مدرسة abs

[حرم_طيار]

لله يبارك فيج ليال

انا الحمدالله الله رزقني توأم بنات بعد ما حرمني من ولت ليون

والحين صرت ام البنات وبناتي عمرهم شهرين

 

[lyale]

يحلوهم البنات الله يبارك لج فيهم ويجعلهم من الذريه الصالحه
البنات احلا من الاولاد بكل شي والله

 

[حرم_طيار]

اي والله صاجه ليال الحمدالله على النعمه

مستعده حق لويه باجر؟

 

[lyale]

هلااا ام ليون سوري انا طلعت امس بدون ما سلم

 

[lyale]

اشلونج اليوم رحتي الكرنفال ولا لا انا توني راده من اللويه

 

[mr000]

السلام أمهات اشلونكم.. ين ليالي الله رزقج بأم ليون وإلا كنتي بروحج تكسرين الخاطر ان شاءالله بعد باقي الامهات يردون يشاركون..أم ليون الحمدلله على سلامتج والله يخليلج البنيات الحلوين..ليالي شخبار وليدج الله يخليه مابدى يناشب أخوانه على أغراضهم وألعابهم..يلا مابقى شي عالعطله وناسه..

 

[حرم_طيار]

لا والله ما رحت
وحده من البنات استنفرت ما نامت الا س8الصبح وحدي دخت و تعبت وليون كانت نايمه ولا يابت طاري قلت فكه يت منها

اشلون كان الوضع

 

[حرم_طيار]

السلام أمهات اشلونكم.. ين ليالي الله رزقج بأم ليون وإلا كنتي بروحج تكسرين الخاطر ان شاءالله بعد باقي الامهات يردون يشاركون..أم ليون الحمدلله على سلامتج والله يخليلج البنيات الحلوين..ليالي شخبار وليدج الله يخليه مابدى يناشب أخوانه على أغراضهم وألعابهم..يلا مابقى شي عالعطله وناسه..

الله يسلمج حبيبتي:sfg:

 

[lyale]

لا والله ما رحت
وحده من البنات استنفرت ما نامت الا س8الصبح وحدي دخت و تعبت وليون كانت نايمه ولا يابت طاري قلت فكه يت منها

اشلون كان الوضع

ام ليون حسافه كانت استانست ليون لو موديتها انا عيالي وايد استانسو وكان في وايد اشياء اكتيفيز لهم وهم يايبين لهم فت فور فن وباسكن روبنز وهارديز ونطاطيات اكثر من وحده داخل الجم وبره هم مسوين لهم حركات يعاني كان اوكي :s142:

 

[lyale]

مرووو حيا الله من زارنا لا بالعكس ما اكسر الخاطر ودامكم موجودين انتي وملكه ما حسيت بفراااااغ لوووول وهم ترا شي زين ان ما يدخلون يتشكون من المدرسه بالعكس باين ان الاهالي مرتاحه من المدرسه فا ما يدخلون نفس وايد مدارس قويه ومالهم حس بالمنتدي

 

[حرم_طيار]

حسافه

اهم شي انتو استانستوا

اسمحيلي على الفضول ليال انتي اي مواليد واذا فيها احراج راسليني على الخاص

 

[mr000]

يالله زين الحمدلله.. أهم شي تكون المدرسه زينه ومرتاحين منها..

 

[lyale]

هلاا ام ليون اي الحمد الله استانسنا والله
لوووووووووووول سؤاااالج جدا محرج ورديت عليج بالخاص بس انتي مهم تعرفين عمري يعني

 

[حرم_طيار]

لا والله مو مهم بس مثل ما قلت لج قضول

واذا وايد محرج خلاص والله مولازم ما بي احرجج

 

[lyale]

لا مو عن شي بس محرج الرقم لووول
المهم شلون بنتج بكي جي تو

 

[حرم_طيار]

ليون الحمدالله تمام والكل يحبها ويمدحها والوجبات موت
العربي كل اسبوع املاء بالهجاء و الحمدالله على طول فل مارك
وماشألله اتعرف اتقرى وقرايتها قويه واتحاول تقرى اعلانات الشارع واتموت على القصص
وشخصيتها وايد حلوة وعندها ثقه بنفسها ولما انروح مطعم اتحب اهي الي تطلب والاكسنت عندها عجيب وتتكلم بثقه
والحين امعلمينها اتصلي وصارت اتصلي معاي

 

[حرم_طيار]

ونسيت شي خطها وايد حلو واتحاول تتهجا الكلمات وتكتب ابروحها

بصراحه المدرسه وايد قويه عليهم بالعافيه الفلوس

 

[حرم_طيار]

شوفي ليال بقولج لج جم شغله ما قلتها لج انا وايد دقيقه ومو اي شي يعجبني ما بقى مدرسه ما دخلتها قدمت على ais ودقوا علي بس ما دخلتها

و رحت uasوما عجبتني انا ابي نظام امريكي وبنفس الوقت متمسك بلغتنا العربيه ما لحقت على تسجيل البيان والابداع لاني كنت امسافرة

انا اكثر شي عجبني بالمدرسه انها قويه بالانجليزي وبنفس الوقت قويه بالعربي ومو ناسين التربيه الاسلاميه مثل باجي المدارس الامريكيه واحلى شي فوق كل

هذا ان بعدين فصل هذا اكثر عاجب زوجي بصراحه هذي الاسباب الي خلتني اقدم على المدرسه رغم الاشياء اللي سمعتها عنها انها بس مظاهر

اهم شي انا مقتنعه ومرتاحه من النتيجه

 

[lyale]

الحمد الله وصح اهي وايد قويه وبالنسبه عن ان اهما يميزون ناس علي ناس ما حسيت بالشي هذا وعن المظاهر اصلا المجتمع الكويتي كلا مظاهر صار شي ما نستغني عنه وانا هم الي محببني فيها انها ثنائيه اللغه مهتمين بالعربي وهي لغتنا ولغة القران وهم مهتمين بدرجه قويه بالانجليزي فا ما حسيت ان فيها ضعف من اي ناحيه وهم الي عجبني ان مهتمين بمبني المدرسه لان هالشي بينعكس علي راحة الطلبه

 

[حرم_طيار]

صاجه والله اكفايه المدرسات اللي اتشجع على اقل شي يمدحون ولغابت يدقون يسألون

ترى انا حدي مودينه بس انا عشان درست بمدرسه خاصه اعرف اشلون اقيم المدرسه الزينه من الشينه