شوي ثم اضيفي على كل قطعه ستيك كميه من المشروم وابشري عليها كميه من جبن تشدر واضيفيها على المشروم وهو حار عشان تسيج الجبنه فوقه







وشوفي هالرابط سوي نفس الطريقة بس ضيفي مشروووم مع الصلصة

http://q8yat.net/showthread.php?t=386604



وحياج الله

بعد قلبي ما تقصرين يا الغاليه على المساعده الطيبه

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

بسم الله الرحمن الرحيم


سأنقل اليوم للأخت جولي طريقة المثلوثه
بما أن الأكله تأخذ الكثييييييييييييير من الوقت وجميع الطرق بنفس الطعم تقريبا فضلت نقلها إختصارا للوقت ولتلبية جميع الطلبات

المــثــلــــوثــــه


عبارة عن ثلاث طبقات
طبقة جريش
وطبقه خبز مسح تشريب
وطبقة أرز





المقادير

الجريش

كأسين حب جريش
2ونص لتر لبن
ماجي قليل الملح
ملعقة صغيرة كمون
2 بصل مفروم ناعم



مقادير

التشريب


بطاطس مكعبات
جزر مكعبات
كوسا
كيش خضار مشكله
طماطم مكعبات
بصل مفروم
ليمون اسود كور
ماجي
صلصله
فلفل اسود
خبز مسح
دهن بقر مذوب
صلصه
دجاجه مقطعه نصين



الطريقه

أول شئ نعمل الجريش
نجيب القدر ونحط شويه زيت وبعدين البصل ونحمسه على نار خفيفه لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك عشان ما يفصل اللبن معانا ونظل نحرك حتى
يصل لمرحلة الغليان نضيف الجريش المغسول ونظلنا نحرك حتى يثقل المزيج
يعني تصيرين تشوفين حبات الجريش
تبان من فوق هنا خففي النار مرة هادئه وحطي قطعة حديده تحت القدر وغطيها بالقصدير
وأتركيه يطبخ لمده 3 الى اربع ساعات
وبعد مرور الوقت فكي الغطاء والقصدير وأظربي الجريش بمضرب خشب وخليه على جنب



الحين نعمل المرق حق التشريب


احمسي البصل مع الماجي والبهارات الي عندك تستخدمينها للمرق وبعدين أضيفي الدجاج والماء وأتركيه يغلي
الي ان تستوي الدجاجه
بعدين أرفعي الدجاجه وحطيه على جنب الحين
المرق الي صار عندنا نقسمه نصين
كل واحد بقدر
قدر راح نضيف له الخضرة الي عندنا المقطعه والصلصه والطماط ونخليه يطبخ الي ان تستوي الخضرة
والقدر الثاني نضيف له الارز ونسوي الارز مجبوس فيه
نراعي طبعا كميه الماء لأننا راح نظيف زياده ماء ونضيف شوية ملح
بعد ما يستوي المرق
نجيب الخبز المسح ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق الي قيه
الحين نسوي حشو بصل عادي ومكسرات محموسه
نأخذ نص من الحشو ونضيفه للخبز المسح
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه
الحين جينا لطريقة التقديم




أول شئ نحط طبقة الجريش

ثاني شئ نحط الخبز الي رشيناه بالمرق وشويه من حشوا البصل ونحط الخضرة الي كانت بالقدر

الحين نحط الارز

وبعدين فوقه نصف ا لدجاج ونحط الحشو البصل والمكسرات ونزينه ونرش فوقه سمن

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

بناء على طلب الأخت همبه في المظبي

ونظرا ايضا لإختصار الوقت والنتيجه واحده في كل المطاعم اليمنيه المتواجده في السعوديه
وبما انها أكلات مألوفه ومعروفه وموجوده في جميع المطاعم الشعبية فسأنقلها لكم لجعل وقت كافي للأكلات الأجنبيه الغريبه والغير مألوفه من أجل تطور أكثر في فن الطبخ

الطريقة هي طريقة عمل المظبي على الملح


المقادير



كيس او اثنان ملح قصب خشن

لحمه هرفي صغير طازجه ..

بهارات لتكشين اللحم بشكل خفيف جداً غير ملاحظ ..
ملح ناعم خفيف
بصل
طماط
فلفل بلدي
زيت طبخ أو تاخذ من شحم الهرفي افضل
ورق الغار لزوم الكبسة عشان تطلع نثرية وبها نكهه الرز الزربيان العدني ذو النكهه المميزه ..
حبات هيل توضع مع الارز
عويدي او مسمار يوضع مع الارز
رز ابو كاس حسب عدد الاشخاص (طريقة الليلة لثلاثة اشخاص تكفي اربعه)

الطريقة


1


أولا ناخذ الملح ونطشه بالقدر حتى يملأ اقل من ثلثه او ربعه تقريبا بدون ماء ولا شئ .. الكيس يكفي اذا كان حجم القدر صغير .. واذا كان القدر كبير كيسان الى كيس ونص ..
نشعل النار على القدر ثم نكب الملح ساده وسطه ولا تخاف ما راح يميع او يحترق من الحراره ابدا ابدا ..

2

يترك على نار هادئة لمدة عشر دقائق حتى يسخن الملح وتأكد من ذلك بلمس الملح باصبعك ..
بعد ذلك اخلط اللحم مع البهارات بشكل خفيف جداً وكذلك اضافة قليل جداً من الملح لأن اللحم سيتشرب بجزء من بخر الملح ..
الان بعد ما تبلنا اللحم .. الملح وسط القدر اصبح يصدر صوت خفيف طقطقه من اثر الحراراه .. ناخذ اللحم ونضعه بكل هدوء فوق الملح قطعه قطعه .. ولا تحرك القطع من مكانها بعد اول مره تضعها فوق الملح .. تمام ..

3

الان بعد ما صفيت اللحم فوق الملح لا تخاف عليه ابد .. كل المطلوب منك ان تضع القصديرعلى فوهة القدر بشكل جيد لفه مره او مرتين واتركه لمدة ساعة اذا كان اللحم صغير طازج .. ولا ترفع عنه القصدير ابداً .. وستبهرك رائحة اللحم المظبي بعد نص ساعه من وضعه داخل القدر .. لذلك لا تنزعج كثيراً ما دام النار هادئة ..

4

على بال ما ينضج اللحم ضع البصل والطماط واحمسهم مع الفلفل وضع الهيل والعويدي .. وخل شغلك على رواقه لان امامك متسع من الوقت على بال ما ينضج اللحم ..

5

طش الماء في القدر وخله لين يسخن ثم ضع رز ابو كاس ومعه ورق الغار وطبق على قدر الرز لين يستوي وخله على نار هادئة .. حتى ينضج هكذا ..

6

شيل القصدير بعد ساعه لان اللحم قرب يستوي ويطلع شكله غير محمر ولا اروع ولونه ورائحته تاخذك الى عالم آخر من الخيال .. بشويش حاول تاخذ اللحم من فوق الملح بدون ما تحركها كثير يعني تشيلها بحرفنه وهي راح تجي معك ..

7

الارز يكون استوى واللحم كذلك وبكذا تضع اللحم فوق الرز وهذي هي صورة اللحم على الرز من قريب

​

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

طلب الاخت همبه المندي

المقادير :

دجاجه منظفه ومقطعه نصفين ومنقوعه في ( 1 م ص بهارات مشكله – كزبره مطحونه _ ليمون – قليل ملح – ثوم مدقوق – زنجبيل طري – كركم- فلفل اخظر رومي مقطع شرايح عريضه )
بصله مفرومه
رز مزه منقوع ( انا افضل مزة فياح او ابو كاس)
حبة ماجي
ماء مغلي
ملح
بهارات حب (4- 5 اعواد دارسين / 2 حبه لومي اسود / 5 حبات قرنفل / حبات كزبره / حبات فلفل اسود / 3 حبات هيل / 4 ورق غار )
3 – 4 م ط زيت
شوي زعفران

الطريقه :
(1- تحمس البصله المفرومه بقليل من الزيت في القدر المعد لطبخ المندي ومن ثم نضيف الرز وحبة الماجي ونحركه بخفه قليلا ثم نضيف له الماء المغلي حتى يغطيه بحيث يرتفع الماء عن الرز بمقدار 2 سم اذا كان الرز مزه اما اذا كان بسمتي (عنبر) ف 1 سم كفايه علشان مايتعجن وعلى العموم المزه افضل.ثم نضيف بهارات الحب المذكوره في

2- نضع المشخاله الخاصه بقدر المندي فوق الرز ونضع فيه الدجاجه المنقوعه مع بهاراتهاوالفلفل الرومي وندهنها بالزعفران ونرشها بالزيت ونغطيها بقصدير ثم نضع الغطاء بإحكام حتى لايخرج البخار وتدخل فرن حامي في الخمس أو العشر دقائق الأولى ثم تخفض الحراره ويترك الرز داخل الفرن على حراره هادئه الى مايقارب الساعتين أو الساعتين ونصف.

هنا بعد ما استوى الدجاج

انا حمرته تحت الشوايه
3- يخرج من الفرن ويزال القصدير بحذر ويغرف وبالهناء والعافيه.

( خواتي انا ما حطيتها في الفرن حطيتها على البوتجاز من فوق اولا حطيته على نار عاليه واذا بدا يغلي قصرت النار على اخر شى)


منقووووووووووووووووووووووووووووول​

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

أخواتي الغاليات طلب من أخت عزيزه عليكم وتحبكم وتبي تساعدكم في فن الطبخ

اولا الطلب لازم يكون جدي يعني تطلب طلب بالفعل محتاجه تسويه ولا عارفه الطريقه فتجي تطلب في هذا الموضوع
ثانيا بعد تنفيذ طلبكم ابغى اشوف تطبيقكم والنتيجه على شان انسى تعب الجهد في اتقانكم وابداعكم وتطبيقكم للطبق المطلوب


حبيباتي انا جالسه أبذل قصارى جهدي على شانكم وعلى شان أخليكم مبدعات في المطبخ حتى المنقول أبحث لكم عن أفضل طريقه والنتيجه تكون مضبوطه ميه بالميه

أنتظر تطبيق الأخوات في الطلبات اللي طلبوها على شان أشوف جهدكم وأبداعكم وحماسكم في الطلب
وما يكون جهدي يضيع هباء

شكرا لكم ​

 

[القرآن ربيع قلبي]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

يااااااااااااااااااسلاااااااااااااااااام على المندي عذبتيني ضيوووووووووفه
ودي احجز تذكرتي واسير عليج هالفجر اكل مندي وارجع
ابشري بالتطبيق سواء ناجح والا غيره مع التجكجك(( تصوير يعني))
بس وينها الشوكلت كييييك
على راحتج ياقلبي لا تستعجلين متى مافضيتي اسدحيها اهني

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

يااااااااااااااااااسلاااااااااااااااااام على المندي عذبتيني ضيوووووووووفه
ودي احجز تذكرتي واسير عليج هالفجر اكل مندي وارجع
ابشري بالتطبيق سواء ناجح والا غيره مع التجكجك(( تصوير يعني))
بس وينها الشوكلت كييييك
على راحتج ياقلبي لا تستعجلين متى مافضيتي اسدحيها اهني

الشوكلت كيك اهي دي حاجه تتنسي يا بت :krkrkr:

هذي صوره لها مبدئياً



أبغى حماس أكثر :ggdw:​

 

[A7bni_1]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

.
.

ماشاااءالله تبارك الرحمن .. عسى ايدينج سالمه ضيفه ..


أنا بسألج عن الكييييييييييييك ..

آنا تعودت أسوي الكيك الجاهز بيلسبري والعلالي ويضبطون وياي 100%

بس قررت أسوي كيكه شغل بيت !!

جربت جم وصفه من الانترنت كلهم فشلو .. أو كان عدد البيض فيه كبير يعني 8 بيضات ..؟؟ اشدعوه؟

اللهم وصفة وحيده يتيمه ضبطت معاي وكانت روعه وراح أقولج مقاديرها:

كوبين طحين منخول مرتين
قفشة بيكنج باودر
كوب سكر
كوب زيت
كوب حليب سائل
نص كوب حليب بودرة نيدو
بيضتين
رشة فانيلا ..


طلعت معاي حلوه ومنفوخه ومتماسكه وناضجه من الداخل ..

بس العيب انها مو طريييييييييه حيييييييييييل .. يعني فيها طراوة بس مو نفس طراوة الكيك الجاهز ..

فشنو تقترحين علي؟؟؟


شرايج ؟ شنو ممكن أغير بالمقادير؟؟ شنو أزيد أو شنو أنقص؟


أو بالمختصر المفيييييييد عطيني طريقتج الشخصيه بالكيك الطرررررررررري ..

وأكوووووون شاكره لج....:ggdw:

 

[أحلى همبه كويتية]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

مشككككككككككككككورة ضيفة فديتك
الله يرزقك الصحة والعافية والذرية الصالحة

ان شاء الله بس اشتري الملح الخش بجرب المضبي
وقريبا المندي
وبحط الصور
ابشرررررررررررررري

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

.
.

ماشاااءالله تبارك الرحمن .. عسى ايدينج سالمه ضيفه ..


أنا بسألج عن الكييييييييييييك ..

آنا تعودت أسوي الكيك الجاهز بيلسبري والعلالي ويضبطون وياي 100%

بس قررت أسوي كيكه شغل بيت !!

جربت جم وصفه من الانترنت كلهم فشلو .. أو كان عدد البيض فيه كبير يعني 8 بيضات ..؟؟ اشدعوه؟

اللهم وصفة وحيده يتيمه ضبطت معاي وكانت روعه وراح أقولج مقاديرها:

كوبين طحين منخول مرتين
قفشة بيكنج باودر
كوب سكر
كوب زيت
كوب حليب سائل
نص كوب حليب بودرة نيدو
بيضتين
رشة فانيلا ..


طلعت معاي حلوه ومنفوخه ومتماسكه وناضجه من الداخل ..

بس العيب انها مو طريييييييييه حيييييييييييل .. يعني فيها طراوة بس مو نفس طراوة الكيك الجاهز ..

فشنو تقترحين علي؟؟؟


شرايج ؟ شنو ممكن أغير بالمقادير؟؟ شنو أزيد أو شنو أنقص؟


أو بالمختصر المفيييييييد عطيني طريقتج الشخصيه بالكيك الطرررررررررري ..

وأكوووووون شاكره لج....:ggdw:

ماعليك من أي وصفه وماعليك من الجاهز

أن شاء الله انزل لك الطريقه ومايصير خاطرك الا طيب

مشككككككككككككككورة ضيفة فديتك
الله يرزقك الصحة والعافية والذرية الصالحة

ان شاء الله بس اشتري الملح الخش بجرب المضبي
وقريبا المندي
وبحط الصور
ابشرررررررررررررري

بعد قلبي تستاهلين يا الغاليه